Click it and Unblock the Notifications
പുതുതലമുറ Suzuki Swift-ന്റെ അരങ്ങേറ്റം ഡിസംബറിലെന്ന് സൂചന; പിന്നാലെ ഇന്ത്യന് വിപണിയിലേക്കും
ഇന്ത്യന് വിപണി പോലെ തന്നെ മറ്റ് അന്താരാഷ്ട്ര വിപണികളിലും ഹിറ്റായി ഓടിക്കൊണ്ടിരിക്കുന്ന മോഡലാണ് സുസുക്കി സ്വിഫ്റ്റ്. അതുകൊണ്ട് തന്നെ ഈ മോഡലിന്റെ ഒരു പുതുതലമുറയെ അവതരിപ്പിക്കാനൊരുങ്ങുകയാണ് കമ്പനി ഇപ്പോള്.
കഴിഞ്ഞ കുറച്ച് ദിവസങ്ങളായി യൂറോപ്പില് ഒന്നിലധികം തവണ പരീക്ഷണയോട്ടം നടത്തുന്ന പുതിയ തലമുറ സ്വിഫ്റ്റിന്റെ ചിത്രങ്ങളള് പുറത്തുവന്നിരുന്നു. കോംപാക്റ്റ് ഹാച്ച്ബാക്ക് 2022 ഡിസംബറില് അതിന്റെ ഹോം മാര്ക്കറ്റായ ജപ്പാനിലും മറ്റ് അന്താരാഷ്ട്ര വിപണികളിലും വില്പ്പനയ്ക്കെത്തുന്നതിന് മുമ്പ് ആഗോളതലത്തില് അരങ്ങേറ്റം കുറിക്കുമെന്ന് റിപ്പോര്ട്ടുണ്ട്, പക്ഷേ ഇതുവരെ ഔദ്യോഗിക പ്രഖ്യാപനം ഉണ്ടായിട്ടില്ല.
2023 സുസുക്കി സ്വിഫ്റ്റ് അടുത്ത വര്ഷം എപ്പോഴെങ്കിലും ഇന്ത്യന് വിപണിയിലും എത്തുമെന്നാണ് ഞങ്ങള് പ്രതീക്ഷിക്കുന്നത്. ഷോയുടെ 2018 പതിപ്പിലാണ് ഏറ്റവും പുതിയ മോഡല് ആദ്യമായി പ്രദര്ശിപ്പിച്ചതെന്നതിനാല്, ജനുവരിയില് നടക്കുന്ന 2023 ഓട്ടോ എക്സ്പോയില് പുതിയ തലമുറ സ്വിഫ്റ്റിന്റെ പ്രാദേശിക അരങ്ങേറ്റത്തിനുള്ള സാധ്യത വളരെ കൂടുതലാണ്.
എന്നിരുന്നാലും, YTB (ബലേനോ ക്രോസ്) എന്ന കോഡ് നാമത്തിലുള്ള ബലേനോ അധിഷ്ഠിത എസ്യുവി കൂപ്പെയാണ് ഇത്തവണ ബ്രാന്ഡിന്റെ ഏറ്റവും വലിയ ഹൈലൈറ്റ്, കാരണം സ്വിഫ്റ്റ് പിന്നീട് കൊണ്ടുവന്നേക്കുമെന്നും സൂചനകളുണ്ട്.
പുത്തന് തലമുറ സുസുക്കി സ്വിഫ്റ്റിന്റെ സ്പൈ ചിത്രങ്ങള് നമുക്ക് മൊത്തത്തിലുള്ള രൂപകല്പ്പനയുടെ ചെറിയ വിവരങ്ങള് നല്കുന്നുവെന്ന് വേണം പറയാന്. കാരണം കഴിഞ്ഞ ദിവസങ്ങളിലായി പുറത്തുവന്ന ചിത്രങ്ങള് പൂര്ണമായും വാഹനം മറച്ചുകൊണ്ടുള്ള പരീക്ഷണ ചിത്രങ്ങളാണ്.
എങ്കിലും പുറംഭാഗത്ത് പുനര്രൂപകല്പ്പന ചെയ്ത ഫ്രണ്ട് ഗ്രില്, പുതിയ എല്ഇഡി ഡേടൈം റണ്ണിംഗ് ലൈറ്റുകളുള്ള ഷാര്പ്പായിട്ടുള്ള എല്ഇഡി ഹെഡ്ലാമ്പുകള്, പുതിയ എയര് ഇന്ടേക്ക്, ഫോഗ് ലാമ്പ് ഹൗസിംഗുകള് എന്നിവയുള്ള പുതുക്കിയ ഫ്രണ്ട് ബമ്പര് എന്നിവ ഉള്പ്പെടുന്നുവെന്ന് വേണം പറയാന്, കൂടാതെ മൊത്തത്തിലുള്ള അനുപാതവും വലുതായിട്ടുണ്ട്.
അതിനാല്, ഇന്റീരിയര് സ്പെയ്സും ബൂട്ടും വലിയ വോളിയം പ്രാപ്തമാക്കും. മറ്റ് വിഷ്വല് അപ്ഡേറ്റുകളില് പുതിയ ബോഡി വര്ക്ക്, ഒരു കൂട്ടം പുതുതായി ഡിസൈന് ചെയ്ത അലോയ് വീലുകള്, ഡാര്ക്ക് ബ്ലാക്ക് നിറത്തിലുള്ള പില്ലറുകള്, റൂഫ് ഇന്റഗ്രേറ്റഡ് സ്പോയിലര്, ട്വീക്ക് ചെയ്ത ബോണറ്റും ബൂട്ട്ലിഡും, പുതുക്കിയ പിന് ബമ്പര്, പുതിയ എല്ഇഡി ടെയില് ലാമ്പുകള്, പില്ലര് ഘടിപ്പിച്ചവയ്ക്ക് പകരം പരമ്പരാഗത പിന് ഡോര് ഹാന്ഡിലുകള് എന്നിവ ഉള്പ്പെടും.
MOST READ: ഏറ്റവും മികച്ച ഇന്ധനക്ഷമതയുള്ള മാരുതി സുസുക്കി സിഎന്ജി കാറുകള് ഇതൊക്കെ
2023 സുസുക്കി സ്വിഫ്റ്റ് ഹാര്ട്ട്ടെക്റ്റ് പ്ലാറ്റ്ഫോമിന്റെ അപ്ഡേറ്റ് ചെയ്ത പതിപ്പില് എത്തുമെന്നാണ് ഞങ്ങള് പ്രതീക്ഷിക്കുന്നത്. അത് മെച്ചപ്പെട്ട സുരക്ഷാ സവിശേഷതകളും സാങ്കേതികവിദ്യകളും വാഗ്ദാനം ചെയ്യുകയും ചെയ്യും.
സ്മാര്ട്ട്പ്ലേ പ്രോ+ കണക്റ്റിവിറ്റിയുള്ള വലിയ ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റത്തിന്റെ സാന്നിധ്യത്തില് ഫീച്ചര് ലിസ്റ്റ് ബലേനോയുമായി പങ്കിടാന് കഴിയുമ്പോള് ഇന്റീരിയറിന് ഒരു പുതിയ ഡാഷ്ബോര്ഡും സെന്റര് കണ്സോളും ലഭിക്കും.
നിര്മ്മാണ നിലവാരവും ഉപരിതല ഫിനിഷും മെച്ചപ്പെടുത്താന് കഴിയുമെന്നും റിപ്പോര്ട്ടില് പറയുന്നു. പ്രകടനത്തെ സംബന്ധിച്ചിടത്തോളം, ഹാച്ച് നിലവിലുള്ള 1.2-ലിറ്റര് പെട്രോള് എഞ്ചിനുമായി തുടരും, കൂടാതെ 1.4-ലിറ്റര് ബൂസ്റ്റര്ജെറ്റ് യൂണിറ്റ് ഘടിപ്പിച്ച പെര്ഫോമന്സ് അടിസ്ഥാനമാക്കിയുള്ള സ്വിഫ്റ്റ് സ്പോര്ട്ടും നിര്മ്മാണ ഘട്ടത്തിലാണ്.
അതേസമയം രാജ്യത്ത് വില്പ്പന വര്ദ്ധിപ്പിക്കുന്നതിനുള്ള പുതിവഴികള് തേടുകയാണ് കമ്പനി ഇപ്പോള്. ഇതിന്റെ ഭാഗമായി, രാജ്യത്ത് തുടര്ച്ചയായി ലോഞ്ചുകളിലൂടെ മറ്റേതൊരു കാര് നിര്മാതാക്കളേക്കാളും മാരുതി സുസുക്കി മുന്നേറുന്നുവെന്ന് വേണം പറയാന്.
ഇപ്പോള്, ഇന്ഡോ-ജാപ്പനീസ് വാഹന നിര്മാതാവ് മാരുതി സുസുക്കി ബലേനോ പ്രീമിയം ഹാച്ച്ബാക്കിന്റെ ക്രോസ്ഓവര് പതിപ്പ് ഇന്ത്യയില് അവതരിപ്പിക്കാന് ഒരുങ്ങുകയാണ്.
വരാനിരിക്കുന്ന മാരുതി സുസുക്കി ബലേനോ ക്രോസ്ഓവര് അടുത്തിടെ അപ്ഡേറ്റ് ചെയ്ത മാരുതി സുസുക്കി ബ്രെസ സബ്-4 മീറ്റര് എസ്യുവിക്കും പുതുതായി പുറത്തിറക്കിയ മാരുതി സുസുക്കി ഗ്രാന്ഡ് വിറ്റാര എസ്യുവിക്കും ഇടയിലായിരിക്കും സ്ഥാനം പിടിക്കുക.
വരാനിരിക്കുന്ന മാരുതി സുസുക്കി ബലേനോ ക്രോസ്ഓവറിന്റെ പരീക്ഷണയോട്ടം നിരത്തുകളില് സജീവവുമാണ്. വരാനിരിക്കുന്ന മാരുതി സുസുക്കി ബലേനോ ക്രോസ്ഓവറിന്റെ പുറത്തുവന്നിരിക്കുന്ന ഈ സ്പൈ ചിത്രങ്ങള്, മോഡല് അതിന്റെ അന്തിമ ഉല്പ്പാദന രൂപത്തിലെത്താന് കുറച്ച് മാസങ്ങള് മാത്രം അകലെയായിരിക്കുമെന്ന് വെളിപ്പെടുത്തുന്നു.
Continue with Google