പുതിയ സ്‌കോഡ യതിയെ അടുത്തറിയാം

ചിത്രങ്ങളിലൂടെ നീങ്ങുക.

സ്‌കോഡ യതി ഡിസൈന്‍

പുതിയ സ്‌കോഡ യതിയുടെ മുന്‍വശത്തും പിന്‍വശത്തും കാര്യമായ ഡിസൈന്‍ മാറ്റങ്ങള്‍ വന്നിട്ടുണ്ട്. പുതിയ ബൈ സിനണ്‍ ഹെഡ്‌ലാമ്പാണ് വാഹനത്തിലുള്ളത്. എല്‍ഇഡി റിയര്‍ ലൈറ്റുകള്‍ ചേര്‍ത്തിരിക്കുന്നു. ബംപറുകള്‍, ഗ്രില്‍ എന്നിവ പുതുക്കിയിട്ടുണ്ട്. ഫോഗ് ലാമ്പിന്റെ സ്ഥാനം മാറ്റിയിരിക്കുന്നു, ഡിസൈന്‍ മാറിയിരിക്കുന്നു.

സ്‌കോഡ യതി എന്‍ജിനുകള്‍

രണ്ട് എന്‍ജിന്‍ ഓപ്ഷനുകളാണ് യതിയിലുള്ളത്. 2 ലിറ്ററിന്റെ ടര്‍ബോഡീസല്‍ എന്‍ജിന്‍ രണ്ടു തരത്തില്‍ യ്യൂണ്‍ ചെയ്തിരിക്കുകയാണ്. ഇവയിലൊന്ന് 109 കുതിരശക്തി പകരുമ്പോള്‍ മറ്റേത് 138 കുതിരശക്തി ഉല്‍പാദിപ്പിക്കുന്നു.

സ്‌കോഡ യതി എന്‍ജിനുകള്‍

109 കുതിരശക്തിയുള്ള എന്‍ജിനോടൊപ്പം 5 സ്പീഡ് മാന്വല്‍ ട്രാന്‍സ്മിഷനാണ് ചേര്‍ത്തിട്ടുള്ളത്. 138 കുതിരശക്തിയുടെ എന്‍ജിനോടൊപ്പം 6 സ്പീഡ് മാന്വല്‍ ഗിയര്‍ബോക്‌സ് നല്‍കിയിരിക്കുന്നു. ഈ എന്‍ജിന്‍ പതിപ്പിലാണ് ഫോര്‍വീല്‍ ഡ്രൈവ് സിസ്റ്റം ഘടിപ്പിച്ചിട്ടുള്ളത്. ടോര്‍ക്ക് ഡിസ്ട്രിബ്യൂഷന്‍ സന്നാഹവും വാഹനത്തിലുണ്ട്.

സ്‌കോഡ യതി ഇന്ധനക്ഷമത

109 കുതിരശക്തി പകരുന്ന എന്‍ജിന്‍ പതിപ്പിന്റെ ഇന്ധനക്ഷമത ലിറ്ററിന് 17.72 കിലോമീറ്ററാണ്. 138 കുതിരശക്തിയുള്ള പതിപ്പിന് 17.67 കിലോമീറ്റര്‍ മൈലേജുണ്ട്.

സ്‌കോഡ യതി സുരക്ഷാ സന്നാഹങ്ങള്‍

ആന്റി ലോക്ക് ബ്രേക്കിങ് സിസ്റ്റം, ഇലക്ട്രോണിക് സ്റ്റബിലിറ്റി കണ്‍ട്രോള്‍, ഇലക്ട്രോണിക് ബ്രേക്കിങ് കണ്‍ട്രോള്‍, ആന്റി സ്ലിപ്പ് റെഗുലേഷന്‍, ഇലക്ട്രോണിക് ഡിഫറന്‍ഷ്യല്‍ ലോക്ക് എന്നീ സന്നാഹങ്ങള്‍ സ്‌കോഡ യതിയുടെ പുതുക്കിയ പതിപ്പിലുണ്ട്. ഹില്‍ ഹോള്‍ഡ് കണ്‍ട്രോള്‍ അസിസ്റ്റന്റ്, ഡൗണ്‍ഹില്‍ അസിസ്റ്റന്റ് എന്നിവയും ടയര്‍ പ്രഷര്‍ മോണിറ്ററിങ് സിസ്റ്റം എന്നിവയും സുരക്ഷാ സംവിധാനങ്ങളുടെ കൂട്ടത്തിലുണ്ട്.