പുത്തൻ ഹൈബ്രിഡ് സാങ്കേതികതയിൽ ബലെനോ

ഇതിനകം തന്നെ സിയാസ്, എർടിഗ എന്നീ മോഡലുകളിൽ ഈ സാങ്കേതികത ഉൾപ്പെടുത്തി ഇറക്കുന്നുണ്ട്. നിലവിൽ ഈ പ്രീമിയം ഹാച്ച്ബാക്കിന് വിപണിയിൽ നല്ല സ്വീകാര്യതയാണ് ലഭിക്കുന്നത് എന്നൊറ്റൊരു കാരണം കൊണ്ടാണ് ബലെനോ മൈൽഡ് ഹൈബ്രിഡ് പതിപ്പിറങ്ങാൻ കാലതാമസം വേണ്ടിവരുന്നത്.

സ്റ്റാർട്ട്-സ്റ്റോപ്പ് സിസ്റ്റത്തിനു പുറമെ ക്ഷമതയേറിയ വലുപ്പമേറിയ ബാറ്ററി, ഇന്റഗ്രേറ്റഡ് സ്റ്റാർട്ടർ മോട്ടർ, ബ്രേക്ക് എനർജി വീണ്ടെടുക്കാനുള്ള സംവിധാനം എന്നിവയാണ് ഈ ഹൈബ്രിഡ് സിസ്റ്റത്തിൽ ഉൾപ്പെടുത്തിയിട്ടുള്ളത്.

ഈ സംവിധാനം ഡ്രൈവിംഗ് വേളയിൽ എൻജിനിലുണ്ടാകുന്ന സമ്മർദ്ദം കുറയ്ക്കുകയും എൻജിന്റെ കാര്യക്ഷമത വർധിപ്പിക്കുന്നതോടൊപ്പം മികച്ച മൈലേജും വാഗ്ദാനം ചെയ്യും.

1.3ലിറ്റർ ഡിഡിഐഎസ് ഡീസൽ എൻജിനാണ് ബലെനോയുടെ ഡീസൽ പതിപ്പിന് കരുത്തേകുന്നത്. 74ബിഎച്ച്പിയും 190എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്.

ലിറ്ററിന് 27.39കിലോമീറ്റർ എന്ന മികച്ച മൈലേജാണ് ഈ എൻജിൻ വാഗ്ദാനം ചെയ്യുന്നത്. മൈൽ ഹൈബ്രിഡ് സാങ്കേതികത ഉൾപ്പെടുത്തുന്നത് വഴി മൈലേജ് ഇരട്ടിക്കുമെന്നാണ് കമ്പനി അവകാശപ്പെടുന്നത്.

ഇക്കാരണങ്ങൾ കൊണ്ട് മികച്ച വില്പനയോടെ മുന്നേറുന്ന ബലെനോയ്ക്ക് ഇനിയും കൂടുതൽ ആവശ്യക്കാരെത്തുമെന്നുള്ള പ്രതീക്ഷയാണ് കമ്പനിക്കുള്ളത്.

ഈ പ്രീമിയം ഹാച്ച്ബാക്കിന്റെ ഡിമാന്റ് വർധിച്ചതുകൊണ്ടു തന്നെ ബുക്കിംഗ് കഴിഞ്ഞ് നാലുമാസത്തെ കാത്തിരിപ്പാണ് വേണ്ടിവന്നിരിക്കുന്നത്.

കാത്തിരിപ്പിനൊടുവിൽ മാരുതിയുടെ പുതിയ മിനിഎസ്‌യുവി വിപണിയിലേക്ക്..

പ്രതീക്ഷിച്ചതിലും നേരത്തെ പുതിയ ഹോണ്ട സിറ്റി ഇന്ത്യയിലേക്ക്