ഓല ടാക്സികളിൽ ഇനി പങ്കാളിത്ത യാത്ര

പുതിയ സോഷ്യൽ ഷെയറിങ് ആപ്ലിക്കേഷനുമായി ഓല രംഗത്ത്. ഓല ടാക്സി യാത്രകൾ പങ്കിടാനുള്ള ഓപ്ഷനാണ് ഇതുവഴി ലഭിക്കുക. ഒരേ റൂട്ടിൽ യാത്ര ചെയ്യുന്നയാൾക്ക് കൂടെ രണ്ട് യാത്രക്കാരെക്കൂടി കൂടെ കൂട്ടാനുള്ള അവസരമാണ് ഈ ഷെയറിങ് ആപ്ലിക്കേഷൻ വഴി ലഭിക്കുക.

ബങ്കളുരുവിലും മറ്റ് അഞ്ച് നഗരങ്ങളിലും ഈ പദ്ധതി നടപ്പാക്കുമെന്നാണ് അറിയുന്നത്. അടുത്ത മൂന്നു മാസത്തിനുള്ളിൽ ഇത് നടപ്പാകുമെന്നും അറിയുന്നു.

കൂടുതൽ പേർ ടാക്സി സർവീസുകളിലേക്ക് ആകർഷിക്കപ്പെടുമെന്നതാണ് ഈ പുതിയ പദ്ധതിയുടെ ഗുണം. ചെലവ് കുറവായതിനാൽ നിരവധി പേർ ഓല ടാക്സികൾ ഉപയോഗിക്കാനിടയുണ്ട്.

ആപ്ലിക്കേഷനിൽ നിങ്ങളുടെ സർക്കിളിലുള്ള ആളുകളുമായി ടാക്സി ഷെയർ ചെയ്യാനാണ് അനുവദിക്കുക. ഇത്തരം പദ്ധതികൾ വഴി ട്രാഫിക് പ്രശ്നങ്ങൾ വലിയ തോതിൽ കുറ‌ച്ചുകൊണ്ടുവരാൻ സാധിക്കുമെന്നാണ് ഓല പറയുന്നത്.