ക്രാഷ് ടെസ്റ്റില്‍ ചൈനീസ് കാറിന്റെ കിടിലന്‍ പ്രകടനം

അഡല്‍റ്റ് ഒക്യുപെന്റ് സേഫ്റ്റിയില്‍ 95 ശതമാനം റേറ്റിംഗ് ആണ് 3 സെഡാന്‍ നേടിയത്. കുട്ടികളുടെ സുരക്ഷയുടെ കാര്യത്തില്‍ 87 ശതമാനമാണ് റേറ്റിംഗ്. വഴിയാത്രക്കാരുടെ സുരക്ഷ ഉറപ്പുവരുത്തുന്നതിലും ക്വോറോസ് മുമ്പിലാണ്. 77 ശതമാനമാണ് വാഹനം നേടിയ റേറ്റിംഗ്.

സുരക്ഷാ അസിസ്റ്റന്‍ സന്നാഹങ്ങളുടെ കാര്യത്തില്‍ 81 ശതമാനമാണ് വാഹനത്തിന്റെ റേറ്റിംഗ്. മൊത്തത്തില്‍ 88 ശതമാനം സ്‌കോര്‍ നേടിയാണ് 5 സ്റ്റാര്‍ റേറ്റിംഗ് സ്വന്തമാക്കിയത്.

യൂറോപ്യന്‍ സുരക്ഷാ മാനദണ്ഡങ്ങളെ മറികടക്കുന്ന ഗുണനിലവാരത്തിലുള്ള വാഹനമുണ്ടാക്കുക എന്നതായിരുന്നു തങ്ങളുടെ ലക്ഷ്യമെന്ന് ക്വോറോസ് പറയുന്നു. ലോകത്തെമ്പാടു നിന്നുമുള്ള വിദഗ്ധരെ ഇതിനായി ക്വോറോസ് റിക്രൂട്ട് ചെയ്തു. ആക്‌സിഡന്റുകള്‍ കുറയ്ക്കുന്നതിനും ആക്‌സിഡന്റുകളുടെ പ്രത്യാഘാതങ്ങള്‍ കുറയ്ക്കുന്നതിനുമുള്ള സന്നാഹങ്ങള്‍ ഈ ടീം വികസിപ്പിച്ചെടുത്തു.

വീഡിയോ

യൂറോ ന്യൂ കാര്‍ അസസ്‌മെന്റ് പ്രോഗ്രാം എന്നത് 11 അംഗങ്ങളുള്ള ഒരു ബോഡിയാണ്. ഇതില്‍ സര്‍ക്കാര്‍ പ്രതിനിധികളും ഓട്ടോമൊബൈല്‍ വിദഗ്ധരും ഉപഭോക്താക്കളുടെ പ്രതിനിധികളുമെല്ലാം ഉള്‍പ്പെടുന്നു. യൂറോപ്പിനെന്ന പോലെ നോര്‍ത്ത് അമേരിക്കയിലും ലാറ്റിന്‍ അമേരിക്കയിലും ആസിയാന്‍ രാഷ്ട്രങ്ങള്‍ക്കുമെല്ലാം അതാതിന്റെ എന്‍സിഎപികള്‍ ഉണ്ട്.