കോംപാക്ട് എസ്‌യുവി രംഗത്തേക്ക് ചുവടുവെച്ച് ഹ്യുണ്ടായ്

ഹ്യുണ്ടായ് 2014ൽ പ്രദർശനം നടത്തിയ ഇൻട്രാഡോ കോൺസ്പെറ്റിനെ ആധാരപ്പെടുത്തിയായിരിക്കും ഈ പുത്തൻ കോംപാക്ട് എസ്‌യുവിയുടെ നിർമാണം.

കമ്പനിയുടെ ഫ്ലൂയിഡിക് സക്ൾപ്ചർ 2.0 ഡിസൈൻ ഫിലോസഫിയെ അനുസ്മരിപ്പിക്കുന്ന തരത്തിൽ വലുപ്പമേറിയ ഹെക്സാഗണൽ ഗ്രില്ലും വീതികുറഞ്ഞ നീളമേറിയ ഹെഡ്‌ലാമ്പുമായിരിക്കും വാഹനത്തിന്റെ മുഖ്യാകർഷണം.

ഒരു എസ്‌യുവിക്ക് അത്യാവശ്യം വേണ്ട ക്യാരക്ടർ ലൈനും വീതികൂടിയ വീൽ ആർച്ചുകളും ഈ വാഹനത്തിൽ ഉൾപ്പെട്ടിരിക്കുന്നതായിരിക്കും.

ഐ20യെ അടിസ്ഥാനപ്പെടുത്തി നിർമിക്കുന്ന ഈ ചെറു എസ്‌യുവിക്ക് സുഖസൗകര്യങ്ങൾ വർധിപ്പിക്കുന്ന തരത്തിൽ പ്രീമിയം ഫീച്ചറുകളായിരിക്കും ഉൾപ്പെടുത്തുക.

ടച്ച് സ്ക്രീൻ മൾട്ടി മീഡിയ സിസ്റ്റം, ഓട്ടോമാറ്റിക് ക്ലൈമറ്റ് കൺട്രോൾ, ലെതർ അപ്ഹോൾസ്ട്രെ തുടങ്ങിയ ഫീച്ചറുകളും ഉൾപ്പെടുത്തുന്നതായിരിക്കും.

ഐ20 പ്ലാറ്റ്ഫോമിലാണ് നിർമിക്കുന്നതെങ്കിലും പുതിയ ഐ30ക്ക് കരുത്തേകുന്ന എൻജിനാണ് ഈ പുതിയ വാഹനത്തിൽ ഉൾപ്പെടുത്തുക.

ടർബോചാർജ്ഡ് 1.0ലിറ്റർ ത്രീ സിലിണ്ടർ, 1.4 ലിറ്റർ ഫോറ്‍ സിലിണ്ടർ പെട്രോൾ എൻജിനുകളും 1.6ലിറ്റർ ഡീസൽ എൻജിനുമായിരിക്കും ഇതിൽ ഉൾപ്പെടുത്തുക.

സെഡാനെക്കാളും ഇന്ത്യൻ വിപണിയിൽ എസ്‌യുവിക്കുള്ള വൻ ഡിമാന്റുകൾ മാനിച്ച് എത്രയും വേഗം ഇന്ത്യൻ വിപണിയിലേക്കുള്ള അരങ്ങേറ്റവും കുറിക്കാനിരിക്കയാണ് ഹ്യുണ്ടായ്.

എന്നാൽ ഈ കോംപാക്ട് എസ്‌യുവിക്ക് മുൻപായി ഇക്കഴിഞ്ഞ ഓട്ടോഎക്സ്പോയിൽ പ്രദർശനം നടത്തിയ കാർലിനോ കോംപാക്ട് എസ്‌യുവിയുടെ അവതരണമായിരിക്കും ആദ്യം നടക്കുക.

വിജയം കുറിക്കാനൊരുങ്ങി മൂന്നാം തലമുറ ഐ30യുമായി ഹ്യുണ്ടായ്

പുത്തൻ ആഡംബര വാഹനവുമായി ടൊയോട്ട ഇന്ത്യയിൽ