ബ്രിട്ടീഷ് കാർ 'മിനി ക്ലബ്മാൻ' ഇന്ത്യൻ മണ്ണിൽ..

ഇന്ത്യയിൽ ഫാക്ടറിയില്ലാത്തതിനാല്‍ പൂര്‍ണമായും ബ്രിട്ടനിൽ നിര്‍മിച്ച് സിബിയു വഴിയാണ് ക്ലബ്മാൻ ഇന്ത്യയിലെത്തിയത്.

189ബിഎച്ച്പിയും 280എൻഎം ടോർക്കുമുള്ള 2.0ലിറ്റർ ടർബോചാർജ്ഡ് ഫോർ സിലിണ്ടർ എൻജിനാണ് ക്ലബ്മാൻ കൂപ്പർ എസിന് കരുത്തേകുന്നത്.

8 സ്പീഡ് ഓട്ടോമാറ്റിക് ഗിയർബോക്സാണ് ഉൾപ്പെടുത്തിയ എൻജിൻ മണിക്കൂറിൽ 13.84കിലോമീറ്റർ മൈലേജാണ് വാഗ്ദാനം ചെയ്യുന്നത്.

4,253എംഎം നീളവും 1,800എംഎം വീതിയും 1,441എംഎം ഉയരവുമുള്ള മിനി ക്ലബ്‌മാനിന് 2,670എംഎം വീൽബേസാണുള്ളത്.

നിശ്ചലതയിൽ നിന്നു 100 കി.മി വേഗമാർജ്ജിക്കാൻ പെട്രോൾ കരുത്തുള്ള ക്ലബ്‌മാനിന് വെറും 7.2 സെക്കന്റുമാത്രം മതി. മണിക്കൂറിൽ 228km/h ആണിതിന്റെ ഉയർന്ന വേഗത.

പുതിയ ഗ്രില്ല്, പുതുക്കിയ ബംബർ, ഹെഡ്‌ലൈറ്റ് എന്നിവയുൾപ്പെടുത്തിയാണ് ക്ലബ്‌മാൻ അവതരിച്ചിരിക്കുന്നത്. പിന്നിൽ ക്രോം ഹാന്റിലോടുകൂടിയ ടു ഡോർ ബൂട്ട് ലിഡ്, വളരെ വിരളമായിട്ടെ ഇതുകാണാൻ സാധിക്കുവെങ്കിലും പുതിയ ക്ലബ്‌മാനിൽ ഈ സവിശേഷത ഉൾക്കൊള്ളിച്ചിട്ടുണ്ട്.

പതിവ് മിനി മോഡലുകളേക്കാൾ അല്പം നീളകൂടുതലുണ്ട് എന്നൊരു വ്യത്യാസം മാത്രമെ ഒറ്റനോട്ടത്തിൽ തോന്നുകയുള്ളൂ. 17 ഇഞ്ച് സ്പോക് അലോയ് വീലുകളും ഈ വാഹനത്തിലുണ്ട്.

ഒന്നാം തലമുറ ക്ലബ്മാനിലുണ്ടായിരുന്ന പിൻഡോർ അതെപടി ഈ മോഡലിലും ഉൾപ്പെടുത്തിയിട്ടുണ്ട്. പിന്നിൽ നിന്നു തുറക്കാവുന്ന ഈ ഡോറിൽ എൽഇഡി ടെയിൽലാമ്പും നൽകിയിരിക്കുന്നതായി കാണാം.

ലെതറിനാൽ പൊതിഞ്ഞ സ്റ്റിയറിംഗ് വീൽ, 8.8ഇഞ്ച് സർക്കുലാർ ടച്ച് സ്ക്രീൻ ഇൻഫോടെയിൻമെന്റ് സിസ്റ്റം, ലെതർ അപ്ഹോൾസ്ട്രെ എന്നീ സവിശേഷതകളാണ് അകത്തളത്തിലുള്ളത്.

മൾട്ടിപ്പിൾ എയർബാഗ്, എബിഎസ്, ബ്രേക്ക് അസിസ്റ്റ്, കോർണറിംഗ് ബ്രേക്ക് കൺട്രോൾ, ഡൈനാമിക് സ്റ്റബിലിറ്റി കൺട്രോൾ എന്നീ സുരക്ഷാ ക്രമീകരണങ്ങൾ നടപ്പിലാക്കിയിട്ടുണ്ട്. കൂടാതെ ഫ്ലാറ്റ് ടയറിൽ ഓടാനുള്ള സവിശേഷതയുമുണ്ടെന്നാണ് പറയപ്പെടുന്നത്.

മെഴ്സിഡസ് പെർഫോമൻസ് സെഡാൻ എഎംജി സി43 ഇന്ത്യയിൽ

മെഴ്സിഡസ് പുതിയ ഇ-ക്ലാസ് കൂപ്പെ പുറത്തിറക്കി