ഇഗ്നിസ് എത്തുന്നു ഡീസൽ-പെട്രോൾ എഎംടി വേരിയന്റുകളിൽ ...

ഇതോടൊപ്പം ഇഗ്നിസിനുള്ള ബുക്കിംഗ് അടുത്ത മാസം തന്നെയാരംഭിക്കുമെന്നും കമ്പനി പ്രസ്താവിച്ചിട്ടുണ്ട്.

മികച്ച സ്വീകാര്യതയോടെ വിപണിയിൽ തുടരുന്ന വിറ്റാരബ്രെസയ്ക്ക് താഴെയായി സ്ഥാനം പിടിക്കുന്ന ഇഗ്നിസിന് മഹീന്ദ്ര കെയുവി 100 ആയിരിക്കും പ്രധാന എതിരാളി.

വിപണിയിൽ അരങ്ങേറിയാൽ നെക്സ ഷോറൂം വഴിയായിരിക്കും ഇഗ്നിസിന്റെ വില്പന. ജപ്പാൻ വിപണിയിലുള്ള മോഡലിന് സമാനമായ ഡിസൈനും ഫീച്ചറുകളുമാണ് ഇന്ത്യയെ ലക്ഷ്യം വച്ചിറക്കുന്ന ഇഗ്നിസിലുമുള്ളത്.

180 എംഎൺ ഗ്രൗണ്ട് ക്ലിയറൻസ്, പ്രൊജക്ടര്‍ ഹെഡ് ലാമ്പുകൾ, നീളം കൂടിയ ഗ്രിൽ, ബ്ലാക്ഡ് ഔട്ട് എബി പില്ലറുകൾ, ഉയർന്ന ബോണറ്റ്, എന്നിവയാണ് ഇഗ്നിസിന്റെ പുറം സവിശേഷതകളായി പറയാവുന്ന ഘടകങ്ങൾ.

കീലെസ് എൻട്രി, എൻജിൻ സ്റ്റാർട്-സ്റ്റോപ്പ് സിസ്റ്റം, ടച്ച് സ്ക്രീൻ ഇൻഫോടെയിൻമെന്റ് സിസ്റ്റം, ആപ്പിൾ കാർ പ്ലെ, റിവേഴ്സ് പാർക്കിംഗ് ക്യാമറ, ഫോർ വീൽ ഡ്രൈവ് സിസ്റ്റം എന്നീ ഫീച്ചറുകളും ഈ ക്രോസോവറിൽ അവതരിപ്പിച്ചിട്ടുണ്ട്.

സുരക്ഷ മുൻനിർത്തി ഡ്യുവൽ എയർബാഗ്, എബിഎസ്, ഇബിഡി, ഹിൽ ഡിസന്റ് കൺട്രോൾ എന്നീ ഫീച്ചറുകളും നൽകിയിട്ടുണ്ട്.

1.2ലിറ്റർ പെട്രോൾ എൻജിൻ, 1.3ലിറ്റർ ഡീസൽ എൻജിൻ എന്നിവയാണ് ഇഗ്നിസിന് കരുത്തേകുന്നത്. 5 സ്പീഡ് മാനുവൽ ട്രാൻസ്മിഷനൊപ്പം ഇഗ്നിസിന്റെ രണ്ട് വകഭേദങ്ങളിലും എഎംടിയും ലഭ്യമാക്കിയിട്ടുണ്ട്.

4.5 ലക്ഷത്തിനും 6 ലക്ഷത്തിനുമിടയിലായിരിക്കും മാരുതിയുടെ ഈ കോംപാക്ട് എസ്‌യുവിയുടെ വിപണിവില. 2017 ജനവരി 13ഓടുകൂടിയായിരിക്കും ഇഗ്നിസിന്റെ ഇന്ത്യൻ വിപണിയിലുള്ള അരങ്ങേറ്റം.

അടുത്തിടെ വിപണിയിലെത്തുന്നതിന് മുൻപായുള്ള ക്രാഷ് ടെസ്റ്റിംഗിനും ഇഗ്നിസ് വിധേയമായിരുന്നു. ഗ്ലോബൽ എൻസിപി നടത്തിയ ഈ ക്രാഷ് ടെസ്റ്റിൽ സുരക്ഷയുടെ കാര്യത്തിൽ ഇഗ്നിസ് 5 സ്റ്റാർ റേറ്റിംഗായിരുന്നു ലഭിച്ചത്.

നിരത്തിൽ കുതിക്കാൻ ബലെനോ ആർഎസ് സ്പോർട്സ് പതിപ്പ്

2020 ഓടെ ചെറിയ ഡീസൽ കാർ നിർമാണം മൊത്തമായി നിലച്ചേക്കാം