മാരുതി വാഹനങ്ങളുടെ വില വർധിച്ചു

ഇന്ത്യയിലെ ഏറ്റവും വലിയ കാർ നിർമാതാവായ മാരുതി സുസുക്കി തങ്ങളുടെ എല്ലാ വാഹനങ്ങൾക്കും വിലവർദ്ധനവ് ഏര്‍പ്പെടുത്തി. മാരുതിയുടെ വിവിധ മോഡലുകൾക്ക് പരമാവധി 12,000 രൂപ വരെയാണ് വർധിപ്പിച്ചത്.

എൻട്രി ലവൽ ഹാച്ച്ബാക്കായ ഓൾട്ടോ 800ന് 1,000 രൂപയുടെയും എസ് ക്രോസ് മോഡലിന് 4,000 രൂപയുടെയും വർധനവാണ് കമ്പനിഏര്‍പ്പെടുത്തിയിരിക്കുന്നത്.

അടുത്തിടെ ലോഞ്ച് ചെയ്ത പ്രീമിയം ഹാച്ച്ബാക്കായ ബലേനൊയുടെ വിവിധ വേരിയന്റുകൾക്ക് 5,000 മുതൽ 12,000 രൂപ വരെയുള്ള വർധനവാണ് നടപ്പിലാക്കിയത്.

പുതുക്കിയ വില ജനവരി 16 മുതൽ പ്രാബല്യത്തിൽ വന്നു.