ടാറ്റാ സിക്കയെത്തുന്നു പുതിയ പേരിൽ

ഏകദേശം മുപ്പത്തി ഏഴായിരത്തിലേറെ നാമനിർദേശങ്ങളാണ് ലഭിച്ചതെന്ന് ടാറ്റാമോട്ടേഴ്സ് വ്യക്തമാക്കി.

ഈ മത്സരത്തിൽ 48ലക്ഷത്തോളം പേർ പങ്കെടുക്കുകയും 12 ലക്ഷത്തിലധികം ആളുകൾ വീഡിയോ കാണുകയും ചെയ്തിട്ടുണ്ട്.

നിലവിൽ ലഭിച്ച മുപ്പത്തി ഏഴായിരത്തിലേറെ പേരുകളിൽ നിന്ന് മൂന്നെണ്ണമാണ് അന്തിമ പട്ടികയിലുള്ളത്.

സിവെറ്റ്, അഡോർ, ടിയാഗൊ എന്നീ മൂന്ന് പേരുകളാണ് അന്തിമ പട്ടികയിൽ ഇടം പിടിച്ചിരിക്കുന്നത്. ഇതിൽ നിന്നും ടിയാഗൊ എന്ന പേരാണ് തിരഞ്ഞെടുത്തിരിക്കുന്നത്.

സിപ്പി കാർ എന്നതിന്റെ ചുരക്കപേരായിട്ടാണ് കമ്പനി പുതിയ മോഡലിന് സിക്ക എന്ന പേര് നൽകിയിരുന്നത്.

കഴിഞ്ഞമാസം വിപണിയിലെത്തിക്കണമെന്ന് തീരുമാനിച്ചിരുന്നപ്പോഴാണ് കമ്പനിയെ പ്രതിസന്ധിയിലാക്കി കൊണ്ട് സിക്കയുടെ പേരിലുള്ള വൈറസ് പരന്നു പിടിച്ചത്.

1.2ലിറ്റർ പെട്രോൾ എൻജിനും 1.05ലിറ്റർ ഡീസൽ എൻജിനുമാണ് ടിയാഗൊയിൽ ഉൾപ്പെടുത്തിയിരിക്കുന്നത്.

യുവതലമുറയെ ലക്ഷ്യമിട്ടാണ് കമ്പനി പുതിയ ഹാച്ച് ബാക്കിന്റെ രൂപകല്പന നടത്തിയിട്ടുള്ളത്.

നാല് ലക്ഷം രൂപ വില നിശ്ചയിച്ചിരിക്കുന്ന പുതിയ ടിയാഗൊയ്ക്ക് മാരുതി സുസുക്കി സെലരിയോ, ഹ്യുണ്ടായ് ഗ്രാന്റ് i10 എന്നിവരായിരിക്കും മുഖ്യ എതിരാളികൾ.

മാർച്ച് അവസാനത്തോടുകൂടി വിപണിയിൽ എത്തിക്കാനാണ് കമ്പനിയുടെ തീരുമാനം.