വാഹനമേഖലയിലെ ഉജ്ജ്വല നേട്ടം; ഒറ്റ ദിവസം മാരുതി വിറ്റഴിച്ചത് 30,000 കാറുകൾ!!

ഒരു മാസം കൊണ്ട് മറ്റ് നിർമാതാക്കൾ വിറ്റഴിക്കുന്നത്ര യൂണിറ്റാണ് മാരുതി ഒറ്റൊയൊരു ദിവസത്തിൽ വിറ്റഴിച്ചത്. മുൻപെങ്ങുമില്ലാത്ത തരം നേട്ടമാണ് മാരുതിക്ക് ഇത്തവണയുണ്ടായിരിക്കുന്നത്.

നവരാത്രി-ദീപാവലിയോടനുബന്ധിച്ച് മാരുതി നൽകിയ ഓഫറുകളും വില്പന വർധിപ്പിക്കുന്നതിൽ വലിയൊരു പങ്കുവഹിച്ചിട്ടുണ്ട്.

കഴിഞ്ഞമാസം സെപ്തംബറിൽ മൊത്തം കാർ വില്പന 2,74,659 യൂണിറ്റുകളോളമായിരുന്നു. ഇതിൽ എതിരാളികെ തോല്പിച്ച് 1,32,321 യൂണിറ്റുകളുടെ വില്പനയാണ് മാരുതി നേടിയെടുത്തിരിക്കുന്നത്.

മറ്റൊരു നിർമാതാക്കൾക്കും നേടിയെടുക്കാൻ കഴിയാത്ത ഏതാണ്ട് അമ്പത് ശതമാനത്തോളം വിൽപനയാണ് മാരുതി കാർമേഖലയിൽ നേടിയെടുത്തത്.

മാരുതിയുടെ ജനപ്രിയ വാഹനമായ വിറ്റാരബ്രെസ, ബലെനോ മോഡലുകൾ വമ്പിച്ച രീതിയിൽ വിറ്റഴിച്ചു. മുൻപേ തന്നെ ഈ രണ്ട് മോഡലുകൾക്കുള്ള വർധിച്ചുവരുന്ന വില്പനമാനിച്ച് മാരുതി ഇവയ്ക്കുള്ള വെയിറ്റിംഗ് പിരീഡും വർധിപ്പിച്ചിരുന്നു.

ഈ ഉത്സവക്കാലത്ത് ഒരുവിധമെല്ലാ കാർ-ബൈക്ക് നിർമാതാക്കൾക്കും വില്പനയിൽ പൊതുവെ നല്ലൊരു ശതമാനം വർധനവാണ് ഉണ്ടായിട്ടുള്ളത്. അതിൽ എടുത്തുപറയേണ്ടതായിട്ടുള്ള നേട്ടം കൊയ്തിരിക്കുന്നത് മാരുതി മാത്രമാണ്.

മാരുതിക്കാറുകൾക്ക് പുറമെ റിനോ ക്വിഡ്, ഡാറ്റ്സൻ റെഡി-ഗോ, ടാറ്റ ടിയാഗോ, ഹ്യുണ്ടായ് ക്രേറ്റ എന്നീ വാഹനങ്ങൾക്കും ആവശ്യക്കാർ ഏറിയതായിട്ടാണ് സൂചന ലഭിച്ചിരിക്കുന്നത്.

പുത്തൻ ഹൈബ്രിഡ് സാങ്കേതികതയിൽ ബലെനോ

വിപണിയും കാത്ത് പുത്തൻ തലമുറ സ്വിഫ്റ്റ് ഡിസയർ