മാരുതി, ഹ്യുണ്ടായ്, ഹോണ്ട കാറുകൾക്ക് തീ വില

മാരുതി സുസുക്കി ഇന്ത്യയും വിവിധ മോഡലുകൾക്ക് വില വർധനവ് പ്രഖ്യാപിച്ചിരിക്കുന്നു. കമ്പനി 1,441 രൂപ മുതൽ 34,494 രൂപ വരെ വർധനവാണ് ഏർപ്പെടുത്തിയിരിക്കുന്നത്.

സിയാസ് എസ്എച്ച്‌വിഎസ്, എർടിഗ എസ്എച്ച്‌വിഎസ് എന്നിവയെ സെസിൽ നിന്നും ഒഴിവാക്കിയതിനാൽ വിലക്കയറ്റം ഇവയെ ബാധിക്കുന്നില്ല.

എൻട്രി-ലെവൽ ഓൾട്ടോ 800 മുതൽ പ്രീമിയം ക്രോസോവർ എസ്-ക്രോസ് വരെയുള്ള വാഹനങ്ങളാണ് നിലവിൽ വില്പനയിലുള്ളത്.

എല്ലാ മോഡലുകൾക്കും ഹ്യുണ്ടായും വിലവർധനവ് ഏർപ്പെടുത്തിയിരിക്കുന്നു. 2,889 മുതൽ 82,906 രൂപവരെയാണ് വില വർധിപ്പിച്ചിട്ടുള്ളത്. മാർച്ച് ഒന്നു മുതലാണ് വില വർധനവ് പ്രാബല്യത്തിൽ വരികയെന്ന് കമ്പനി അറിയിച്ചിരിക്കുന്നു.

വർധിപ്പിച്ച ഹ്യൂണ്ടായ് ബേസ് വില (ദില്ലി എക്സ്ഷോറൂം) ചുവടെ ചേർക്കുന്നു

• ഇയോൺ- 2,889 രൂപ
• ഐ10- 3,848രൂപ
• ഗ്രാന്റ്- 4,286രൂപ
• എക്സെന്റ്- 4,726രൂപ
• എലൈറ്റ് ഐ20 - 4,886രൂപ



• ആക്ടീവ് - 5,857രൂപ
• വെർണ - 5,677രൂപ
• ക്രെറ്റ - 27,192രൂപ
• ഇലാൻട്ര - 45,044 രൂപ
• സാന്റാ ഫെ - 82,906രൂപ



കേന്ദ്ര ബജറ്റിലെ സെസ് പ്രഖ്യാപനത്തിന് ശേഷം ഹോണ്ടയും തങ്ങളുടെ പാസഞ്ചർ കാറുകളുടെ വില വർധിപ്പിക്കാൻ തീരുമാനിച്ചു. മാർച്ച് ഒന്നുമുതൽ പുതുക്കിയ വില പ്രാബല്യത്തിൽ വരുമെന്ന് കമ്പനി അറിയിച്ചിരിക്കുന്നു.



ഹോണ്ട മോഡലുകളുടെ പുതുക്കിയ വില (ദില്ലി എക്സ്ഷോറൂം) വിവരങ്ങൾ ചുവടെ ചേർക്കുന്നു

• ബ്രയോ : 4,000- 6,000രൂപ
• ജാസ് : 5,000-19,500രൂപ
• സിറ്റി: 24,600- 38,100രൂപ
• മൊബിലിയോ : 21,800 - 37,700രൂപ
• സിആർ-വി : 66,500-79,000രൂപ