ഇത് ഭാവിയിലെ റോയിസ് റോൾസ് കാർ

ആദ്യമായിട്ടാണ് റോൾസ് റോയിസ് ആഡംബരത നിറഞ്ഞ ഒരു ഓട്ടോണമസ് കാറിന് രൂപം നൽകുന്നത്.

ആറു മീറ്റർ നീളവും, കനോപി റൂഫും, മൂടപ്പെട്ട വീലുകളും, വടിവൊത്ത ആകാരവുമാണ് ഈ കൺസ്പെറ്റിനെ ആകർഷകമാക്കുന്ന ഘടകങ്ങൾ.

കാറിനകത്ത് കയറാനായി ഡോർ തുറക്കേണ്ട ആവശ്യമില്ല. സെൻസർ ചെയ്ത് തിരിച്ചറിഞ്ഞ് കാറിനകത്ത് കടക്കാനായി ഡോറും മേൽക്കൂരയും തുറന്നു തരുന്നതായിരിക്കും ഈ വാഹനം.

ക്ലാസിക് പാന്തിയോണ്‍ ഗ്രില്ലാണ് കാറിന്റെ മുൻവശത്തെ പ്രധാനാകർഷണം. അല്പം ചെറുതാണെങ്കിലും ഗാംഭീര്യത്തിന് ഇത് ഒട്ടും കുറവൊന്നും വരുത്തുന്നില്ല.

എൻജിൻ ഘടിപ്പിക്കാനായി വളരെ പരിമിതമായ സ്ഥലമാണ് ഉപയോഗപ്പെടുത്തിയിട്ടുള്ളത്. അതുകൊണ്ട് തന്നെ ലഗേജ് സ്പേസും കാറിൽ യഥേഷ്ടമുണ്ട്.

മുൻവശത്ത് നിന്ന് തുടങ്ങി പിന്നിലേക്കുന്ന നീളുന്ന തരത്തിലാണ് ക്യാബിൻ മേൽക്കൂര രൂപപ്പെടുത്തിയിരിക്കുന്നത്.

കാറിന്റെ 28 ഇഞ്ച് വീലുകൾ പ്രത്യേകം രൂപപ്പെടുത്തിയ ചട്ടകൂടിനകത്ത് ഘടിപ്പിച്ച രീതിയിലാണുള്ളത്. കാറിന് ഒരു സ്പോർടി ലുക്ക് നൽകുന്ന ഘടകങ്ങളാണിതൊക്കെ.

തടിയിൽ തീർത്ത ഭിത്തിയും പട്ടും തുകലും ചേർന്ന സോഫയും ചുവന്ന നിറത്തിലുള്ള പരവതാനിയും എൽഇഡി സ്ര്കീനുമാണ് കാറിന്റെ അകത്തളത്തിലെ സവിശേഷതകൾ.

ഇലീനർ എന്ന വോയിസ് അസിസ്റ്റന്റ് സിസ്റ്റമാണ് മറ്റൊരു പ്രത്യേകത. കാറിനെ നിയന്ത്രിക്കുന്നതിനൊപ്പം മീറ്റിംഗിനും മറ്റു പരിപാടികള്‍ക്കും സഞ്ചരിക്കുന്ന വ്യക്തി എങ്ങനെ തയ്യാറാവണമെന്നുമുള്ള വിവരങ്ങളും ഈ സംവിധാനം നൽകുന്നതാണ്.

സിനിമ കാണാനും പാട്ടുകേള്‍ക്കാനുമെല്ലാം ഇലീനര്‍ ഉപയോഗപ്പെടുത്താവുന്നതാണ്. സ്വയം ഓടുന്ന കാർ ആയതിനാൽ ഡ്രൈവർ സീറ്റോ, സ്റ്റിയറിംഗ് വീലോ, പെഡലുകളോ ഒന്നും തന്നെയില്ല ഈ കാറിൽ.

ഡാഷ് ബോർഡിലെ എൽഇ‍ഡി ഡിസ്പ്ലെ വഴിയാണ് വാഹനം നിയന്ത്രിക്കുന്നതിന്. ഇതിന് വോയിസ് അസിസ്റ്റന്റായ ഇലീനർ സഹായകമാകും.

രണ്ട് പേർക്കിരിക്കാവുന്ന തരത്തിലാണ് സീറ്റ് ക്രമീകരിച്ചിരിക്കുന്നത്. ഒറ്റ ഡോറാണ് കാറിന് ഉള്ളത്.

റൂഫ് മുഴുവനായും ഉയർത്താമെന്നതിനാൽ കാറിലേക്ക് നടന്ന് കയറാം. മുൻവശത്തെ വീലിന് പിന്നിലായി ലഗേജുകൾ വയ്ക്കാനുള്ള സ്ഥലവും നൽകിയിട്ടുണ്ട്.

റോള്‍സ് റോയ്‌സ് കാര്‍ വാങ്ങിയേ സന്താനം അടങ്ങൂ

സെലിബ്രിറ്റികളുടെ സ്വന്തം റോള്‍സ് റോയ്സ്