Click it and Unblock the Notifications
ബജറ്റ് മുഖവുമായി സ്കോഡ; ഇന്ത്യയ്ക്കായി ചെറുകാറിനെ ചെക്ക് നിര്മ്മാതാക്കള് ഒരുക്കുന്നു
ഇന്ത്യയില് ചെക്ക് നിര്മ്മാതാക്കളായ സ്കോഡയ്ക്ക് പ്രീമിയം മുഖമാണുള്ളത്. എന്നാല് പ്രീമിയം പ്രതിഛായയില് നിന്നും കളംമാറാന് ഒരുങ്ങുകയാണ് സ്കോഡ.
ഇന്ത്യ ഉള്പ്പെടെയുള്ള വികസ്വര രാജ്യങ്ങളിലേക്ക്, ബജറ്റില് ഒതുങ്ങുന്ന ചെറിയ കാറുകളെ വികസിപ്പിക്കാനുള്ള ശ്രമം സ്കോഡ ആരംഭിച്ചിരിക്കുകയാണ്. അടുത്തിടെയാണ് ടാറ്റ മോട്ടോര്സുമായുള്ള പങ്കാളിത്തം സ്കോഡ അവസാനിപ്പിച്ചത്.
ആദ്യ ഘട്ടത്തില് ടാറ്റയുമായുള്ള സംയുക്ത പങ്കാളിത്തത്തില് ചെറുകാറിനെ വികസിപ്പിക്കാനാണ് സ്കോഡ പദ്ധതിയിട്ടിരുന്നതും.
Recommended Video
എന്തായാലും ചെറുകാര് പദ്ധതിയില് നിന്നും സ്കോഡ പിന്മാറില്ല എന്ന് കമ്പനി വ്യക്തമാക്കി കഴിഞ്ഞു. നിലവില് രാജ്യാന്തര വിപണികളില് സിറ്റിഗോ എന്ന ചെറു ഹാച്ച്ബാക്കിനെ സ്കോഡ നല്കുന്നുണ്ട്.
എന്നാല് സിറ്റിഗോയെ ഇന്ത്യയിലേക്കായി സ്കോഡ അവതരിപ്പിക്കില്ല എന്നാണ് സൂചന. 2020 ഓടെ സ്കോഡയുടെ പുതിയ ചെറുകാര് ഇന്ത്യന് വിപണിയില് എത്തുമെന്നാണ് പ്രതീക്ഷ.
മുമ്പ്, ഫാബിയ ഹാച്ച്ബാക്കിനെ ഇന്ത്യയില് സ്കോഡ നല്കിയിരുന്നു. എന്നാല് ഫോക്സ്വാഗണിന്റെ ഫ്ളെക്സിബിള് എംക്യൂബി പ്ലാറ്റ്ഫോമിനെ അടിസ്ഥാനപ്പെടുത്തി എത്തിയ ഫാബിയയെ സ്കോഡ പിന്നീട് പിന്വലിച്ചു.
ടാറ്റയുമായുള്ള പങ്കാളിത്തം അവസാനിച്ചതിന് പിന്നാലെ ചെറുകാറുകളുടെ വികസനത്തിനായി പുതുവഴികളും സ്കോഡ തേടിക്കൊണ്ടിരിക്കുകയാണ്.
നേരത്ത, ചെറിയ കാറുകളെ എംക്യൂബി പ്ലാറ്റ്ഫോമില് ഫോക്സ്വാഗണ് ഒരുക്കുമെന്ന് റിപ്പോര്ട്ടുകളുണ്ടായിരുന്നു. ഔറംഗാബാദിലെ ഉത്പാദന കേന്ദ്രത്തില് നിന്നുമാണ് എംക്യൂബി പ്ലാറ്റ്ഫോമില് ഒരുങ്ങുന്ന മോഡലുകളെ, ജര്മ്മന് നിര്മ്മാതാക്കള് ഇന്ത്യയില് ലഭ്യമാക്കുന്നത്.
നിലവില് സ്കോഡ ഓക്ടാവിയയും ഫോക്സ്വാഗണ് ടിഗ്വാനുമാണ് ഔറംഗാബാദ് കേന്ദ്രത്തില് നിന്നും പുറത്ത് വരുന്ന മോഡലുകള്.
ചകാന് കേന്ദ്രത്തില് നിന്നുമാണ് ചെറിയ കാറുകളെ ജര്മ്മന് നിര്മ്മാതാക്കള് ഉത്പാദിപ്പിക്കുന്നത്.
മുമ്പ്, എഎംപി പ്ലാറ്റ്ഫോമില് കാറുകളെ നിര്മ്മിക്കാന് ടാറ്റയും ഫോക്സ്വാഗണും തീരുമാനിച്ചിരുന്നു. എന്നാല് എഎംപി പ്ലാറ്റ്ഫോം കാറുകള്ക്ക് ചെലവേറും എന്ന കണ്ടെത്തലിനെ തുടര്ന്നാണ് എംക്യൂബി പ്ലാറ്റ്ഫോമിലേക്ക് ജര്മ്മന് നിര്മ്മാതാക്കള് ചേക്കേറിയത്.
Continue with Google