ഇന്ത്യയിലേക്ക് പുത്തനൊരു നവവത്സര സമ്മാനവുമായി ഹോണ്ട

പുറത്തിറങ്ങാനിരിക്കുന്ന ഈ ചെറുഎസ്‌യുവിയുടെ ഡിജിറ്റൽ രേഖാചിത്രത്തെ അവതരിപ്പിച്ചിരിക്കുകയാണ് ഹോണ്ട. നവംബറിൽ നടക്കാനിരിക്കുന്ന സോ പൗളോ മോട്ടോർഷോയിലായിരിക്കും ഈ രേഖാചിത്രത്തിന്റെ ആദ്യ പ്രദർശനം.

യുവതലമുറയെ ലക്ഷ്യം വെച്ചാണ് ഈ ചെറു എസ്‌യുവിയുടെ അവതരണമെന്ന് രേഖാ ചിത്രത്തിൽ നിന്നു തന്നെ വ്യക്തമാക്കാവുന്നതാണ്.

ഹോണ്ട ജാസ് ഹാച്ച്ബാക്കിന്റെ അതെ പ്ലാറ്റ്ഫോമിലാണ് ഈ എസ്‌യുവിയുടേയും നിർമാണം നടത്തുന്നത്.

പുത്തൻ ഹെഡ്‌ലാമ്പും ഇതുമായി ഇഴുകിചേരുന്ന തരത്തിലുള്ള വലിയ ഗ്രില്ലുമാണ് മുൻഭാഗത്തെ മുഖ്യാകർഷണം. സ്പോർടി ബംബറും, വലിയ എയർഇൻടേക്കുകളും ഫോഗ് ലാമ്പുമാണ് മറ്റ് പ്രത്യേകതകൾ.

ജാസിലേതിനു സമാനമായ ഡോറുകളും ഫെന്ററുകളും ഈ എസ്‌യുവിയിൽ നൽകിയിരിക്കുന്നത്.

പുറമെ നൽകിയിരിക്കുന്നതുപോലെ അല്പം മാറ്റം വരുത്തി ജാസിലേതിനു സമാനമായ ഫീച്ചറുകൾ തന്നെയായിരിക്കും അകത്തളത്തിലും ഉൾപ്പെടുത്തുക.

1.2ലിറ്റർ i-VTEC പെട്രോൾ എൻജിനും 1.5 ലിറ്റർ i-DTEC ഡീസൽ എൻജിനും ഉൾപ്പെടുത്തിയായിരിക്കും ഹോണ്ട ഡബ്ല്യൂആർ-വി ലഭ്യമാവുക.

മാനുവലും ഓട്ടോമാറ്റിക് ട്രാൻസ്മിഷനും ഉൾപ്പെടുത്തിയ 1.2ലിറ്റർ എൻജിന് 90ബിഎച്ച്പി കരുത്താണുള്ളത്. 100ബിഎച്ച്പി കരുത്തുള്ള 1.5 ലിറ്റർ ഡീസൽ എൻജിനിൽ 6 സ്പീഡ് മാനുവൽ ഗിയർബോക്സ് മാത്രമെ ഉൾപ്പെടുത്തുകയുള്ളൂ.

അടുത്ത വർഷം മാർച്ചോടുകൂടി ഇന്ത്യൻ വിപണിയിലെത്തിച്ചേരുമെന്ന് പറയപ്പെടുന്ന ഈ എസ്‌യുവിയ്ക്ക് ഹ്യുണ്ടായ് ഐ20 ആക്ടീവ്, ടൊയോട്ട എത്യോസ് ക്രോസ്, ഫിയറ്റ് അർബൻ ക്രോസ്, ഫോക്സ്‌വാഗൺ ക്രോസ് പോളോ എന്നീ വാഹനങ്ങളായിരിക്കും എതിരാളികളാവുക.

ഇന്ത്യയിൽ മൊബിലിയോയുടെ പ്രഭമങ്ങാനുള്ള കാരണമിതാണ്

പുതുപുത്തൻ സാങ്കേതികതകളുമായി ബ്രിയോ അവതരിച്ചു