ഗോ പ്ലസ് എംപിവി കിറ്റ് ലോഞ്ച് ചെയ്തു

ഇന്ത്യയില്‍ ഇതിനകം തന്നെ എത്തിച്ചേര്‍ന്നിട്ടുള്ള ഗോ ഹാച്ച്ബാക്കിന്റെ എംപിവി രൂപമാണിത്. ഗോ പ്ലസ് എംപിവിയെ പരിചയപ്പെടാന്‍ താളുകള്‍ നീക്കുക.

ഗോ ഹാച്ച്ബാക്കിലുപയോഗിക്കുന്ന 1.2 ലിറ്റര്‍ പെട്രോള്‍ എന്‍ജിന്‍ ഗോ പ്ലസ് എംപിവിയിലും ഉപയോഗിക്കും. നിസ്സാന്‍ മൈക്രയിലും റിനോ പള്‍സിലും ഉപയോഗിച്ചുവരുന്ന ഈ എന്‍ജിന്‍ ഇന്ത്യയ്ക്ക് നേരത്തെ തന്നെ പരിചിതമാണ്.

5 സ്പീഡ് മാന്വല്‍ ഗിയര്‍ബോക്‌സാണ് ഇന്തോനീഷ്യന്‍ പതിപ്പില്‍ ചേര്‍ത്തിരിക്കുന്നത്. ഇതേ ട്രാന്‍സ്മിഷനില്‍ തന്നെയായിരിക്കും ഇന്ത്യയിലും വാഹനമെത്തുക. 68 കുതിരശക്തി ഉല്‍പാദിപ്പിക്കാന്‍ ശേഷിയുണ്ട് ഈ എന്‍ജിന്.

ഇന്തോനീഷ്യയില്‍ ഗോ പ്ലസ് പാന്‍കയുടെ വില 85 ദശലക്ഷം ഇന്തോനീഷ്യന്‍ റുപ്പിയയാണ്. ഇന്ത്യന്‍ രൂപയിലേക്കു വിവര്‍ത്തനം ചെയ്താല്‍ 4.42 ലക്ഷം എന്നു കിട്ടും.

ഇന്ത്യ ഗോ പ്ലസ് ഹാച്ച്ബാക്കിനെ കാത്തിരിക്കുന്നു എന്നു പറയുന്നതില്‍ കാര്യമുണ്ട്. കാബിന്‍ സ്‌പേസിന്റെ കാര്യത്തില്‍ സെഗ്മെന്റില്‍ മികവ് പുലര്‍ത്തും ഈ എംപിവി. ഗോ പ്ലസ്സിന്റെ വിലനിലവാരത്തില്‍ മറ്റൊരു വാഹനവും ഇത്ര മികച്ച കാബിന്‍ സ്‌പേസ് നല്‍കുന്നില്ല. ഏഴ് സീറ്റുകളാണ് ഗോ പ്ലസ്സിലുള്ളത്. മൂന്നു നിരകളിലായി സീറ്റുകള്‍ ക്രമീകരിച്ചിരിക്കുന്നു.

സ്പീഡ് സെന്‍സിംഗ് വൈപ്പറുകള്‍, മള്‍ടി ഇന്‍ഫോമേഷന്‍ ഡിസപ്ലേ, ഫോളോ മി ഹോം ഹെഡ്‌ലാമ്പുകള്‍ തുടങ്ങിയ ക്രമീകരണങ്ങള്‍ ഇന്ത്യയിലെ പതിപ്പിലുണ്ടാകും. ഗോ ഹാച്ച്ബാക്കില്‍ ഡാറ്റ്‌സന്‍ ചേര്‍ത്ത മൊബൈല്‍ ഡോക്ക് എംപിവി പതിപ്പിലുമുണ്ട്. ഗോ ഹാച്ച്ബാക്കിന്റെ കാര്യത്തില്‍ സ്വീകരിച്ച അതേ വിപണനതന്ത്രം തന്നെയായിരിക്കും ഗോ പ്ലസ്സ് പിന്തുടരുക. വാഹനത്തിനകത്ത് ധാരാളം സന്നാഹങ്ങള്‍ കുത്തിനിറയ്ക്കുന്നത് ഒഴിവാക്കുകയും അടിസ്ഥാനവില പരമാവധി താഴ്ത്തുകയും ചെയ്യും. കൂടുതല്‍ സംവിധാനങ്ങളാവശ്യമുള്ളവര്‍ക്ക് ഡാറ്റ്‌സന്‍ ഓഫര്‍ ചെയ്യുന്ന ആക്‌സസറി കിറ്റുകള്‍ വാങ്ങാനുള്ള സൗകര്യമുണ്ട്.