ഹാർലിയുടെ മൊബൈൽ ഷോറൂം 'ലെജന്റ് ഓൺ ടൂർ' സാക്ഷാത്ക്കരിച്ചു

ഹാർലി ആരാധകരെ സന്തോഷിപ്പിക്കും വിധം നിലവിലുള്ള മോട്ടോർസൈക്കുകൾക്കൊപ്പം ആക്സസറികളും, സെപ്‌യർപാർട്സുകളും, മർച്ചൻഡൈസും ഈ മൊബൈൽ ഷോറൂമിൽ ലഭ്യമാണെന്ന് കമ്പനി അറിയിച്ചിരിക്കുന്നു.

ഇന്ത്യയിൽ ഹാർലി ഡേവിഡ്സൻ ബ്രാൻഡിന്റെ സാന്നിധ്യം വിപുലീകരിക്കാനും, കൂടുതൽ പുതിയ ഉപഭോക്താക്കളെ നേടുന്നതിനും വേണ്ടി മുംബൈ, ഗോവ, ബാംഗ്ലൂർ കോയമ്പത്തൂർ എന്നിവിടങ്ങളിൽ മാർച്ച് മുതൽ പര്യടനം നടത്താനുള്ള തീരുമാനത്തിലാണ് കമ്പനി.

പുതിയ റൈഡർമാരെ ഈ ബ്രാന്റിലേക്കത്തിക്കാനുള്ള ശ്രമത്തിലാണ് കമ്പനിയെന്ന് ലെജന്റ് ഓൺ ടൂറിന്റെ പ്രദർശനവേളയിൽ ഹാർലി ഡേവിഡ്സൻ ഇന്ത്യയുടെ മാനേജിംഗ് ഡിറക്ടർ വിക്രം പാവ വ്യക്തമാക്കി.

നിലവിൽ മോഡൽ ശ്രേണിയിൽ 13 മോട്ടോർ സൈക്കിളുകൾ ഉണ്ടെന്നും വേണ്ട സമയത്തു വേണ്ടയിടത്ത് യഥാർത്ഥ വാഹനം ലഭ്യമാക്കുക എന്നതാണ് പ്രാധാന്യമെന്ന് അദ്ദേഹം അറിയിച്ചു.

ബ്രാൻഡിന്റെ സാന്നിധ്യം എല്ലായിടത്തും വിപുലീകരിക്കണമെന്ന് ഉദ്ദേശിച്ച് അവതരിപ്പിച്ച ‘ലെജന്റ് ഓൺ ടൂറി'ന്റെ രൂപകൽപ്പന ഡി സി ഡിസൈനിനെ കൊണ്ട് ചെയ്യിക്കാൻ കഴിഞ്ഞതിൽ അതീവ സന്തുഷ്ടനാണ് എംഡി അറിയിച്ചു.

ഹാർലി ഡേവിഡ്സണിന് വേണ്ടി ലെജന്റ് ഓൺ ടൂർ രൂപകല്പന ചെയ്യുക എന്ന ദൗത്യം വളരെ ആഹ്ലാദത്തോടെയാണ് ഏറ്റെടുത്തതെന്ന് ചീഫ് ഡിസൈനർ ദിലിപ് ഛബ്രിയ അറിയിച്ചു.

കാഴ്ചയിലും അനുഭവത്തിലും ഹാർലി ഡേവിഡ്സൻ ഡീലർഷിപ്പുകൾക്ക് സമാനമായ ഒരു സംരംഭം എന്ന ലക്ഷ്യത്തോടെയാണ് ‘ലെജന്റ് ഓൺ ടൂർ' സാക്ഷാത്കരിച്ചത്.