യുഎഇയിൽ നിന്ന് ഒരു പുതിയ വാഹനം!

എന്താണ് ഡ്യൂൺ ബഗ്ഗി?

മണലിൽ, പ്രത്യേകിച്ച് ബീച്ചുകളിൽ ഉപയോഗിക്കാനായി ഡിസൈൻ ചെയ്യപ്പെട്ട വാഹനമാണ് ഡ്യൂൺ ബഗ്ഗി എന്നറിയപ്പെടുന്നത്. വലിപ്പവും വീതിയുമേറിയ, മണലിൽ സുഗമമായി ഓടിക്കാൻ പറ്റിയതരം ടയറുകളാണ് ഇവയ്ക്കുണ്ടാവുക.

സാറൂഖ് സാൻഡ്‌റേസർ എന്നാണ് ഈ വാഹനത്തിനു പേര്. സാറൂഖ് മോട്ടോഴ്സ് ഈ വാഹനം വികസിപ്പിച്ചെടുത്തിരിക്കുന്നത് റേസിങ് ആവശ്യത്തിനായാണ്. ദുബൈയിലാണ് റേസിങ് നടക്കുക.

സാധാരണ ഡ്യൂൺ ബഗ്ഗികൾ റോഡിലോടിക്കാനുള്ള അനുമതിയുള്ളവയായിരിക്കില്ല. ഈ ഡ്യൂൺ ബഗ്ഗിയുടെ പ്രത്യേകത, ഇവ റോഡിലിറക്കാൻ അനുമതിയുണ്ട് എന്നതാണ്.

ഉൽപാദനത്തിനോടടുത്ത ഒരു ഡിസൈൻ ഇതിനകം തന്നെ കമ്പനി പ്രദർശിപ്പിച്ചിട്ടുണ്ട്. ഈ വാഹനം 2016ൽ ആദ്യത്തിൽ തന്നെ റോഡുകളിലെത്തിയേക്കും.

അന്തോണി ജന്നാരെല്ലി എന്നയാളാണ് സാറൂഖ് സാൻഡ്‌റേസറിന്റെ ഡിസൈൻ ജോലികൾ നിർവഹിച്ചിരിക്കുന്നത്. ആദ്യത്തെ അറേബ്യൻ സൂപ്പർകാറായ ലൈകാൻ ഡിസൈൻ ചെയ്തതും ഇദ്ദേഹമാണ്.

3.5 ലിറ്റർ ശേഷിയുള്ള ഒരു 6 സിലിണ്ടർ എൻജിനാണ് വാഹനത്തിലുള്ളത്. 304 കുതിരശക്തി ഉൽപാദിപ്പിക്കുന്നു ഈ എൻജിൻ. 371 എൻഎം ആണ് ടോർക്ക്. ഒരു 6 സ്പീഡ് ഓട്ടോമാറ്റിക് ഗിയർബോക്സാണ് വാഹനത്തിലുള്ളത്.

കൂടുതൽ

ദുബൈ ഓട്ടോമാറ്റഡ് മെട്രോയെക്കുറിച്ച് അറിയേണ്ടതെല്ലാം