തിരുവനന്തപുരം-കണ്ണൂർ അതിവേഗ തീവണ്ടിയെക്കുറിച്ച്

പ്രത്യേകമായി നിർമിച്ച പാളങ്ങളാണ് അതിവേഗപാതയിലുണ്ടാവുക. ഈ പാതയിലോടുക അനുയോജ്യമായ കോച്ചുകളും ആവശ്യമാണ്. മണിക്കൂറിൽ 200 കിലോമീറ്ററിൽ മുകളിൽ വേഗത പിടിക്കാവുന്ന പാതകളെയാണ് അതിവേഗ പാതകളെന്ന് പൊതുവിൽ വിളിക്കുക.

ഇന്ത്യയിൽ നിലവിൽ ഒരു അർധ അതിവേഗ പാതയാണ് പ്രവർത്തനത്തിലുള്ളത്. എട്ട് സെമി ഹൈ സ്പീഡ് കോറിഡോറുകൾക്കായി 2014 ബജറ്റ് അനുമതി നൽകിയിട്ടുണ്ട്. ഇവയുടെ പ്രവർത്തനങ്ങൾ നടന്നുവരികയാണ്.

ഈ പദ്ധതിയുടെ ആദ്യഘട്ട പഠനം പൂർത്തിയായതേയുള്ളൂ. 430 കിലോമീറ്റർ പിന്നിടാൻ ഈ പാതയിൽ ട്രെയിനുകൾ എടുക്കുക വെറും 145 മിനിറ്റാണ്. ദില്ലി മെട്രോ റെയിൽ കോർപറേഷനാണ് പ്രാഥമിക പഠനം നടത്തിയത്.

ഗതിമാൻ എക്സ്‌പ്രസ്സിനെക്കൂടാതെ ഭോപ്പാൽ ശതാബ്ദി എക്സ്‌പ്രസ്സ്, മുംബൈ രാജധാനി എക്സ്‌പ്രസ്സ്, സീൽദാ തുരന്തോ എക്സ്‌പ്രസ്സ്, ഹൗറ രാജധാനി എക്സ്‌പ്രസ്സ് തുടങ്ങിയ വേഗതയേറിയ തീവണ്ടികൾ നിലവിലോടുന്നുണ്ട്. ഇന്ത്യയിലാകെ 20 സൂപ്പർഫാസ്റ്റ് ട്രെയിനുകളാണുള്ളത്. ഇവയൊന്നും പക്ഷെ, 200 കിലോമീറ്റർ‌ വേഗത പിടിക്കുന്നില്ല.

ഏറ്റവും വലിയ റെയിൽവേ ശൃംഖലയാണ് ഇന്ത്യയിലുള്ളതെങ്കിലും സാങ്കേതികമായി വളരെ പിന്നിലാണ് ഇവ. മണിക്കൂറിൽ 100 കിലോമീറ്റർ വേഗത പിടിക്കാൻ പോലും ശരിയായ വിധത്തിൽ സജ്ജമല്ല ഇന്ത്യൻ പാളങ്ങളെന്ന് ചില വിദേശസ്ഥാപനങ്ങളുടെ പഠനങ്ങൾ ചൂണ്ടിക്കാട്ടിയിട്ടുണ്ട്.

65000 കോടി രൂപ ചെലവാണ് ഈ റെയിൽപ്പാതയുടെ നിർമാണത്തിന് പ്രതീക്ഷിക്കുന്നതെന്ന് കേൾക്കുന്നു. എന്നാൽ, ഇതിൽക്കൂടുതൽ ചെലവ് വരും യഥാർത്ഥത്തിലെന്ന് ചില കോണുകളിൽ നിന്ന് അഭിപ്രായമുയരുന്നുണ്ട്.

ആകെ ദൂരത്തിന്റെ 110 കിലോമീറ്റർ ടണലുകൾ നിർമിക്കേണ്ടിവരും. 190 കിലോമീറ്ററോളം ദൂരം തൂണുകളിലുയർത്തിയ പാളത്തിലൂടെയാണ് പോവുക. ഒമ്പത് സ്റ്റേഷനുകളാണ് ആകെയുണ്ടാവുക എന്നും അറിയുന്നു.

817 യാത്രക്കാരെ ഉൾക്കൊള്ളുന്ന വിധത്തിൽ എട്ട് കോച്ചുകളുണ്ടായിരിക്കും ഈ പാതിയിലോടുന്ന തീവണ്ടിയിൽ. തിരുവനന്തപുരം, കൊല്ലം, ചെങ്ങന്നൂര്‍, കോട്ടയം, എറണാകുളം, തൃശ്ശൂര്‍, വളാഞ്ചേരി, കോഴിക്കോട്, കണ്ണൂര്‍ എന്നിവിടങ്ങളിലാണ് ഈ പ്രത്യേക പാതയ്ക്ക് സ്റ്റേഷനുകൾ അനുവദിക്കുക.

കൂടുതൽ

ഈ റെയിൽപാതകൾ നിങ്ങളെ പേടിപ്പിക്കും!!

ലോകത്തിലെ ഏറ്റവും കരുത്തേറിയ തീവണ്ടികള്‍!

പാളത്തിൽ കുടുങ്ങിയ ലിമോസിനെ വഹിച്ച് ട്രെയിൻ മീറ്ററുകളോളം