ഫോക്‌സ്‌വാഗണ്‍ ചെറു എസ്‌യുവി ദീപാവലിക്ക്?

ചിത്രങ്ങളിലൂടെ നീങ്ങുക

ആദ്യ അവതരണവും വിപണികളും

2012ല്‍ ബ്രസീലിലെ സാവോ പോളോയില്‍ വെച്ചുനടന്ന ഒരു ഓട്ടോ എക്‌സ്‌പോയിലാണ് ഫോക്‌സ്‌വാഗണ്‍ ടൈഗൂണ്‍ ആദ്യമായി അവതരിപ്പിക്കപ്പെട്ടത്. ബ്രസീല്‍, ഇന്ത്യ, റഷ്യ, ചൈന തുടങ്ങിയ പുതിയ സാമ്പത്തികശക്തികളെ ഉദ്ദേശിച്ചു നിര്‍മിച്ച ടൈഗൂണ്‍ 2014 ഇന്ത്യന്‍ ഓട്ടോ എക്‌സ്‌പോയില്‍ അവതരിപ്പിക്കപ്പെട്ടു. ഇന്ത്യയിലവതരിപ്പിച്ച മോഡല്‍ ഉല്‍പാദനപ്പതിപ്പിനോട് ഏറ്റവും അടുത്തുനില്‍ക്കുന്ന ഒന്നായിരുന്നു.

എന്‍ജിന്‍

1 ലിറ്റര്‍ ശേഷിയുള്ള ഒരു 3 സിലിണ്ടര്‍ ടിഎസ്‌ഐ പെട്രോള്‍ എന്‍ജിനാണ് ഫോക്‌സ്‌വാഗണ്‍ ടൈഗൂണില്‍ ചേര്‍ത്തിരിക്കുന്നത്. പരമാവധി 175 എന്‍എം ചക്രവീര്യം പകരാന്‍ ഈ എന്‍ജിന് ശേഷിയുണ്ട്. 110 പിഎസ് കരുത്ത് ഉല്‍പാദിപ്പിക്കും ഈ എന്‍ജിന്‍.

ഡീസല്‍ എന്‍ജിന്‍

ഒരു ഡീസല്‍ എന്‍ജിനും ടൈഗൂണില്‍ ഘടിപ്പിക്കും. 1.4 ലിറ്റര്‍ ശേഷിയുള്ള ഒരു 3 സിലിണ്ടര്‍ ടര്‍ബോ എന്‍ജിനാണിത്. എന്‍ജിന്റെ ശേഷിയെന്തെന്ന് ഇതുവരെ വെളിപ്പെട്ടുകിട്ടിയിട്ടില്ല. മണിക്കൂറില്‍ 185 കിലോമീറ്ററാണ് ഈ എന്‍ജിന് എടുക്കാന്‍ കഴിയുന്ന പരമാവധി വേഗതയെന്ന് ഊഹങ്ങളുണ്ട്.

മൈലേജ്

ലിറ്ററിന് 21 കിലോമീറ്റര്‍ എന്ന മികച്ച മൈലേജ് നിരക്കാണ് ഫോക്‌സ്‌വാഗണ്‍ ടൈഗൂണിന്റെ എന്‍ജിന്റേത്.

അളുവുതൂക്കങ്ങള്‍

ഫോക്‌സ്‌വാഗണ്‍ ടൈഗൂണിന്റെ മൊത്തം ഭാരം 985 കിലോഗ്രാം ആകുന്നു. നാലു മീറ്ററില്‍ താഴെയുള്ള വാഹനങ്ങള്‍ക്ക് ഇന്ത്യയില്‍ ലഭിക്കുന്ന നികുതിയിളവ് ടൈഗൂണിനും ലഭിക്കും. 3.86 മീറ്ററാണ് വാഹനത്തിന്റെ നീളം. ഇന്ത്യന്‍ ഓട്ടോ എക്‌സ്‌പോയില്‍ അവതരിപ്പിച്ച മോഡലിന്റെ അളവുതൂക്കങ്ങളാണിവ. ഉല്‍പാദനമോഡലില്‍ ചെറിയ ചില മാറ്റങ്ങളുണ്ടാകാനിടയുണ്ട്.

ഇന്റീരിയര്‍

അകത്തെ കാര്യങ്ങളറിയാന്‍ ഇപ്പോള്‍ നിര്‍വാഹമൊന്നുമില്ല. പ്രീമിയം നിലവാരത്തിലുള്ളതായിരിക്കും ഇന്റീരിയറെന്ന് ഊഹിക്കാന്‍ കഴിയുന്നുണ്ട്. വിപണിയിലെ കടുത്ത മത്സരം മൂലം ഒന്നിലും കുറയ്ക്കുവാന്‍ ഫോക്‌സ്‌വാഗണ്‍ തയ്യാറാവില്ല.