ഹ്യുണ്ടായ് ഗ്രാന്റ് ഐ10-ന്റെ പ്രത്യേക പതിപ്പ് പുറത്തിറങ്ങി

പെട്രോൾ, ഡീസൽ എന്നീ രണ്ട് വകഭേദങ്ങളിലാണ് പ്രത്യേക പതിപ്പിനെ ഇറക്കിയിരിക്കുന്നത്. കൂടാതെ രണ്ട് വേരിയന്റുകൾക്കും 55,000, 65,000 രൂപാനിരക്കിൽ ആനുകൂല്യവും ഏർപ്പെടുത്തിയിട്ടുണ്ട്.

6.2 ഇ‍ഞ്ച് ടച്ച് സ്ക്രീൻ സിസ്റ്റം, റെഡ്-ബ്ലാക്ക് ഇന്റീരിയർ, റിയർ സ്പോയിലർ, ബ്ലാക്ക് ബി-പില്ലർ, ഗ്രാഫിക്സ് എന്നീ പുതുമകളാണ് ഉൾക്കൊള്ളിച്ചിരിക്കുന്നത്.

82ബിഎച്ച്പിയും 114എൻഎം ടോർക്കും നൽകുന്ന 1.2ലിറ്റർ 4സിലിണ്ടർ പെട്രോൾ എൻജിനും 70 ബിഎച്ച്പിയും 160എൻഎം ടോർക്കും നൽകുന്ന 1.1ലിറ്റർ 3സിലിണ്ടർ ഡീസൽ എൻജിനുമാണ് ഈ എഡിഷന് കരുത്തേകാൻ ഉപയോഗിച്ചിരിക്കുന്നത്.

രണ്ട് എൻജിനിലും 5സ്പീഡ് മാനുവൽ ഗിയർബോക്സാണ് നൽകിയിട്ടുള്ളത്.

സ്പെഷ്യൽ എഡിഷന്റെ പെട്രോൾ വേരിയന്റിന് 5.6-5.72ലക്ഷവും, ഡീസൽ വേരിയന്റിന് 6.60-6.64ലക്ഷവുമാണ് വില(ദില്ലി എക്സ്ഷോറൂം).

ഓഫ് റോഡ് പ്രേമികൾക്കായുള്ള കരുത്തുറ്റ വാഹനങ്ങൾ

ഇക്കൊല്ലം മികച്ച വില്പന നേടിയെടുത്ത കാറുകൾ