ഫോക്‌സ് ടൈഗൂണ്‍: ഇക്കോസ്‌പോര്‍ട് സ്‌റ്റൈലിന് മറുപടി

ഡിസൈന്‍ സൗന്ദര്യവും പ്രകടനശേഷിയും ഒരുമിച്ചുള്ള കാറുകള്‍ക്ക് ചെറു ക്രോസ്സോവര്‍ വിപണിയില്‍ മികച്ച വരവേല്‍പ്പാണ് ലഭിക്കുന്നത്. സ്റ്റൈലിന്റെ കാര്യമെടുത്താല്‍, ഫോഡ് ഇക്കോസ്‌പോര്‍ടിനോട് എതിരിട്ടുനില്‍ക്കാനുള്ള പാങ്ങൊക്കെ ഫോക്‌സ്‌വാഗണ്‍ ടൈഗൂണിനുണ്ട്.

3.859 മില്ലിമീറ്റര്‍ നീളമുണ്ട് ടൈഗൂണിന്. 4 മീറ്ററില്‍ താഴെ. ഇത് വാഹനത്തിന് ടാക്‌സിളവിന് അര്‍ഹത നേടിക്കൊടുക്കുന്നു.

വളരെ ലളിതമെങ്കിലും സ്റ്റൈലിഷ് ആയ ഡിസൈനാണ് ടൈഗൂണിന്റേത്. മുന്‍വശത്ത് ബംപറിലേക്ക് കയറിനില്‍ക്കുന്ന സ്‌കിഡ് പ്ലേറ്റുകള്‍ ടൈഗൂണിന്റെ ആക്രമണസൗന്ദര്യം വര്‍ധിപ്പിക്കുന്നു.

വശങ്ങളില്‍ സില്‍ ഗാര്‍ഡുകള്‍ പിടിപ്പിച്ചിരിക്കുന്നു. മുകളില്‍ റൂഫ് റെയിലുകളും പിന്‍വശത്തായി സ്‌പോയ്‌ലറും കാണാം.

പിന്നില്‍ ട്വിന്‍ എക്‌സോസ്റ്റുകള്‍ ഘടിപ്പിച്ചിരിക്കുന്നത് കണ്‍സെപ്റ്റ് അവതരിപ്പിക്കുന്നതിന്റെ ഒരു രസത്തിനാണ്. ഉല്‍പാദനമോഡലില്‍ ഇതുണ്ടാവാന്‍ സാധ്യത കാണുന്നില്ല. എല്‍ഇഡി ഹെഡ്‌ലാമ്പുകളുടെ കാര്യത്തിലും ഇങ്ങനെത്തന്നെ സംശിക്കണം.

ഏഷ്യന്‍ മോഡലുകള്‍ക്കായാണ് പിന്നില്‍ സ്‌പെയര്‍ ടയര്‍ ഘടിപ്പിച്ചിട്ടുള്ളത്.

എന്‍ജിന്‍

108 കുതിരകളുടെ കരുത്താണ് വാഹനന്റെ ടര്‍ബോ പെട്രോള്‍ എന്‍ജിനുള്ളത്. 175 എന്‍എം ചക്രവീര്യം പകരുന്നു ഈ എന്‍ജിന്‍. 1.5 ലിറ്റര്‍ ഡീസല്‍ എന്‍ജിനും കൂടെയുണ്ട്.

വില

ടൈഗൂണ്‍ ഉല്‍പാദനത്തിലെത്തുക അടുത്ത വര്‍ഷമായിരിക്കുമെന്നാണ് ഊഹിക്കപ്പെടുന്നത്. 7 ലക്ഷത്തിന്റെ പരിസരത്തായിരിക്കും വില.