Click it and Unblock the Notifications
Just In
Don't Miss
-
വെള്ളിയാഴ്ച ഭാരത ബന്ദ്; രാജ്യം സ്തംഭിക്കും; കടകള് തുറക്കില്ല, റോഡ് ഉപരോധിക്കുമെന്ന് സമരക്കാര് -
രക്തസമ്മര്ദ്ദം പിടിച്ചുനിര്ത്താന് ഉത്തമം ഈ വിത്ത് -
ഡിംപലിനെ മജിസിയ പിന്നില് നിന്നും കുത്തിയോ? സൗഹൃദത്തില് വിള്ളല് വീണ് തുടങ്ങിയെന്ന് പ്രേക്ഷകര് -
IND vs ENG: പുജാര പൂജ്യത്തിന് പുറത്ത്, അപൂര്വ്വ കാഴ്ച, കുറവ് പന്തുകള് നേരിട്ട് മടങ്ങിയ കണക്കുകളിതാ -
വിശ്വാസം മാത്രംമതി! ഈ ക്ഷേത്രങ്ങളിലെ പ്രസാദം രോഗങ്ങളകറ്റും! -
ഓഹരി വിപണി നേട്ടത്തില് ഉണര്ന്നു; സെന്സെക്സ് 500 പോയിന്റിലേറെ വര്‍ധിച്ചു -
വൺപ്ലസ് നോർഡ് സ്മാർട്ട്ഫോണിന്റെ പ്രീ-ഓർഡർ ജൂലൈ 15 മുതൽ ആമസോൺ വഴി ലഭ്യമാകും
മാരുതി സുസുക്കി XL6-ന്റെ വില്‍പ്പനയില്‍ വന്‍ വളര്‍ച്ച്; കണക്കുകള്‍ ഇങ്ങനെ
ഇന്ത്യന്‍ വാഹന വിപണിയെ സംബന്ധിച്ച് കഴിഞ്ഞ വര്‍ഷം പ്രയാസകരമായ സമയമായിരുന്നുവെന്ന് വേണം പറയാന്‍. എന്നാല്‍, ഈ വര്‍ഷം കാര്യങ്ങള്‍ ഗണ്യമായി മെച്ചപ്പെട്ട് വരുന്നതായിട്ടാണ് റിപ്പോര്‍ട്ടുകള്‍ സൂചന നല്‍കുന്നത്.
എംപിവി വില്‍പന പ്രത്യേകിച്ചും കഴിഞ്ഞ മാസം ഇന്ത്യന്‍ വിപണിയില്‍ കുത്തനെ വളര്‍ച്ച കൈവരിച്ചു. മാരുതി സുസുക്കിയുടെ പ്രീമിയം എംപിവി, XL6, 2021 ജനുവരിയില്‍ 3,119 യൂണിറ്റുകളുടെ വില്‍പ്പനയാണ് രജിസ്റ്റര്‍ ചെയ്തിരിക്കുന്നത്.
2020 ജനുവരിയിലെ വില്‍പ്പനയുമായി താരതമ്യപ്പെടുത്തുമ്പോള്‍, വാഹനം 305.06 ശതമാനമെന്ന വലിയ വാര്‍ഷിക വളര്‍ച്ചയ്ക്കാണ് സാക്ഷ്യം വഹിച്ചത്. 770 യൂണിറ്റുകള്‍ മാത്രമായിരുന്നു പോയ വര്‍ഷം വിറ്റഴിക്കാന്‍ സാധിച്ചത്.
എന്നിരുന്നാലും, 2020 ഡിസംബറില്‍, മാരുതി XL6-ന്റെ വില്‍പ്പന കണക്കുകള്‍ 3,088 യൂണിറ്റായിരുന്നു, ഇത് 2021 ജനുവരിയില്‍ വെറും ഒരു ശതമാനം മാത്രം പ്രതിമാസ വളര്‍ച്ചയിലേക്ക് വിവര്‍ത്തനം ചെയ്യുന്നു.
വര്‍ധിച്ച ഇന്‍പുട്ട് ചെലവ് നികത്തുന്നതിനായി കഴിഞ്ഞ മാസം മാരുതി സുസുക്കി അതിന്റെ നിരയ്ക്ക് വില വര്‍ധനവ് പ്രഖ്യാപിച്ചിരുന്നു. എന്നാല്‍ XL6-ന്റെ മാനുവല്‍ വേരിയന്റുകളുടെ വിലയില്‍ ഒരു മാറ്റവും ഉണ്ടായില്ല.
MOST READ: 2021 മോഡൽ ടൊയോട്ട ഹിലക്‌സ് വിപണിയിൽ; ഇന്ത്യൻ വിപണിയും കാത്തിരിക്കുന്നു
ഓട്ടോമാറ്റിക് മോഡലുകള്‍ക്ക് 10,000 രൂപയുടെ വര്‍ധനവ് വരുത്തിയിരുന്നു. മിക്കവാറും എല്ലാ നിര്‍മ്മാതാക്കളും സമാനമായ രീതിയില്‍ വില ഉയര്‍ത്തിയതിനാല്‍ വില വര്‍ധനവ് വില്‍പ്പന സംഖ്യയെ സാരമായി ബാധിക്കാന്‍ സാധ്യതയില്ലെന്നാണ് കമ്പനിയുടെ കണക്കുകൂട്ടല്‍.
1.5 ലിറ്റര്‍ ഇന്‍ലൈന്‍-4 നാച്ചുറലി ആസ്പിറേറ്റഡ് പെട്രോള്‍ എഞ്ചിനാണ് മാരുതി XL6-ന്റെ കരുത്ത്. ഇത് യഥാക്രമം 105 bhp കരുത്തും 138 Nm torque ഉം ഉത്പാദിപ്പിക്കുന്നു. ഈ യൂണിറ്റ് 5 സ്പീഡ് മാനുവല്‍ അല്ലെങ്കില്‍ 4 സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ഗിയര്‍ബോക്‌സ് ഉപയോഗിച്ച് ജോടിയാക്കുന്നു.
MOST READ: മഹീന്ദ്ര നല്ലകാലം സമ്മാനിച്ച് ഥാര്‍; വാരികൂട്ടിയത് 39,000-ലധികം ബുക്കിംഗുകള്‍
ഒരു മൈല്‍ഡ്-ഹൈബ്രിഡ് സിസ്റ്റവും സ്റ്റാര്‍ട്ട്-സ്റ്റോപ്പ് ഫംഗ്ഷനുകളും എംപിവിയില്‍ സ്റ്റാന്‍ഡേര്‍ഡായി ലഭ്യമാണ്. ഡ്രൈവര്‍ ഉള്‍പ്പെടെ ആറ് പേര്‍ക്ക് ഇരിക്കാനുള്ള സീറ്റിംഗ് ശേഷി വാഹനം നല്‍കുന്നു, രണ്ടാം നിരയില്‍ ക്യാപ്റ്റന്‍ സീറ്റുകളും വാഗ്ദാനം ചെയ്യുന്നു.
ഫീച്ചറുകളുടെ നിരയില്‍ 7.0 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം (ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ കണക്റ്റിവിറ്റി എന്നിവ), ഓട്ടോമാറ്റിക് ക്ലൈമറ്റ് കണ്‍ട്രോള്‍, ക്രൂയിസ് കണ്‍ട്രോള്‍, കീലെസ് എന്‍ട്രി, പുഷ്-ബട്ടണ്‍ സ്റ്റാര്‍ട്ട് / സ്റ്റോപ്പ്, എല്‍ഇഡി എക്സ്റ്റീരിയര്‍ ലൈറ്റുകള്‍ (ഹെഡ്‌ലാമ്പുകള്‍, ഡിആര്‍എല്‍, ടെയില്‍ ലാമ്പുകള്‍), 15 ഇഞ്ച് അലോയ് വീലുകളും ഉള്‍പ്പെടുന്നു.
MOST READ: പുതുമ നിലനിർത്താൻ എംജി; 2021 ZS ഇലക്‌ട്രിക് ഫെബ്രുവരി എട്ടിന് വിപണിയിലേക്ക്
മാരുതി സുസുക്കി സമീപഭാവിയില്‍ ഇന്ത്യയില്‍ ഒരു പുതിയ എംപിവി പുറത്തിറക്കാന്‍ ഒരുങ്ങുന്നുവെന്നാണ് സൂചന. അത് XL6- ന് മുകളിലായി സ്ഥാനം പിടിക്കും.
ഇന്ത്യന്‍ വിപണിയിലെ പ്രധാന എതിരാളി മഹീന്ദ്ര മറാസോ ആയിരിക്കും. ടൊയോട്ടയുമായി സഹകരിച്ചാണ് ഈ വരാനിരിക്കുന്ന എംപിവി വികസിപ്പിക്കുന്നതെന്നും സൂചനകളുണ്ട്.
