ഫെരാരിയുടെ ഔദ്യോഗിക ഇന്ത്യൻ പ്രവേശം 26ന്

ഇറ്റാലിയൻ സൂപ്പർകാർ നിർമാതാവായ ഫെരാരി ഇന്ത്യൻ വിപണിയിലേക്ക് ഔദ്യോഗികമായി പ്രവേശിക്കുകയാണ്. ഓഗസ്റ്റ് 26നാണ് ഇത് സംഭവിക്കുക. നടപ്പുവർഷം ഇന്ത്യയിൽ ആകെ 20 കാറുകൾ മാത്രമേ കമ്പനി വിൽക്കൂ. ലഭ്യമായ വിവരങ്ങൾ പ്രകാരം ഈ മോഡലുകൾ ഇതിനകം തന്നെ വിറ്റഴിഞ്ഞിട്ടുണ്ട്.

ഫെരാരി കാലിഫോർണിയ ടി മോഡലാണ് ഇന്ത്യയിൽ ആദ്യമായി ലോഞ്ച് ചെയ്യുക.

നേരത്തെ മറ്റൊരു സ്ഥാപനം ഫെരാരി കാറുകൾ ഇറക്കുമതി ചെയ്ത് വിറ്റിരുന്നു ഇന്ത്യയിൽ. ഈ ഇറക്കുമതിക്കാരന്റെ ചില നടപടികൾ കാറുടമകൾക്കിടയിൽ വലിയ പ്രതിഷേധമുണ്ടാക്കുകയും ഇത് ഫെരാരിക്ക് ചീത്തപ്പേരാവുകയും ചെയ്തു. ഈ സംഭവത്തിനു ശേഷമാണ് ഇന്ത്യയിലേക്ക് നേരിട്ടിറങ്ങാൻ കമ്പനി തീരുമാനിച്ചത്.

ഫെരാരിയിൽ നിന്നുള്ള ഏറ്റവും വിലക്കുറവുള്ള മോഡലാണ് ഇന്ത്യയിൽ ആദ്യം ലോഞ്ച് ചെയ്യുന്ന കാലിഫോർണിയ ടി. എക്സ്ഷോറൂം നിരക്ക് പ്രകാരം 3.3 കോടി രൂപ വരും ഈ വാഹനത്തിന്.

മുംബൈ, ദില്ലി എന്നിവിടങ്ങളിലുള്ള ഫെരാരി ഡീലർഷിപ്പുകളിൽ കാറുകൾ ബുക്കു ചെയ്യാവുന്നതാണ്. ലാഫെരാരി ഒഴികെയുള്ള എല്ലാ മോഡലുകളും ബുക്കു ചെയ്യാനാകും.