പുതിയ മെഴ്സിഡസ്എസ് 400 ഇന്ത്യയിൽ, വില 1.31കോടി

329ബിഎച്ച്പിയും 480എൻഎം ടോർക്കും നൽകുന്ന 3.0ലിറ്റർ ട്വിൻ ടർബോ വി6 പെട്രോൾ എൻജിനാണ് ഈ ആഡംബര സെഡാന് കരുത്തേകുന്നത്.

7 സ്പീഡ് ജി ട്രോണിക് ട്രാൻസ്മിഷനാണ് ഈ എൻജിനിൽ ഉൾപ്പെടുത്തിയിരിക്കുന്നത്.

വലുപ്പമേറിയ ക്രോം ഗ്രില്ല്, ഡെ ടൈം റണ്ണിംഗ് ലാമ്പ് ഉൾപ്പെടുത്തിയ ആൻഗുലാർ ഹെഡ്‌ലാമ്പുകൾ എന്നിവയാണ് ഈ സെഡാന്റെ മുഖ്യാകർഷണം.

അകത്തളങ്ങളിലെ ആഡംബരത്വം വർധിപ്പിക്കാനായി മസാജിംഗ് സീറ്റുകൾ, ഫോർ സോൺ ക്ലൈമറ്റ് കൺട്രോൾ, ലെതർ അപ്‌ഹോൾസ്ട്രെ, റെയിൻ സെൻസറുകൾ ഉള്ള മനോഹരമായ സൺറൂഫ്, 1520 വാട്ട് ബർമെസ്റ്റർ സ്പീക്കർ സിസ്റ്റം എന്നിവയാണ് ഉൾപ്പെടുത്തിയിരിക്കുന്നത്.

സുഖകരമായ ഡ്രൈവിംഗ് അനുഭവം നൽകുന്ന മികച്ച തരത്തിലുള്ള എയർമാറ്റിക് സസ്പെൻഷനാണ് എസ്400ൽ ഉൾപ്പെടുത്തിയിട്ടുള്ളത്.

8 എയർബാഗുകൾ, ഇഎസ്‌പി, ഡൈനാമിക് കോർണറിംഗ് കൺട്രോൾ സിസ്റ്റം, ഹിൽ സ്റ്റാർട്ട് അസിസ്റ്റ്, ഹോൾഡ് ഫംങ്ഷൻ ഉൾപ്പെടുത്തിയ അ‍ഡാപ്റ്റീവ് ബ്രേക്കിംഗ് എന്നിവയാണ് ഈ വാഹനത്തിന്റെ സുരക്ഷ ഉറപ്പാക്കുന്നത്.

പാർക്കിംഗിന് സഹായകമാകുന്ന വിധം 360 ഡിഗ്രി ഇൻഫ്രാ റെഡ് ക്യാമറകളും ഉപയോഗപ്പെടുത്തിയിട്ടുണ്ട്.

ബെൻസ് ഇ ക്ലാസിന്റെ എഡിഷൻ ഇ ലോഞ്ച് ചെയുതു

പുതിയ മെഴ്സിഡസ് സി ക്ലാസ് ഇന്ത്യയിൽ വില 44.36ലക്ഷം