Click it and Unblock the Notifications
ഇനി അധികം മുടക്കേണം, Nexon EV, Nexon EV Max ഇലക്ട്രിക് എസ്യുവികളുടെ വില വർധിപ്പിച്ച് Tata Motors
ടാറ്റ മോട്ടോർസ് ആഭ്യന്തര വിപണിയിലെ തങ്ങളുടെ പാസഞ്ചർ കാറുകളുടെയെല്ലാം വില വർധിപ്പിക്കുന്നതായി പ്രഖ്യാപിച്ചത് കഴിഞ്ഞ ദിവസമായിരുന്നു. വേരിയന്റുകളുടെയും മോഡലുകളുടെയും അടിസ്ഥാനത്തിൽ ടാറ്റ നിരയിലുടനീളമുള്ള വാഹന നിരയിൽ 0.55 ശതമാനത്തിന്റെ വില പരിഷ്ക്കാരമാണ് കമ്പനി നടപ്പിലാക്കുന്നതെന്നാണ് അറിയിച്ചിരുന്നത്.
ഇതിന്റെ ഫലമായി ടാറ്റ മോട്ടോർസ് ഇലക്ട്രിക് കാറുകളുടെ വിലയിലും പരിഷ്ക്കാരം എത്തിയിരിക്കുകയാണ്. ഇന്ത്യയിലെ ഏറ്റവും കൂടുതൽ വിൽപ്പനയുള്ള ഇലക്ട്രിക് വാഹനമായ ടാറ്റ നെക്സോൺ ഇവിക്ക് വേരിയന്റുകളെ ആശ്രയിച്ച് 60,000 രൂപ വരെയാണ് ഇപ്പോൾ വില ഉയർത്തിയിരിക്കുന്നത്.
നെക്സോൺ ഇവി മാക്സ് എന്ന രണ്ടാമത്തെ മോഡലും ഉള്ള ഇലക്ട്രിക് എസ്യുവിക്ക് അടുത്തിടെ പ്രഖ്യാപിച്ച വർധനവിന് ശേഷം കുറഞ്ഞത് 14.99 ലക്ഷം രൂപയെങ്കിലും എക്സ്ഷോറൂം രൂപയായി മുടക്കേണ്ടി വരും. ഈ വർഷം ആദ്യം ഇന്ത്യയിൽ അവതരിപ്പിച്ച ടോപ്പ് എൻഡ് ലോംഗ് റേഞ്ച് ടാറ്റ നെക്സോൺ ഇവി മാക്സിന്റെ വില ഇപ്പോൾ 19.84 ലക്ഷം രൂപയായാണ് ഉയർന്നിരിക്കുന്നത്.
MOST READ: 2022 ജൂലൈ മാസത്തില് മോഡലുകളില് വന് ഓഫറുകള് പ്രഖ്യാപിച്ച് Renault
ടാറ്റ മോട്ടോർസ് അടുത്തിടെ ജൂലൈ 9 മുതൽ പ്രാബല്യത്തിൽ കൊണ്ടുവന്ന 0.55 ശതമാനം വില വർധനവിന്റെ ഭാഗമാണ് ഇവി നിരയിലെ ഈ പുതിയ പരിഷ്ക്കാരം. തെരഞ്ഞെടുത്ത വേരിയന്റും മോഡലും അനുസരിച്ച് കമ്പനിയുടെ മോഡൽ ശ്രേണിയിലുടനീളം വില വർധന നടപ്പാക്കിയിട്ടുണ്ടെന്നാണ് അറിയാൻ കഴിയുന്നത്.
ഏറ്റവും പുതിയ വില വർധനവ് പ്രകാരം ടാറ്റ നെക്സോൺ ഇവിയുടെ ബേസ് XM വേരിയന്റിന് 14.99 ലക്ഷം രൂപയാണ് എക്സ്ഷോറൂം വില. മുൻ വിലയായ 14.54 ലക്ഷം രൂപയേക്കാൾ 45,000 രൂപയുടെ പരിഷ്ക്കാരമാണ് ഇലക്ട്രിക് എസ്യുവിയുടെ ഈ പതിപ്പിന് ഉണ്ടായിരിക്കുന്നത്.
അതേസമയം നെക്സോൺ ഇവി ഡാർക്ക് XZ+ വേരിയന്റിന് 20,000 രൂപയുടെ നവീകരണമാണ് കമ്പനി നടപ്പിലാക്കിയിരിക്കുന്നത്. ഈ മോഡലിന് ഇപ്പോൾ 16.49 ലക്ഷം രൂപ എക്സ്ഷോറൂം വിലവരും. നെക്സോൺ ഇവിയുടെ ടോപ്പ് എൻഡ് ഡാർക്ക് XZ+ ലക്സ് വേരിയന്റിന് 35,000 രൂപയാണ് വില ഉയർത്തിയിരിക്കുന്നത്. ഇതിന് 17.50 ലക്ഷം രൂപയാണ് ഇനി മുതൽ മുടക്കേണ്ടി വരിക.
അടുത്തിടെ പുറത്തിറക്കിയ ടാറ്റ നെക്സോൺ ഇവി മാക്സിന്റെ എല്ലാ വകഭേദങ്ങളിലും ഏറ്റവും വലിയ വർധനവ് നടപ്പിലാക്കിയിട്ടുണ്ട്. നാല് വേരിയന്റുകൾക്കും 60,000 രൂപയുടെ യൂണിഫോം വില വർധനയാണ് ലഭിച്ചിരിക്കുന്നത്. പുതുക്കിയ വില പരിഷ്ക്കാരത്തിനു ശേഷം ടാറ്റ നെക്സോൺ ഇവി മാക്സിന് ഇപ്പോൾ 18.34 ലക്ഷം മുതൽ 19.84 ലക്ഷം രൂപ വരെയാണ് ഇന്ത്യയിലെ എക്സ്ഷോറൂം വില.
ടാറ്റ നെക്സോൺ ഇവി മാക്സ് അടിസ്ഥാനപരമായി കാർ നിർമാതാക്കളുടെ ഏറ്റവും കൂടുതൽ വിറ്റഴിക്കപ്പെടുന്ന നെക്സോൺ ഇലക്ട്രിക് എസ്യുവിയുടെ ലോംഗ് റേഞ്ച് പതിപ്പാണ്. മെയ് മാസത്തിൽ ലോഞ്ച് ചെയ്ത നെക്സോൺ ഇവി മാക്സ് തങ്ങളുടെ ഇലക്ട്രിക് കാറുകളിൽ കൂടുതൽ ശ്രേണി തേടുന്ന ഉപഭോക്താക്കളെ ലക്ഷ്യമിട്ടാണ് പുറത്തിറക്കിയിരിക്കുന്നത്.
ടാറ്റ നെക്സോൺ ഇവി മാക്സ് കൂടുതൽ ശക്തമായ 40.5 kW ബാറ്ററി പായ്ക്കുമായാണ് വരുന്നത്. സാധാരണ നെക്സോൺ ഇലക്ട്രിക് എസ്യുവികളിൽ ഉപയോഗിക്കുന്ന 30.2 kW ലിഥിയം-അയൺ ബാറ്ററിയേക്കാൾ വലുതാണിത്. വലിയ ബാറ്ററി പായ്ക്ക് ഇലക്ട്രിക് എസ്യുവിയുടെ റേഞ്ച് വർധിപ്പിക്കാനും സഹായിക്കുന്നു.
സാധാരണ പതിപ്പുകളിൽ 312 കിലോമീറ്ററിൽ നിന്ന് ഒറ്റ ചാർജിൽ 437 കിലോമീറ്റർ വരെ റേഞ്ച് വാഗ്ദാനം ചെയ്യാൻ ഈ വേരിയന്റ് പ്രാപ്തമാണെന്നാണ് കമ്പനി അവകാശപ്പെടുന്നത്.
എന്നിരുന്നാലും രണ്ട് ഇലക്ട്രിക് വാഹനങ്ങളുടെയും യഥാർഥ റേഞ്ച് അത് എങ്ങനെ ഓടിക്കുന്നു എന്നതിനെ ആശ്രയിച്ച് വ്യത്യാസപ്പെടുമെന്ന് പ്രത്യേകം ഓർമിക്കേണം. 7.2 kW ചാർജിംഗ് സിസ്റ്റം അവതരിപ്പിച്ചിരിക്കുന്നതിനാൽ ടാറ്റ നെക്സോൺ ഇവി മാക്സിന് സ്റ്റാൻഡേർഡ് പതിപ്പിനേക്കാൾ വേഗത്തിൽ ചാർജ് ചെയ്യാൻ കഴിയും.
3.3 kW ചാർജർ ഉപയോഗിച്ച് ഏകദേശം 9 മണിക്കൂറിനെ അപേക്ഷിച്ച് 7 മണിക്കൂറിനുള്ളിൽ വാഹനം പൂർണമായി റീചാർജ് ചെയ്യാൻ ഇത് സഹായിക്കും. ഡിസി ഫാസ്റ്റ് ചാർജിംഗ് ഒരു മണിക്കൂറിനുള്ളിൽ കാർ റീചാർജ് ചെയ്യാൻ സഹായിക്കുമെന്നാണ് ടാറ്റ മോട്ടോർസ് അവകാശപ്പെടുന്നത്.
Continue with Google