ഹൈഡ്രജനിൽ ഓടും റാസ

ഏകദേശം 97 കിലോമീറ്റർ വേഗത കൈവരിക്കാൻ കഴിയുന്ന കാറിന് 1.5കിലോ ഹൈഡ്രജൻ ഉപയോഗിച്ച് 482 കിലോമീറ്റർ വേഗതയിൽ സഞ്ചരിക്കാൻ കഴിയും.

വാഹനം ഓടിത്തുടങ്ങുമ്പോൾ 8.5കിലോവാട്ട് ഫ്യുവൽ സെല്ലിലൂടെ ഹൈഡ്രജൻ കടന്നുപോകുന്നു.

ഇപ്രകാരം ഹൈഡ്രജൻ കടന്നുപോകുമ്പോൾ അത് ഓക്സിജനുമായി കൂടിച്ചേർന്ന് ക്യാറ്റലിക് റിയാക്ഷന്റെ ഫലമായി വെള്ളവും കറന്റും ഉല്പാദിപ്പിക്കുന്നു.

ഇങ്ങനെ ഉണ്ടാകുന്ന കറന്റ് ഉപയോഗിച്ചാണ് വാഹനം ചലിക്കുന്നത്. കൂടാതെ ബ്രേക്കിംഗിനിടെ ഉണ്ടാകുന്ന ഊർജ്ജവും വാഹനം ചലിക്കാൻ സഹായിക്കുന്നു.

മറ്റ് വാഹനങ്ങളിൽ നിന്ന് വ്യത്യസ്തമായി പുകയ്ക്ക് പകരം വെള്ളമാണ് ഇതിന്റെ എക്സോസ്റ്റിലൂടെ പുറന്തളളപ്പെടുന്നത്. അതിനാൽ അന്തരീക്ഷ മലിനീകരണ ഭീതിയും വേണ്ട.

ഹൈഡ്രജൻ എളുപ്പം തീപിടിക്കുന്നതിനാൽ ഇതിന്റെ ഇന്ധന ടാങ്ക് പ്രത്യേകതരത്തിലാണ് നിർമ്മിച്ചതെന്ന് കമ്പനി വ്യക്തമാക്കി.

ഈ വാഹനത്തിന്റെ നാല് ടയറുകൾക്കും പ്രത്യേകം മോട്ടറുകളാണ് ഘടിപ്പിച്ചിരിക്കുന്നത്.

ഫോർവീൽ ഡ്രൈവ് സാധ്യമാക്കുന്ന വാഹനം മികച്ച പെർഫോമൻസ് കാഴ്ചവെക്കുമെന്ന് കമ്പനി ഉറച്ച് വിശ്വസിക്കുന്നു.

ഏകദേശം പതിനഞ്ച് വർഷത്തെ ഗവേഷണങ്ങളുടെ ഫലമായിട്ടാണ് വാഹനം വികസപ്പിച്ചെടുത്തതെന്ന് കമ്പനി വ്യക്തമാക്കി.

വാഹനം പുറത്തിറങ്ങുന്നതോടു കൂടി യൂറോപ്പിൽ 15 ഹൈഡ്രജൻ ഫില്ലിംഗ് സ്റ്റേഷനുകൾ തുറക്കുമെന്ന് കൂടി കമ്പനി വ്യക്തമാക്കി.