വാഗൺ ആർ ആർ അവാൻസ് വിപണിയിലെത്തി

വാഹനത്തിന്റെ റൂഫ് റെയിലുകളിൽ ഗൺമെറ്റൽ ഫിനിഷ് നൽകിയിട്ടുണ്ട്. റൂഫിന്റെ പിന്നിലായി ഒരു ലിപ് സ്പോയ്ലറും ചേർത്തിരിക്കുന്നു.

വളരെക്കുറച്ച് പതിപ്പുകൾ മാത്രമേ നിർമിച്ചിട്ടുള്ളൂ. ഇരുവശങ്ങളിലും ബോഡി ഗ്രാഫിക്സ് ചേർത്താണ് വാഹനം വരുന്നത്.

ഡോർ ഹാൻഡിലുകളും റിയർവ്യൂ മിറർ കാപ്പുകളും ബോഡി നിറത്തിലുള്ളതാണ്.

വാഗൺ ആറിന്റെ എൽഎക്സ്ഐ വേരിയന്റിലാണ് ഈ പരിമിത പതിപ്പ് ലഭിക്കുക.

കറുപ്പും ബീജും ഇടകലർന്ന വർണപദ്ധതിയാണ് ഇന്റീരിയറിലുള്ളത്.

സീറ്റുകൾക്ക് പുതിയ ബീജ് ഫാബ്രിക്സ് നൽകിയിരിക്കുന്നു. ഗിയർ നോബിലും ഫാബ്രിക് സാന്നിധ്യം കാണാം.

ഡബിൾഡിൻ മ്യൂസിക് സിസ്റ്റം, ബ്ലൂടൂത്ത് കണക്ടിവിറ്റി, ഫ്രണ്ട്, റിയർ പവർ വിൻഡോകൾ, ഇലക്ട്രികമായി നിയന്ത്രിക്കാവുന്ന വിങ് മിററുകൾ, കീലെസ്സ് എൻട്രി, സെൻട്രൽ ലോക്കിങ് സിസ്റ്റം തുടങ്ങിയ സന്നാഹങ്ങൾ വാഹനത്തിലുണ്ട്.