ഡിമാന്റ് വർധിച്ചതിന് പിന്നാലെ ടിയാഗോയുടെ വിലയും വർധിച്ചു

വിപണിയിലെത്തി നാലുമാസത്തിനുള്ളിൽ തന്നെ 40,000 ബുക്കിംഗ് തികയ്ക്കാൻ കഴിഞ്ഞതും ടിയാഗോയുടെ വിജയത്തിലേക്കാണ് വിരൽചൂണ്ടുന്നത്.

ടിയാഗോയ്ക്കുള്ള ഡിമാന്റ് വർധിച്ചതോടെ ബുക്കിംഗിന് ശേഷം മൂന്ന്മാസത്തെ കാത്തിരിപ്പും ആവശ്യമായി വന്നിരിക്കുകയാണ്.

കാത്തിരിപ്പ് സമയം കുറയ്ക്കുന്നതിനായി ഗുജറാത്തിലെ സാനന്ദ് ശാലയിൽ നിന്നുള്ള ഉൽപ്പാദനം പുനഃക്രമീകരിച്ച് ലഭ്യത മെച്ചപ്പെടുത്താനുള്ള തീരുമാനത്തിലാണ് കമ്പനി.

ടാറ്റ ബോൾട്ടിനും സെസ്റ്റിനും ലഭിക്കാത്ത സ്വീകാര്യതയാണ് പെട്രോൾ, ഡീസൽ വകഭേദങ്ങളിലെത്തിയ ടിയാഗോയ്ക്ക് ലഭിക്കുന്നത്.

കഴിഞ്ഞ മാസത്തെ കമ്പനിയുടെ മൊത്ത വില്പനയിൽ 35 ശതമാനവും ടിയാഗോയുടെ സംഭാവനയായിരുന്നു. മൊത്തമായി 13,586 യൂണിറ്റുകൾ വിറ്റഴിച്ചതിൽ 5,114 യൂണിറ്റുകളും ടിയാഗോയായിരുന്നു.

85ബിഎച്ച്പിയും 114എൻഎം ടോർക്കുമുള്ള 1.2ലിറ്റർ പെട്രോൾ എൻജിനും 70ബിഎച്ച്പിയും 140എൻഎം ടോർക്കുമുള്ള 1.05ലിറ്റർ ഡീസൽ എൻജിനുമാണ് ടിയാഗോയിൽ ഉപയോഗിച്ചിട്ടുള്ളത്.

രണ്ട് എൻജിനുകളിലും 5സ്പീഡ് മാനുവൽ ട്രാൻസ്മിഷനാണ് ഉൾപ്പെടുത്തിയിട്ടുള്ളത്.

ഉത്സവകാലത്തിനു മുന്നോടിയായി ഓട്ടോമേറ്റഡ് മാനുവൽ ട്രാൻസ്മിഷൻ കൂടി ഉൾപ്പെടുത്താനുള്ള പദ്ധതിയിലാണ് ടാറ്റ.

എംഎടി ഉൾപ്പെടുത്തുന്നതോടുകൂടി ടിയാഗോയ്ക്കുള്ള ഡിമാന്റും വർധിക്കുമെന്ന പ്രതീക്ഷയിലാണ് കമ്പനിയും.

യുവാക്കൾക്ക് ആവേശമായി ബോബറും റോമറും ഇന്ത്യയിൽ

91,000രൂപയുടെ വമ്പിച്ച ഓഫറുമായി ഫോഡ്