ഷെവര്‍ലെ സ്പാര്‍ക് ലോഞ്ച് ചെയ്തു: ചിത്രങ്ങള്‍

മുന്‍വശത്തെ ഗ്രില്‍, എയര്‍ഡാം എന്നിവയില്‍ മാറ്റം വരുത്തിയിട്ടുണ്ട്. ഗ്രില്‍ നേരത്തെയുണ്ടായിരുന്ന ആകൃതിയെ തിരിച്ചിട്ടിരിക്കുന്നതായി കാണാം. എയര്‍ഡാം നേരത്തെയുണ്ടായിരുന്നതിനെക്കാള്‍ വലിപ്പം കൂടുതലാണ്. ഫോഗ് ലാമ്പിന്‍റെ ഇടം കൂടുതല്‍ വലുതാക്കിയിരിക്കുന്നു.

ആറ് നിറങ്ങളിലാണ് സ്പാര്‍ക് വരുന്നത്.

മുന്‍വശത്തെ മറ്റൊരു പ്രധാനമാറ്റം ഹെഡ്‍ലാമ്പിന്‍റേതാണ്. ക്ലിയര്‍ ഗ്ലാസ് ലെന്‍സുകള്‍ നല്‍കിയിരിക്കുന്നു. ഡിസൈനിലും മാറ്റങ്ങളുണ്ട്. നേരത്തെയുള്ളതിനെക്കാള്‍ എടുത്തു കാണിക്കുന്നതാണ് ഇപ്പോഴത്തെ ഹെഡ്‍ലാമ്പ്.

സ്പാര്‍ക്കിന്‍റെ അകം മികച്ച സ്ഥലസൗകര്യം പ്രദാനം ചെയ്യുന്നു. ഹെഡ്‍റൂം, ലെഗ്റൂം എന്നിവ ആവശ്യത്തിനുതകുന്ന അളവില്‍ നല്‍കാന്‍ ശ്രദ്ധ വെച്ചിട്ടുണ്ട് ഷെവര്‍ലെ.

ഡ്യുവല്‍ ടോണ്‍ ഇന്‍റീരിയറാണ് മറ്റൊരു പ്രത്യേകത. വാഹനത്തിന് പ്രീമിയം ഫീല്‍ നല്‍കാന്‍ ഈ ഇന്‍റീരിയര്‍ ശൈലിക്ക് സാധിക്കുന്നുണ്ട്. നിറച്ചേരുവകളുടെ സംതുലനം നിലനിര്‍ത്തുന്നതില്‍ ഡിസൈനര്‍മാര്‍ വിജയിച്ചിട്ടുണ്ട്.

ക്രോം ഫിനിഷ് ചെയ്ത ഡാഷ്‍ബോര്‍ഡ് മുന്‍ കാബിനില്‍ ഊഷ്മളത പകരുന്നു. ഇന്‍റീരിയറിന്‍റെ ഡ്യുവല്‍ ടോണ്‍ സ്റ്റൈലിംഗുമായി ഇത് വളരെ കലര്‍ന്നു നില്‍ക്കുന്നതായി അനുഭവപ്പെടും. ഇന്‍ട്രുമെന്‍റ് ക്ലസ്റ്ററിന്‍റെ ഡിസൈന്‍ വിരുത്തിയ ചിറകുകളുടെ ആകൃതി പൂണ്ടിരിക്കുന്നു.

ബേസ് വേരിയന്‍റ് പെട്രോള്‍ 3.16 ലക്ഷം

എല്‍എസ് വേരിയന്‍റ് പെട്രോള്‍ 3.41 ലക്ഷം

എല്‍ടി വേരിയന്‍റ് പെട്രോള്‍ 3.70 ലക്ഷം

എല്‍എസ് എല്‍പിജി വേരിയന്‍റ് 3.71 ലക്ഷം

എല്‍ടി എല്‍പിജി വേരിയന്‍റ് 3.99 ലക്ഷം