വിറ്റാര ബ്രെസയുടെ ലോഞ്ച് മാർച്ച് 8 ന്

സുസുക്കിയുടെ ഗ്ലോബൽ പ്ലാറ്റ്ഫോമിനെ അടിസ്ഥാനപ്പെടുത്തി ഇന്ത്യയിൽ വച്ചുതന്നെയാണ് വിറ്റാരയുടെ രൂപകല്പനയും വികസനവും നടത്തിയിട്ടുള്ളത്.

88.5 ബിഎച്ച്പി കരുത്തും 200എൻഎം ടോർക്കും നൽകുന്ന 1.3ലിറ്റർ DDIS 200 ഡീസൽ എൻജിനാണ് വിറ്റാരയ്ക്ക് കരുത്തേകുന്നത്. കൂടാതെ സുസുക്കി മൈൽഡ് ഹൈബ്രിഡ് സിസ്റ്റവും ഉൾപ്പെടുത്തിയിട്ടുണ്ട്.

5 സ്പീഡ് മാനുവൽ ഗിയർബോക്സാണ് എൻജിനിൽ ഘടിപ്പിച്ചിരിക്കുന്നത്.

ഡേ ടൈം റണ്ണിംഗ് ലൈറ്റുകൾ ഉള്ള പ്രോജക്ടർ ഹെഡ് ലാമ്പുകൾ, ടെയിൽ ലാമ്പുകൾ, ക്രോം ഫിനിഷുള്ള ഗ്രില്ല്, 16 ഇഞ്ച് അലോയ് വീലുകൾ എന്നിവ വിറ്റാരയുടെ പുറം മോടി വർധിപ്പിക്കുന്ന സവിശേഷതകളാണ്.

റിവേസ് പാർക്കിംഗ് ക്യാമറ,ഓട്ടോമാറ്റിക് ക്ലൈമറ്റ് കൺട്രോൾ,ക്രൂസ് കൺട്രോൾ, ആപ്പിൾ കാർപ്ലെ അടക്കമുള്ള ടച്ച് സ്ക്രീൻ ഇൻഫോടെയിൻമെന്റ് സിസ്റ്റം എന്നീ സവിശേഷതകൾ അകത്തളങ്ങളിൽ ഉപയോഗിച്ചിട്ടുണ്ട്.

എബിഎസ്, ഇബിഡി, ഡ്യുവൽ ഫ്രണ്ട് എയർബാഗുകൾ എന്നിവ വിറ്റാരയുടെ സുരക്ഷ ഉറപ്പാക്കുന്നു.

മാർച്ച് 8ന് വിപണിയിൽ എത്തുന്ന വിറ്റാര ബ്രെസയുടെ വിതരണം മാർച്ച് ഇരുപതോടുകൂടി ആരംഭിക്കുമെന്ന് കമ്പനി അറിയിച്ചിരിക്കുന്നു.

ഫോർഡ് എകോസ്പോർട്ട്, ഹ്യൂണ്ടായ് ക്രേറ്റ എന്നിവയോട് കടുത്ത മത്സരമായിരിക്കും വിറ്റാരയ്ക്ക് നേരിടേണ്ടിവരിക.

മാരുതി ഹ്യുണ്ടായ് ഹോണ്ട കാറുകൾക്ക് തീ വില

അറിഞ്ഞില്ലേ മാരുതി ഓൾട്ടോയ്ക്ക് റെക്കോർഡ് വില്പന