ഹോണ്ട അമേസ് വില്‍പന അതറുന്നു

ഹോണ്ട അമേസ് ഇത്തവണത്തെ ഉത്സവ സീസണ്‍ തകര്‍ത്തടുക്കുകയാണ്. ദീപാവലിക്കച്ചവടം തുടങ്ങിയ കഴിഞ്ഞ മാസത്തെ കണക്കുകള്‍ പുറത്തു വന്നപ്പോള്‍ 39 ശതമാനം വില്‍പന വര്‍ധനയാണ് ഹോണ്ട പ്രകടിപ്പിക്കുന്നത്.

മൊത്തം 11,214 യൂണിറ്റാണ് ഒക്ടോബര്‍ മാസത്തെ വില്‍പന. ഇത് കഴിഞ്ഞ വര്‍ഷത്തെ ഇതേ കാലയളവിലെ വില്‍പനയായ 8,085 യൂണിറ്റുമായി തട്ടിക്കുമ്പോള്‍ 39 ശതമാനത്തിന്റെ വളയര്‍ച്ചയാണ് കാണിക്കുന്നത്.

ഏപ്രില്‍ മുതല്‍ ഒക്ടോബര്‍ വരെയുള്ള മാസങ്ങള്‍ കമ്പനി 63 ശതമാനം കണ്ട് വളര്‍ച്ച പ്രകടിപ്പിച്ചിട്ടുണ്ട്. 2012ല്‍ ഇതേ കാലയളവില്‍ 43,525 യൂണിറ്റ് വിറ്റതിന്റെ സ്ഥാനത്ത് നടപ്പ് വര്‍ഷം 70,831 യൂണിറ്റ് വിറ്റഴിച്ചു.

ഹോണ്ടയുടെ കയറ്റുമതി നിരക്ക് ഇപ്പോഴും കുറഞ്ഞു തന്നെയാണിരിക്കുന്നത്. ഇന്ത്യയില്‍ നിന്ന് വെറും 365 കാറുകളാണ് കഴിഞ്ഞ മാസം കയറ്റി അയച്ചത്.

വില്‍പനക്കണക്ക്

ഹോണ്ട അമേസ് - 9564
ഹോണ്ട ബ്രിയോ - 1472
ഹോണ്ട സിറ്റി - 31
ഹോണ്ട അക്കോഡ് - 60
ഹോണ്ട സിആര്‍വി - 87