മാരുതിക്ക് ഭീഷണിയായി മറ്റൊരു സൗത്ത് കൊറിയൻ കമ്പനി ഇന്ത്യയിൽ

ഇന്ത്യയിൽ തന്നെ നിർമാണം നടത്തി വിപണനം ചെയ്യാമെന്നുള്ള പദ്ധതിയിൽ പുതിയ നിർമാണശാലയ്ക്കുള്ള ഭൂമി അന്വേഷണത്തിലാണ് കിയ.

5,000 കോടി രൂപ ചിലവിൽ പ്രതിവർഷം മൂന്നു ലക്ഷത്തോളം കാറുകൾ നിർമിക്കാൻതക്ക ശേഷിയുള്ള ശാലയാണ് കിയ ഇന്ത്യയിൽ സ്ഥാപിക്കുന്നത്.

തമിഴ്നാട് സർക്കാർ 400ഏക്കർ ഭൂമി നൽകിയതൊടെ നിർമാണശാല പണിയാനുള്ള കിയയുടെ പദ്ധതിക്ക് ആക്കം കൂടിയേക്കാം.

തമിഴ് നാടിനുപുറമെ കിയ മോട്ടോർ പ്ലാന്റ് സ്ഥാപിക്കാനുള്ള ഭൂമി നൽകാമെന്ന വാഗ്ദാനവുമായി ആന്ധ്ര പ്രദേശ്, ഗുജറാത്ത്, മധ്യപ്രദേശ് തുടങ്ങിയവർ മുന്നിട്ടിറങ്ങിയിട്ടുണ്ട്.

ഇതിനകം തന്നെ ഹ്യുണ്ടായ് മോട്ടോറിന് തമിഴ്നാട്ടിൽ സ്വന്തം പ്ലാന്റുള്ളതിനാൽ കിയയും ഇവിടെതന്നെ ശാലയ്ക്കുള്ള പദ്ധതിയാരംഭിക്കാനുള്ള സാധ്യതയും തള്ളിക്കളയാനാകില്ല.

നിർമാണ ശാല വികസിപ്പിക്കുന്നതോടു കൂടി വിൽപ്പനയിലും വിപണനത്തിലും സ്വതന്ത്ര പ്രതിച്ഛായ നിലനിർത്തുക എന്ന കിയ മോട്ടോറിന്റെ പതിവു രീതിക്ക് ഇന്ത്യയിലും മാറ്റം സംഭവിക്കുന്നില്ല.

ഫാക്ടറി നിർമാണം പൂർത്തിയാക്കി 2019 ആകുമ്പോഴേക്കും നിർമാണം തുടങ്ങാനുള്ള പദ്ധതിയാണ് കിയ മോട്ടേഴ്സിനുള്ളത്.

മാരുതി, ഹോണ്ടയെ വെല്ലാൻ പുത്തൻ ടൊയോട്ട കാർ

പുത്തൻ തലമുറ ജിമ്നിയുടെ നിർമാണത്തിനൊരുങ്ങി സുസുക്കി