മാരുതി 800നൊരു പുനർജ്ജന്മം, ചൈനയിൽ!

By Praseetha

Updated: Monday, May 23, 2016, 17:19 [IST]

ജീവിതത്തിൽ പലരുടേയും ആദ്യ വാഹനമായിരുന്നിരിക്കണം മാരുതി 800. അതുകൊണ്ട് തന്നെ വൈകാരികമായ അടുപ്പമാണ് ഇന്നും ആളുകൾക്ക് ഈ വാഹനത്തോടുള്ളത്. വിരലിലെള്ളാവുന്നത് മാത്രമെ നിലനിൽക്കുന്നുവുള്ളൂ എങ്കിലും ഇന്നും നിരത്തുകളിൽ കാണാൻ കഴിയുന്നത് ഈ മാനസിക അടുപ്പം കാരണമാണ്. വളരെചുരുക്കം വാഹനങ്ങളോട് മാത്രമെ ഈ അടുപ്പം തോന്നുകയുള്ളൂ എന്നതും ഒരു വസ്തുതയാണ്.

എസ്ക്രോസിന് തകരാറ് മാരുതി തിരിച്ചുവിളിച്ചു

ഇന്ത്യയിലെ രണ്ടാമത്തെ വലിയ പ്രൊഡക്ഷൻ കാർ കൂടിയായ മാരുതി 800, 2013ലാണ് വിപണിയിൽ നിന്നും പിൻവാങ്ങിയത്. ഇന്ത്യയിൽ ഒരു ചരിത്രം സൃഷ്ടിച്ച് കൊണ്ട് 25ലക്ഷം യൂണിറ്റുകൾ വിറ്റഴിച്ചാണ് ഈ കുഞ്ഞൻ കാർ വിടവാങ്ങിയത്. മാരുതിയുടെ ഈ ചെറുകാർ ചൈനയിലിപ്പോൾ മറ്റൊരു പേരിൽ ഉയർത്തെഴുന്നേറ്റിരിക്കുകയാണ്. 'ജിയാഗ്നൻ ടിടി' എന്ന പേരിലെത്തിയ മാരുതി കാർ ചൈനയിലെ ഏറ്റവും വിലകുറഞ്ഞ കാറാണ്.

സോട്ടിയെ ഓട്ടോമൊബൈലിന്റെ അനുബന്ധ കമ്പനിയായ ജിയാഗ്നൻ ഓട്ടോയാണ് ജിയാഗ്നൻ ടിടി എന്നപേരിൽ ഈ മാരുതി വാഹനം വിറ്റഴിക്കുന്നത്.

36ബിഎച്ച്പിയും 60എൻഎം ടോർക്കും ഉല്പാദിപ്പിക്കുന്ന അതെ 800സിസിഎൻജിനാണ് ചൈനയിലും ഉപയോഗിച്ചിരിക്കുന്നത്.

4സ്പീഡ് ഗിയർബോക്സ് ഉൾപ്പെടുത്തിയ ഈ എൻജിൻ ലിറ്ററിന് 19.23 കിലോമീറ്റർ എന്ന നിരക്കിലാണ് മൈലേജ് വാഗ്ദാനം ചെയ്യുന്നത്.

3.3മീറ്റർ നീളവും 1.4മീറ്റർ വീതിയുമുള്ള ഈ കുഞ്ഞൻ കാർ വളരെ പരിമിതമായ സ്ഥലംമാത്രം മതിയെന്നതിനാൽ എവിടെയും പാർക്ക് ചെയ്യാനും ഏത് തിരക്കേറിയ റോഡിലും വളരെ എളുപ്പം എടുക്കാവുന്നതുമായ വാഹനമാണ്.

ചൈനയിലെ ചെറിയ നഗരങ്ങളെ ലക്ഷ്യമിട്ടാണ് കമ്പനി ഈ ചെറുവാഹനത്തെ ഇറക്കിയിട്ടുള്ളത്. 15,800യാൺ മുതലാണ് ടിടിയുടെ വില അതായത് ഇന്ത്യരൂപ 1.67ലക്ഷത്തോളം വരും.

മാരുതി 800നെ അടിസ്ഥാനപ്പെടുത്തിയാണ് ജിയാഗ്നൻ ടിടയുടെ നിർമാണവും നടത്തിയിട്ടുള്ളത്. ചില കോസ്മെറ്റിക് പരിവർത്തനങ്ങളൊഴിച്ച് വലിയ മാറ്റമൊന്നുമിതിൽ വരുത്തിയിട്ടില്ല.