സ്വന്തമായി ഓടിക്കാൻ ഹേമമാലിനിക്കൊരു നാനോ

ഉത്തർ പ്രദേശിലെ മധുര ജില്ലയിലെ ഒരു ചെറിയ പട്ടണമാണ് വൃന്ദാവൻ. ഇവിടത്തെ ട്രാഫിക് തിരക്കിൽ നിന്നും രക്ഷനേടാനാണ് നാനോ വാങ്ങിച്ചതെന്നവർ വ്യക്തമാക്കി.

ജാസി പർപിൾ കളർ കാറാണ് തിരഞ്ഞെടുത്തത്. സോഷ്യൽ മീഡിയ വഴി ആരാധകരുമായി ചിത്രങ്ങൾ പങ്കുവെക്കാനും അവർ മറന്നില്ല.

നാനോ ഹാച്ച്ബാക്കിന്റെ ജെന്‍എക്‌സ് പതിപ്പാണ് താരം സ്വന്തമാക്കിയത്. 624സിസി ട്വിൻ സിലിണ്ടർ പെട്രോൾ എൻജിനാണ് ഈ കുഞ്ഞൻ വാഹനത്തിന് കരുത്തേകുന്നത്.

38 കുതിരശക്തിയും 51എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്.

നാനോ ജെന്‍എക്‌സിന്റെ പ്രധാന സവിശേഷത ഗിയര്‍ബോക്‌സ് തന്നെയാണ്. 5 സ്പീഡ് ഓട്ടോമാറ്റഡ് മാന്വല്‍ ഗിയര്‍ബോക്‌സാണ് നൽകിയിരിക്കുന്നത്.

ക്ലച്ച് പെഡല്‍ ഇല്ല എന്നതാണ് മറ്റൊരു പ്രത്യേകത. ഇന്ത്യയിലെ ഏറ്റവും വിലക്കുറവുള്ള ഓട്ടോമാറ്റിക് കാറായിരിക്കും നാനോ ജെന്‍എക്‌സ്

നിലവിലെ നാനോയില്‍ കിട്ടുന്ന അതേ ഇന്റീരിയര്‍ സ്‌പേസാണ് ജെന്‍എക്‌സ് മോഡലിലുമുള്ളത്. മികച്ച ലെഗ് റൂമും ഹെഡ് റൂമും എന്നിവ പ്രദാനം ചെയ്യുന്നു.

അഞ്ച് മുതിര്‍ന്നവര്‍ക്ക് ഇരുന്ന് യാത്ര ചെയ്യാം. പിന്നിലെ സീറ്റ് മടക്കിവെച്ച് കൂടുതല്‍ സാധനങ്ങള്‍ കയറ്റാനും സാധിക്കും.

നാല് സ്പീക്കറുകളോടു കൂടിയ ഒരു മ്യൂസിക് സിസ്റ്റം, ബ്ലൂടൂത്ത്, യുഎസ്ബി കണക്ടിവിറ്റി, മുന്നിലെ പവര്‍ വിന്‍ഡോകള്‍, ചാര്‍ജിങ് ഔട്‌ലെറ്റ് എന്നിവയാണ് മറ്റ് സവിശേഷതകൾ.

താരം സ്വന്തമാക്കിയ ഈ ടോപ്പ്-എന്റ് വേരിയന്റിന്റെ ദില്ലി എക്സ്ഷോറൂം വില 3.01ലക്ഷമാണ്.

റോൾസ് റോയിസ് ഹൃത്വിക്കിന്റെ പിറന്നാൾ ഗിഫ്റ്റ്

നടൻ ജോജുവിന്റെ പുതിയ ഫോഡ് എൻഡവർ