പുതുമകൾ ഏറെയുണ്ട് ഓൾട്ടോയിൽ; അറിയാം!

എക്സ്റ്റീരിയർ

പുതിയ എയറോഡൈനാമിക് ഡിസൈൻ ഒരു സ്പോർടി ലുക്കാണ് ഈ വാഹനത്തിന് നൽകുന്നത്. പുതുമ എന്നുപറയാനുള്ളത് മുൻഭാഗത്തെ ഗ്രിൽ നീണ്ടതും ഒതുക്കമുള്ളതാക്കി മാറ്റിയിരിക്കുന്നു.

സുസുക്കി ബാഡ്ജ് പഴയ ഓൾട്ടോയിൽ ഗ്രില്ലിലാണ് നൽകിയതെങ്കിൽ പുത്തൻ ഓൾട്ടോയിലത് ഗ്രില്ലിനും എയർഡാമിനുമിടയിലായി സ്ഥാനം പിടിച്ചിരിക്കുന്നു.

ഒരു സ്പോർടി ലുക്ക് നൽകത്തക്ക വിധത്തിൽ എയർഡാമിന്റെ ആകൃതിയിലും മാറ്റം വരുത്തിയിട്ടുണ്ട്. പുതുക്കിയ ബംബറും ട്രെന്റി ഹെഡ്‌ലാമ്പുമാണ് മറ്റൊരു പ്രത്യേകത. ബംബറിനും ഇരുവശത്തായി ഉൾപ്പെടുത്തിയ ഫോഗ് ലാമ്പും എടുത്തുപറയേണ്ട പുതുമയാണ്.

ഹെഡ്‌ലാമ്പിനോട് ചേർത്ത് തന്നെ ടേൺ ഇന്റിക്കേറ്ററും നൽകിയിട്ടുണ്ട്. ക്രോം ഫ്രെയിമിനാലാണ് ഹെഡ്‌ലാമ്പിനേയും ഇന്റിക്കേറ്ററിനേയും വേർതിരിച്ചിരിക്കുന്നത്.

സുപ്പീരിയർ വൈറ്റ്, സിൽക്കി സിൽവർ, ഗ്രാനൈറ്റ് ഗ്രേ, ബ്ലേസിംഗ് റെഡ്, മോജിറ്റോ ഗ്രീൻ, സെറുലീൻ ബ്ലൂ എന്നീ വ്യത്യസ്ത ആറു നിറങ്ങളിലാണ് പുതുക്കിയ ഓൾട്ടോ 800 ലഭ്യമാകുന്നത്.

മുൻ മോഡലുകളിൽ പുറംഭാഗത്തെ റിയർ വ്യൂ മിറർ ഡ്രൈവർ സൈഡിൽ മാത്രമെ നൽകിയിരുന്നുള്ളൂ എന്നാൽ പുതിയ ഓൾട്ടോയിൽ ഇരുവശത്തും നൽകിയിട്ടുണ്ടെന്നുള്ള പ്രത്യേകത കൂടിയുണ്ട്.

എൻജിൻ

48 ബിഎച്ച്പിയും 96എൻഎംവും ഉല്പാദിപ്പിക്കുന്ന 799സിസി 3 സിലിണ്ടർ പെട്രോൾ/സിഎൻജി എനജിനുകളാണ് പുതിയ ഓൾട്ടോ 800ന് കരുത്തേകുന്നത്. കൂടാതെ 5സ്പീഡ് മാനുവൽ ട്രാൻസ്മിഷനും ഉൾപ്പെടുത്തിയിട്ടുണ്ട്.

മൈലേജ്

ഉയർന്ന ഇന്ധനക്ഷമതയുള്ള എൻജിനാണ് ഓൾട്ടോ ഫേസ്‌ലിഫ്റ്റിൽ ഉപയോഗിച്ചിരിക്കുന്നത്. 22.74 ൽ നിന്നും 24.7km/l ഉയർന്ന മൈലേജാണ് പുതിയ എൻജിൻ വാഗ്ദാനം ചെയ്യുന്നത്.

ഓൾട്ടോ 800ന്റെ സിഎംജി വേരിയന്റ് 33.44km/kg മൈലേജാണ് വാഗ്ദാനം ചെയ്യുന്നത്.

ഇന്റിരിയർ

ഇന്റിരിയറിനെ കുറിച്ച് പറയുകയാണെങ്കിൽ പിൻസീറ്റിൽ ഹെഡ് റെസ്റ്റ് ഉൾപ്പെടുത്തി കൊണ്ട് പുതിയ ഫാബ്രിക്സാണ് ഉപയോഗിച്ചിരിക്കുന്നത്.

മൊത്തത്തിൽ ഗ്രേ കളർ ടോണാണ് നൽകിയിട്ടുള്ളത്. ഗ്ലോവ് ബോക്സിന് മുകളിലായി നൽകിയ സ്റ്റോറേജ് സ്പേസും ഫേസ്‌ലിഫ്റ്റിലെ പുതുമയാണ്. മൊബൈൽ ഫോൺ പോലുള്ള സാധനങ്ങൾ വയ്ക്കുന്നതിന് ഈ സ്ഥലം ഉപയോഗപ്പെടുത്താം.

പിൻ യാത്രക്കാർക്കായി ബോട്ടിൽ ഹോൾഡർ ഉൾക്കൊള്ളിച്ചിട്ടുണ്ട്. കൂടാതെ പിൻ നിരയിലെ ലെഗ് സ്പേസും ഉയർത്തിട്ടുണ്ട്.

ഇന്റഗ്രേറ്റഡ് മ്യൂസിക് സിസ്റ്റം, മുൻഭാഗത്തെ പവർ വിന്റോകൾ, കീലെസ് എൻട്രി എന്നീ ഫീച്ചറുകളാണ് അധികമായി പുതിയ മോഡലിൽ ഉൾപ്പെടുത്തിയിരിക്കുന്നത്.

സേഫ്റ്റി

സുരക്ഷാ ക്രമീകരണങ്ങൾ എല്ലാ കാറുകളിലും നിർബന്ധമാക്കിയതിനാൽ എല്ലാ വേരിയന്റിലും എയർബാഗുകൾ ഉൾപ്പെടുത്തിയിട്ടുണ്ട്. റിനോ ക്വിഡിൽ ടോപ്പ് എന്റ് വേരിയന്റിൽ മാത്രമാണ് എയർബാഗ് ഉൾപ്പെടുത്തയിരിക്കുന്നത്.

കുട്ടികളുടേയും മുതിർന്നവരുടേയും സുരക്ഷ കണക്കിലെടുത്തു കൊണ്ട് ചൈൽഡ് ലോക്കും ഉൾപ്പെടുത്തിയിട്ടുണ്ട്.

കൊച്ചി എക്സ്ഷോറൂം വില

സ്റ്റാന്റേഡ് - 2,63,782രൂപ

സ്റ്റാന്റേഡ് (ഒ)- 2,69,889രൂപ

എൽഎക്സ്- 2,98,370രൂപ

എൽഎക്സ് (ഒ)- 3,04,476രൂപ

എൽഎക്സ് ഐ-3,24,561രൂപ

എൽഎക്സ് ഐ(ഒ)- 3,30,668രൂപ

എൽഎക്സ് സിഎൻജി-3,86,655രൂപ

എൽഎക്സ് സിഎൻജി(ഒ)-3,92,761രൂപ

വിഎക്സ്ഐ-3,43,899രൂപ

വിഎക്സ്ഐ (ഒ)-3,50,006രൂപ

എൻട്രി ലെവൽ ഹാച്ച്ബാക്ക് സെഗ്മെന്റിൽ റിനോ ക്വിഡ്, ഡാറ്റ്സൻ റെഡി-ഗോ എന്നിവരുമായി ചെറുത്തു നിൽക്കിന്നതിനാണ് പുത്തൻ ഫീച്ചറുകൾ ഉൾപ്പെടുത്തിക്കൊണ്ട് ഓൾട്ടോയെ വിപണിയിൽ എത്തിച്ചിരിക്കുന്നത്.

ഇന്ത്യയിൽ ഏറ്റവും കൂടുതൽ വിറ്റഴിക്കുന്ന വാഹനമെന്ന തലക്കെട്ട് മാരുതി ഓൾട്ടോയ്ക്ക് ഉള്ളപ്പോൾ പുത്തൻ മോഡലിന്റെ വരവ് വില്പന ഒന്നുകൂടി കൊഴുപ്പിക്കുന്നതിന് ഒരു കാരണമായേക്കാം.

ഇന്ത്യയിലെ ഫുട്ട്ബോൾ‍ പ്രേമികൾക്കായി പോളോ ഓൾസ്റ്റാർ എഡിഷൻ

മഹീന്ദ്രയുടെ പുതിയ സ്‌കോർപിയോ അഡ്വെൻചർ പുറത്തിറങ്ങി