ഓഡി എസ്4 ലോഞ്ച് ചെയ്തു

Posted By:

ഓഡി എസ്4 സെഡാനിന്‍റെ ഉയര്‍ന്ന പ്രകടനക്ഷമതയുള്ള വേരിയന്‍റ് വിപണിയില്‍ ലോഞ്ച് ചെയ്തു. 45 ലക്ഷം രൂപയാണ് ദില്ലി എക്സ്ഷോറൂം വില. ഇന്ത്യയില്‍ 19 ഓഡി ഷോറൂമുകളിലും വാഹനം ലഭ്യമാണ്.

ഈ വര്‍ഷത്തെ ആദ്യ അഞ്ച് മാസങ്ങളില്‍ മികച്ച വളര്‍ച്ചാ നിരക്കാണ് ഓഡി ഇന്ത്യ പ്രകടിപ്പിക്കുന്നത്. ആഡംബര കാര്‍ വില്‍പനയില്‍ രാജ്യത്ത് രണ്ടാ സ്ഥാനത്താണ് ഓഡി ഇന്നു നില്‍ക്കുന്നത്. മെഴ്സിഡസ് ബെന്‍സിനെ മൂന്നാം സ്ഥാനത്തേക്ക് തള്ളിയാണ് ഈ നേട്ടം കൈവരിച്ചിരിക്കുന്നത്. ഒന്നാം സ്ഥാനം കൈയടക്കിവെച്ചിരിക്കുന്നതും ഒരു ജര്‍മന്‍ ബ്രാന്‍ഡാണ്. ബിഎംഡബ്ലിയു.

Audi S4 Sedan

വി6 3.0 ടിഎഫ്എസ്ഐ എന്‍ജിനാണ് ഈ കാറിനുള്ളത്. വെറും അഞ്ച് സെക്കന്‍ഡുകൊണ്ട് 100 കിമി വേഗം പിടിക്കാന്‍ ശേഷിയുള്ളതാണ് ഈ എന്‍ജിന്‍. പരമാവധി വേഗത മണിക്കൂറില്‍ 250 കിമി. 333 കുതികളുടെ ശക്തിയും 440 എന്‍എം ചക്രവീര്യവും പകരുന്നതാണ് ഈ ടര്‍ബോ ചാര്‍ജ്ജ്ഡ് പെട്രോള്‍ എന്‍ജിന്‍.

ഓഡിയുടെ ക്വട്രോ ആള്‍ വീല്‍ ഡ്രൈവ് സിസ്റ്റം തന്നെയാണ് ഈ വാഹനത്തിലും ഉപയോഗിച്ചിരിക്കുന്നത്. 7 സ്പീഡ് ട്രാന്‍സ്മിഷനാണ് വാഹനത്തിനുള്ളത്. ലിറ്ററിന് 10.44 കിമിയാണ് വാഹനത്തിന്‍റെ മൈലേജ്. കാറിന്‍റെ ഉയര്‍ന്ന പ്രകടനം വെച്ചുനോക്കുമ്പോള്‍ ഈ മൈലേജ് വളരെ മികച്ചതാണെന്ന് കാണാം.

English summary
Audi has launched the S4 high performance car at Rs 45 lakhs. The car features extra power and sporty styling.
Story first published: Tuesday, June 5, 2012, 14:09 [IST]

Latest Photos

 

ഉടനടി ഓട്ടോ അപ്ഡേറ്റുകള് ഡ്രൈവ്സ്പാര്ക്കില് നിന്നും
Malayalam Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more