കരുത്തും മികച്ച മൈലേജുമായി മിനി ബോലെറോ

അധിക കരുത്ത് പകരുന്ന എംഹോക്ക് ഡി70 എൻജിനാണ് പവർ പ്ലസ് മോഡലുകളുടെ മുഖ്യ സവിശേഷത. 70ബിഎച്ച്പിയും 195എൻഎം ടോർക്കും ഉല്പാദിപ്പിക്കുന്നതാണ് ഇതിലെ 1.5ലിറ്റർ എൻജിൻ.

മുന്‍ മോഡലിനെക്കാള്‍ 13 ശതമാനം അധിക കരുത്തും 5 ശതമാനം അധിക ഇന്ധനക്ഷമതയുമാണ് ബൊലേറോയുടെ പവര്‍ പ്ലസ് വകഭേദത്തിനുള്ളത് എന്നാണ് കമ്പനി ഉറപ്പാക്കുന്നത്.

5സ്പീഡ് ഗിയർബോക്സാണ് എൻജിനിൽ ഉൾപ്പെടുത്തിയിരിക്കുന്നത്. പുതിയ ബോലെറോയ്ക്ക് നീളം കുറവാണെങ്കിലും സെവൻസീറ്ററാണ്. മാത്രമല്ല ഇന്ററീരിയറിൽ വലിയ മാറ്റങ്ങളൊന്നും വരുത്തിയിട്ടില്ല.

മുൻമോഡലുകളെ പോലെ ബോക്സി ഡിസൈൻ തന്നെയാണ് പുതിയ പവർപ്ലസും കൈവരിച്ചിരിക്കുന്നത്.

ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, ഡ്രൈവര്‍ ഇന്‍ഫര്‍മേഷന്‍ സിസ്റ്റം, വോയിസ് മെസേജിംഗ് സിസ്റ്റം, മൈക്രോ ടെക്നോളജി, എൻജിൻ ഇമ്മോബലൈസർ എന്നിവയാണ് ഈ വാഹനത്തിലെ മറ്റ് സവിശേഷതകൾ.

എബിഎസ്, എയർബാഗ്, ട്രാക്ഷൻ കൺട്രോൾ എന്നീ സുരക്ഷാ ഫീച്ചറുകൾ ഉൾപ്പെടുത്തിയിട്ടില്ലെങ്കിലും പവർ സ്റ്റിയറിംഗ് ഉൾക്കൊള്ളിച്ചിട്ടുണ്ട്.

2000-ത്തില്‍ പുറത്തിറക്കിയ ബെലേറോയുടെ 9 ലക്ഷം യൂണിറ്റുകളാണ് ഇതുവരെയായി മഹീന്ദ്ര വിറ്റഴിച്ചിരിക്കുന്നത്.

നഷ്ടപ്പെട്ട വിപണിവിഹിതം തിരികെ പിടിക്കുക എന്ന ഉദ്ദേശവുമാണ് ഈ ലോഞ്ച് വഴി കമ്പനി നടപ്പിലാക്കുന്നത്.

വിലക്കുറവും എസ്‌യുവി ലുക്കും ഉള്ളതുകൊണ്ടുതന്നെ വളരെ ചുരുങ്ങിയക്കാലം കൊണ്ട് ജനപ്രീതി നേടിയെടുക്കാൻ കഴിഞ്ഞ വാഹനമാണ് ബോലെറോ. അതെ പ്രതികരണം തന്നെ പവർ പ്ലസ് മോഡലിനും ലഭിക്കുമെന്ന ഉറച്ച വിശ്വാസത്തിലാണ് മഹീന്ദ്ര.

പുത്തൻ ആഡംബര വാഹനവുമായി ടൊയോട്ട ഇന്ത്യയിൽ

വിജയം കുറിക്കാനൊരുങ്ങി മൂന്നാം തലമുറ ഐ30യുമായി ഹ്യുണ്ടായ്