Just In
- 29 min ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
- 2 hrs ago ഇത് ശരിക്കും ഇവി വിപ്ലവം! റേഞ്ച് ആശങ്കയ്ക്ക് ബൈബൈ; വെറും 15 മിനിറ്റ് ചാർജിൽ 510 കിലോമീറ്റർ ഓടും ഷവോമിയുടെ കാർ
- 15 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 15 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
Don't Miss
- Finance ഹൃദയം തകർത്ത് സ്വർണം, പവന്റെ വില ആദ്യമായി 50,000 കടന്നു, ഒറ്റ രാത്രി കൂടുയത് 1,040 രൂപ
- Movies ജീവിതത്തിലെ കൊടുങ്കാറ്റുകളില് മാറി നില്ക്കുന്നതില് തെറ്റില്ല; ബ്രേക്കപ്പ് റിപ്പോര്ട്ടുകള്ക്കിടെ ആരതി
- News രാഹുൽ ഗാന്ധി വയനാട്ടിലേക്ക്; പ്രചാരണം കൊഴുപ്പിക്കാൻ തടസമായി പണം, കോൺഗ്രസ് ഇതെങ്ങനെ മറികടക്കും?
- Sports IPL 2024: വേണ്ടത് 3 സിക്സര്, ചരിത്ര നേട്ടത്തിലേക്ക് റസല്; കോലിയെ കാത്ത് വമ്പന് റെക്കോഡ്
- Lifestyle Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- Technology ഓഫർ പെരുമഴയല്ല സുനാമിയാണ്; എസ് 23 അൾട്രയ്ക്ക് 35,000 രൂപയുടെ ഡിസ്കൗണ്ടുമായി ഫ്ലിപ്പ്കാർട്ട്
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഹാരിയറിനെയും സഫാരിയെയും പിന്നിലാക്കി ഹെക്ടർ മോഡലുകൾ
കഴിഞ്ഞ വർഷത്തെ മാന്ദ്യത്തിനുശേഷം ഇന്ത്യൻ വാഹനമേഖല വലിയ പുനരുജ്ജീവനത്തിലേക്കാണ് നീങ്ങുന്നത്. കൊവിഡ് ഭീഷണി നിലനിന്നിരുന്ന ആദ്യ ആറ് മാസങ്ങളിൽ വിൽപന വളരെ മോശമായിരുന്നുവെങ്കിലും കഴിഞ്ഞ 2-3 മാസത്തെ വിൽപ്പന കണക്കുകൾ ഏറെ ആശ്വാസമേകുന്ന ഒന്നാണ്.
വ്യക്തിഗത മൊബിലിറ്റിക്കുള്ള മുൻഗണനയാണ് വാഹന വ്യവസായത്തിന് കൂടുതൽ ഗുണപരമായ ഫലങ്ങൾ നൽകിയത്. ഇപ്പോൾ ഏറ്റവുമധികം വിൽപ്പന നടക്കുന്ന സെഗ്മെന്റാണ് എസ്യുവികളുടേത്.
വിൽപ്പനയുടെ കാര്യത്തിൽ ഹ്യുണ്ടായി ക്രെറ്റ ബഹുദൂരം മുന്നിലാണെങ്കിലും ടാറ്റ ഹാരിയർ, സഫാരി, എംജി ഹെക്ടർ, ഹെക്ടർ പ്ലസ് എന്നിവയും ഡിമാൻഡ് വർധിപ്പിച്ചിട്ടുണ്ട്. ടാറ്റ, എംജി മോട്ടോർ എന്നിവയുടെ 2021 മാർച്ചിലെ മൊത്തം വിൽപന 9,152 യൂണിറ്റായിരുന്നു.
MOST READ: എങ്ങനെയും വിൽപ്പന കൂട്ടണം, 35,000 രൂപ വരെയുള്ള ഓഫറുകളുമായി ഹോണ്ട വീണ്ടും
ഫെബ്രുവരിയിൽ നിരത്തിലെത്തിച്ചതിനേക്കാൾ 23.69 ശതമാനം വളർച്ചാ നിരക്കാണ് ബ്രാൻഡുകൾക്ക് ഉണ്ടായിരിക്കുന്നത്. ടാറ്റയും എംജി മോട്ടോർ എസ്യുവി വിൽപനയും തമ്മിലുള്ള വ്യത്യാസം വെറും 75 യൂണിറ്റാണ്.
കഴിഞ്ഞ ഫെബ്രുവരിയിലെ 2,030 യൂണിറ്റിൽ നിന്നും മാർച്ചായപ്പോൾ ടാറ്റ ഹാരിയറിന്റെ വിൽപ്പന 12.51 ശതമാനം വർധിച്ച് 2,284 യൂണിറ്റായിരിക്കുകയാണ്. അടുത്തിടെ പുറത്തിറക്കിയ 2021 സഫാരിയുടെ വിൽപ്പനയും 25.83 ശതമാനം ഉയർന്ന് 2,148 യൂണിറ്റായി.
രണ്ട് ഇരട്ട മോഡലുകളുടെയും വിൽപ്പന ഒത്തുനോക്കുമ്പോൾ ഹാരിയർ, സഫാരി വിൽപ്പന 4,432 യൂണിറ്റായി ഉയർന്നു. അതായത് പ്രതിമാസം 18.60 ശതമാനം വർധനവുണ്ടെന്ന് സാരം. ഈ രണ്ട് മോഡലുകൾക്കും ലഭിച്ച വലിയ ഡിമാൻഡാണ് 2021 മാർച്ചിൽ 422 ശതമാനം വാർഷിക വിൽപ്പന വളർച്ചയോടെ ഏറ്റവും കൂടുതൽ വിൽപ്പനയുള്ള മൂന്നാമത്തെ കാർ നിർമാതാക്കളായി ടാറ്റയെ മാറ്റിയത്.
2021 എംജി ഹെക്ടർ, ഹെക്ടർ പ്ലസ് എസ്യുവികൾ മാർച്ചിൽ മൊത്തം 4,720 യൂണിറ്റ് വിൽപന നടത്തി. ഫെബ്രുവരിയിൽ വിറ്റ 3,662 യൂണിറ്റുകളെ അപേക്ഷിച്ച് 28.89 ശതമാനം വർധന. അതായത് ടാറ്റ ഇരട്ടകളേക്കാൾ കൂടുതലെന്ന് വ്യക്തം.
MOST READ: ഡിസയര് ഉല്പാദനം ഗുജറാത്ത് പ്ലാന്റില് ആരംഭിച്ചു; ആദ്യ യൂണിറ്റ് പുറത്തിറക്കി മാരുതി
എംജി മോട്ടോർ 2021 ഏപ്രിൽ ഒന്നു മുതൽ ഹെക്ടർ, ഹെക്ടർ പ്ലസ് എന്നിവയുടെ വില വർധിപ്പിച്ചു. അഞ്ച് സീറ്റർ എസ്യുവിക്ക് 13.35-19.43 ലക്ഷം രൂപയും ഹെക്ടർ പ്ലസ് പതിപ്പിന് 17.50-19.61 ലക്ഷം രൂപയുമാണ് നിലവിലെ കൂടിയ വിലകൾ.
അതേസമയം 13.99 ലക്ഷം രൂപ മുതൽ 20.45 ലക്ഷം രൂപ വരെയാണ് ടാറ്റ ഹാരിയറിന്റെ വില. 6 അല്ലെങ്കിൽ 7 സീറ്ററായി അവതരിപ്പിച്ച പുതിയ ടാറ്റ സഫാരിക്കായി 14.70 ലക്ഷം രൂപ മുതൽ 21.46 ലക്ഷം രൂപ വരെ എക്സ്ഷോറൂം വിലയായി മുടക്കേണ്ടി വരും.