ടൈഗണിന് ശേഷം ടിഗുവാൻ ഫെയ്‌സ്‌ലിഫ്റ്റ് ഇന്ത്യയിലേക്ക് എത്തിയേക്കും

എന്നാൽ ഈ എസ്‌യുവി ടിഗുവാൻ ഫെയ്‌സ്‌ലിഫ്റ്റ് ആകാമെന്നാണ് പുതിയ സൂചനകൾ. ഫോക്‌സ്‌വാഗൺ ടൈഗണിനു ശേഷം വാഹനം വിപണിയിലേക്ക് എത്തുമെന്നാണ് പ്രതീക്ഷിക്കുന്നത്.

ടിഗുവാൻ ഫെയ്‌സ്‌ലിഫ്റ്റിനെ 2020 ജൂലൈയിലാണ് ഫോക്‌സ്‌വാഗൺ ആഗോളതലത്തിൽ പുറത്തിറക്കുന്നത്. ഇതിന് ഒരു വലിയ ക്രോം ഗ്രില്ലും ഇരട്ട-പോഡ് എൽഇഡി ഹെഡ്‌ലൈറ്റുകളുമാണ് പുതുമയേകാൻ നൽകിയിരിക്കുന്നത്.

MOST READ: 2021 ഹെക്ടർ ഫെയ്‌സ്‌ലിറ്റിന്റെ CVT ഓട്ടോമാറ്റിക് വേരിയന്റ് അവതരിപ്പിക്കാനൊരുങ്ങി എംജി

അതോടൊപ്പം എസ്‌യുവിയുടെ ഫ്രണ്ട് ബമ്പറും കമ്പനി അപ്‌ഡേറ്റുചെയ്‌തു. ഇപ്പോൾ ക്രോം ഉൾപ്പെടുത്തലുകളുള്ള വലിയ വെന്റുകളാണ് ടിഗുവാൻ ഫെയ്‌സ്‌ലിഫ്റ്റിൽ ഇടംപിടിക്കുന്നത് എന്നകാര്യവും ശ്രദ്ധേയമാണ്.

അകത്ത് പുതിയ ടിഗുവാനിൽ അപ്‌ഡേറ്റ് ചെയ്ത 3-സ്‌പോക്ക് മൾട്ടി-ഫംഗ്ഷൻ സ്റ്റിയറിംഗ് വീലും ടച്ച്സ്ക്രീൻ ഇൻഫോടെയ്ൻമെന്റ് ഹെഡ്-യൂണിറ്റിനൊപ്പം രൂപകൽപ്പന ചെയ്ത സെന്റർ കൺസോളും ഉൾക്കൊള്ളുന്നു.

MOST READ: സ്‌ക്രാപ്പിംഗ് നയം; 15 വര്‍ഷത്തില്‍ കൂടുതല്‍ പഴക്കമുള്ള വാഹനങ്ങള്‍ കൈവശംവെക്കുന്നത് ചെലവേറും

കാറിന് സ്റ്റാൻഡേർഡായി 8 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും ഓപ്ഷണലായി 10 ഇഞ്ച് യൂണിറ്റും ഫോക്‌സ്‌വാഗൺ വാഗ്‌ദാനം ചെയ്യുന്നുണ്ട്. അന്താരാഷ്ട്ര വിപണിയിൽ, ടർബോചാർജ്ഡ് 2.0 ലിറ്റർ, 4 സിലിണ്ടർ പെട്രോൾ എഞ്ചിൻ ഉപയോഗിച്ചാണ് ടിഗുവാൻ ഫെയ്‌സ്‌ലിഫ്റ്റ് വിൽപ്പനയ്ക്ക് എത്തുന്നത്.

ഇത് പരമാവധി 184 bhp കരുത്തിൽ 300 Nm torque ഉത്‌പാദിപ്പിക്കാൻ ശേഷിയുള്ളതാണ്. 315 bhp വാഗ്ദാനം ചെയ്യുന്ന ഒരു ടിഗുവാൻ R പെർഫോൻസ് അധിഷ്ഠിത വേരിയന്റും ഫോക്‌സ്‌വാഗൺ അണിനിരത്തുന്നുണ്ട്. കൂടാതെ പ്ലഗ്-ഇൻ ഹൈബ്രിഡ് വേരിയന്റും എസ്‌യുവി നിരയിലെ സാന്നിധ്യമാണ്.

MOST READ: ഫെബ്രുവരിയിലും മോഡൽ നിരയിലാകെ ഓഫറുകൾ പ്രഖ്യാപിച്ച് ഹോണ്ട

ഇന്ത്യയിൽ അഞ്ച് സീറ്റർ മോഡലിനെ പിൻവലിച്ച് ഏഴ് സീറ്റർ ടിഗുവാൻ ഓൾസ്‌പേസിനെയാണ് കമ്പനി കഴിഞ്ഞ വർഷം പരിചയപ്പെടുത്തിയത്. 2.0 ലിറ്റർ ടർബോ-പെട്രോൾ എഞ്ചിനിലാണ് ഇത് പ്രവർത്തിക്കുന്നത്.

7 സ്പീഡ് ഡ്യുവൽ ക്ലച്ച് ഓട്ടോമാറ്റിക് ഗിയർബോക്‌സുമായി ജോടിയാക്കിയ എഞ്ചിൻ 4,200 rpm-ൽ 187 bhp കരുത്തും 1,500-4,100 rpm-ൽ 320 Nm torque ഉം ഉത്പാദിപ്പിക്കും. എന്നാൽ 5 സീറ്റർ ടിഗുവാൻ ഫെയ്‌സ്‌ലിഫ്റ്റ് എസ്‌യുവിയുമായാകും കമ്പനി ഇത്തവണ എത്തുക.

രാജ്യത്തെ ഉപഭോക്താക്കൾക്ക് എസ്‌യുവി മോഡലുകളോളുള്ള അഭിനിവേശം മനസിലാക്കിയാണ് കമ്പനി ഇത്തരത്തിലൊരു തീരുമാനത്തിലെത്തിയിരിക്കുന്നത്. നിലവിലെ ബാക്കിയുള്ള മോഡലുകളെ പോലെ തന്നെ അഞ്ച് സീറ്റർ പതിപ്പിം പെട്രോൾ എഞ്ചിൻ ഉപയോഗിച്ച് മാത്രമേ വാഗ്ദാനം ചെയ്യുകയുള്ളൂ.