Click it and Unblock the Notifications
അബാര്ത്ത് പുന്തോ ഇവോ ടി-ജെറ്റ് 2015ല് ഇന്ത്യയില്
അബാര്ത്ത് മോഡലുകള് ഇന്ത്യയിലെത്തുന്നു എന്ന് കേള്ക്കാന് തുടങ്ങിയിട്ട് നാളുകളേറെയായി. 2014ലെ ഇന്ത്യന് ഓട്ടോ എക്സ്പോയില് അബാര്ത്ത് 500 മോഡല് അവതരിപ്പിച്ചിരുന്നു ഫിയറ്റ്.
പുതിയ വാര്ത്തകള് പറയുന്നത് അബാര്ത്ത് പൂന്തോ ഇവോ ടി-ജെറ്റ് മോഡല് 2015 അവസാനമാകുമ്പോള് ഇന്ത്യയുടെ നിരത്തുകളിലെത്തും എന്നാണ്. കൂടുതലറിയാം താഴെ.
Images are representational
പൂന്തോ ഇവോ ടി ജെറ്റ് ഇന്ത്യയില് ടെസ്റ്റ് ചെയ്യുന്നതിന്റെ ചിത്രങ്ങള് ഇതിനകം തന്നെ പുറത്തുവന്നിട്ടുണ്ട്. ഈ അബാര്ത്ത് മോഡലില് ഉപയോഗിക്കുന്ന അതേ എന്ജിന് ഘടിപ്പിച്ച ഒരു അവ്വെന്റ്യൂറ മോഡലും വിപണിയിലെത്തിക്കാന് പദ്ധതിയുണ്ട് ഫിയറ്റിന്.
പെട്രോള്, ഡീസല് എന്ജിനുകള് ഘടിപ്പിച്ച് അബാര്ത്ത് പൂന്തോ വിപണി പിടിക്കും. രണ്ട് പെട്രോള് എന്ജിനുകള് ചേര്ക്കുമെന്നും കേള്ക്കുന്നുണ്ട്.
ഫിയറ്റിന്റെ 1.4 ടി-ജെറ്റ് ലിറ്റര് എന്ജിന് ഫിയറ്റിനു വേണ്ടി പ്രത്യേകമായി ട്യൂണ് ചെയ്തെടുക്കുകയാണ് ചെയ്യുക. ഈ എന്ജിന് 135 കുതിരശക്തി പകരാന് ശേഷിയുള്ളതായിരിക്കും. എല്ലാ വീലുകള്ക്കും ഡിസ്ക് ബ്രേക്കുകള് നല്കും. 5 സ്പീഡ് ഗിയര്ബോക്സായിരിക്കും എന്ജിനോടു ചേര്ക്കുക.
ഫിയറ്റിന്റെ പെര്ഫോമന്സ് വിഭാഗമായ അബാര്ത്തില് നിന്നുള്ള ഈ മോഡലിനെ വലിയ ആകാംക്ഷയോടെയാണ് ഇന്ത്യയില് റേസിങ് തല്പരരായ യുവാക്കള് കാത്തിരിക്കുന്നത്. അബാര്ത്ത് ബ്രാന്ഡ് എത്തുന്നത് ഫിയറ്റിന്റെ വളര്ച്ചയ്ക്കും സഹായകമാകും.
നിലവില് ഫോക്സ്വാഗണ് ജിടി, ടാറ്റ ബോള്ട്ട് സ്പോര്ട് എന്നീ മോഡലുകളാണ് അബാര്ത്ത് പൂന്തോയ്ക്ക് എതിരാളികളായിട്ടുള്ളത്. ഇവയെക്കാള് ഉര്ന്ന വിലയിലായിരിക്കും അബാര്ത്ത് മോഡലുകള് എത്തുക എന്നുറപ്പിക്കാം.
Continue with Google