ടാറ്റയുടെ ആൾട്ടോ എതിരാളി 'സീക'യെ കാണാം

വിപണിയിൽ കാറുകളുടെ ഡിസൈനിന് ഈയിടെയായി വന്നുചേർന്നിട്ടുള്ള പ്രാധാന്യം ടാറ്റ ശരിക്കും മനസ്സിലാക്കിയിട്ടുണ്ടെന്നു വേണം കരുതാൻ. തികച്ചും പുതുക്കം ഫീൽ ചെയ്യുന്ന ഒരു ഡിസൈൻ ഭാഷയിലേക്ക് ടാറ്റ മാറിക്കൊണ്ടിരിക്കുകയാണ്.

Zippy Car എന്നീ വാക്കുകളുടെ ആദ്യക്ഷരങ്ങൾ ചേർത്താണ് സീക എന്ന പേരുണ്ടാക്കിയത്. കടുത്ത മത്സരം നിലനിൽക്കുന്ന സെഗ്മെന്റിൽ ചലനം സൃഷ്ടിക്കാൻ സീകയ്ക്ക് സാധിക്കുമെന്നു തന്നെയാണ് ടാറ്റ കരുതുന്നത്.

പെട്രോൾ ഡീസൽ എൻജിനുകൾ ഘടിപ്പിച്ച് ഈ കാർ വിപണിയിലെത്തും. 1005സിസി ശേഷിയുള്ള 3 സിലിണ്ടർ ഡീസൽ എൻജിനാണ് സീകയിൽ ഘടിപ്പിക്കുക. 1200സിസി ശേഷിയുള്ള 3 സിലിണ്ടർ പെട്രോൾ എൻജിനും വാഹനത്തോടു ചേർക്കും.

സെമി ഓട്ടോമാറ്റിക് ഗിയർബോക്സ് ഓപ്ഷണലായി ചേർക്കാനാണ് ടാറ്റയുടെ പദ്ധതിയെന്ന് കേൾക്കുന്നു. നിലവിൽ ആൾട്ടോ കാറിൽ ഓട്ടോമേറ്റഡ് മാന്വൽ ഗിയർബോക്സ് ചേർത്തിട്ടുണ്ട്.

മാരുതി ആൾട്ടോ കാറുകളും റിനോ ക്വിഡ് മോഡലുമാണ് സെഗ്മെന്റിൽ പ്രധാന വാഹനങ്ങൾ ഇപ്പോൾ. താരതമ്യേന ഡീലർഷിപ്പുകൾ കുറഞ്ഞ റിനോയുടെ ക്വിഡ് മോഡൽ പോലും വിപണിയിൽ നല്ല പ്രകടനമാണ് കാഴ്ച വെക്കുന്നത്. ഉൽപന്നം നല്ലതാണെങ്കിൽ ഉപഭോക്താക്കൾ മറ്റൊന്നും നോക്കില്ല എന്നാണിതിൽ നിന്നും മനസ്സിലാക്കേണ്ടത്.

പുതിയ സുരക്ഷാമാനദണ്ഡങ്ങൾ പാലിക്കുന്ന വിധത്തിൽ നിർമിച്ചിട്ടുള്ള പ്ലാറ്റ്ഫോമിലാണ് സീക നിലകൊള്ളുന്നത്. നിലവിൽ വിപണിയിലുള്ള ഇൻഡിക കാറുകൾ വിപണിക്ക് പുറത്തായിക്കഴിഞ്ഞിട്ടുണ്ട് ഇതിനകം. ഈ പ്രശ്നം പരിഹരിക്കുകയാണ് സീക ചെയ്യേണ്ടത്. ഡിസംബർ ഒന്നിന് ഈ കാറിന്റെ അവതരണം നടക്കുമെന്നെല്ലാം കേൾക്കുന്നുണ്ട്.

ഇറ്റലിയിലെ ടൂറിനിൽ സ്ഥിതി ചെയ്യുന്ന ടാറ്റ ഡിസൈൻ കേന്ദ്രത്തിൽ നിന്നുള്ള നിർദ്ദേശങ്ങൾ കൂടി ഉൾക്കൊള്ളിച്ചാണ് സീകയെ നിർമിച്ചെടുത്തിരിക്കുന്നത്. സെസ്റ്റ് സെഡാൻ, ബോൾ‌ട്ട് ഹാച്ച്ബാക്ക് എന്നീ മോഡലുകൾ നിർമിച്ചെടുത്ത ഹൊറിസോനെക്സ്റ്റ് ശിൽപതത്വം തന്നെയാണ് സീകയുടെ നിർമാണത്തിനും പിന്തുടർന്നിരിക്കുന്നത്.

കൂടുതൽ

നാനോ ജെന്‍എക്‌സ് റിവ്യൂ: ഈ ബൂട്ടും ഓട്ടോമാറ്റിക്കും രക്ഷയാകുമോ?

കാറ്റില്‍ ഓടുന്ന ടാറ്റ കാര്‍ വിപണിയിലേക്ക്‌

230 കുതിരകളെ പൂട്ടിയ സൂപ്പര്‍നാനോ