ഒമ്പത് പുത്തൻ ഫീച്ചറുകളുമായി റെഡി-ഗോ സ്പോർട് എഡിഷൻ!!

സ്പോർടി ലുക്കിന് പ്രാധാന്യം നൽകികൊണ്ട് പതിവ് ഡിസൈനിലിൽ നിന്നും ഒട്ടേറെ പുതിയ മാറ്റങ്ങളാണ് ഈ എഡിഷനിൽ ഉൾക്കൊള്ളിച്ചിരിക്കുന്നത്. ചുവപ്പ് അക്സെന്റുള്ള പുതിയ ഗ്രിൽ കറുത്ത ഗ്രിൽ, റൂഫ് സ്പോയിലർ, ബോഡി ഗ്രാഫിക്സ്, ബ്ലാക്ക് വീലുകൾ, മധ്യത്തിലായി നൽകിയിട്ടുള്ള കറുത്ത വരകൾ എന്നിവയാണ് സ്പോർടി എഡിഷന്റെ പ്രത്യേകതകൾ.

കറുപ്പ് നിറത്തിലാണ് അകത്തളമൊരുക്കിയിരിക്കുന്നത്. ബ്ലൂടൂത്ത് ഓഡിയോ, റിയർ പാർക്കിംഗ് സെൻസറുകൾ, കീലെസ് എൻട്രി, പുതിയ ഡാഷ്ബോർഡ് എന്നീ പ്രത്യേക ഫീച്ചറകളുമായിട്ടാണ് ഈ എഡിഷൻ വില്പനയ്ക്കെത്തിയിരിക്കുന്നത്.

റൂബി, വൈറ്റ്, ഗ്രെ എന്നീ മൂന്ന് നിറങ്ങളിലാണ് പുതിയ സ്പോർട്സ് എ‍ഡിഷനിൽ ലഭ്യമാക്കിയിരിക്കുന്നത്. എന്നാൽ എൻജിനിൽ മാറ്റമൊന്നുമില്ലാതെയാണ് പരിമിതക്കാല എഡിഷനെ അവതരിപ്പിച്ചിരിക്കുന്നത്.

53ബിഎച്ച്പിയും 72എൻഎം ടോർക്കും നൽകുന്ന 799സിസി ത്രീ സിലിണ്ടർ എൻജിനാണ് റെഡി-ഗോ സ്പോർടിന് കരുത്തേകുന്നത്. 5 സ്പീഡ് മാനുവൽ ഗിയർബോക്സാണ് ട്രാൻസ്മിഷൻ.

റെഡി-ഗോയുടെ ഈ സ്പോർട്സ് എഡിഷൻ ടോപ്-എന്റ് എസ് വേരിയന്റുകളിൽ മാത്രമായിരിക്കും ലഭ്യമാവുക. ഇന്ത്യയിലുടനീളം 277ഓളം വരുന്ന ഡാറ്റ്സൻ ഡീലർഷിപ്പുകളിൽ ഈ പരിമിതക്കാല സ്പോർട്സ് എഡിഷൻ ലഭ്യമാക്കിയിട്ടുണ്ട്.

വിപണിയിൽ റിനോ ക്വിഡ്, മാരുതി സുസുക്കി ഓൾട്ടോ, ഹ്യുണ്ടായ് ഇയോൺ എന്നീ മോഡലുകളുമായി എതിരിടാനായിരിക്കും റെഡി-ഗോ സ്പോർടിന്റെ വരവ്.

വിപണിയിലെ താരമാകാൻ ടൊയോട്ടയുടെ പുതിയ വാഗ്ദാനം-എത്യോസ് ലിവ

വിജയം കൊയ്യാനെത്തുന്നു കരുത്തുറ്റ ബലെനോ