ഇന്ത്യയിലെത്തും മുൻപെ 5 സ്റ്റാർ റേറ്റിംഗ് നേടി ഫോക്സ്‌വാഗൺ ടിഗ്വാൻ

മുതിർന്നവർ, കുട്ടികൾ, കാൽനടയാത്രക്കാർ, ഡ്രൈവർ അസിസ്റ്റന്റ് സിസ്റ്റം എന്നീ നാല് ഘടകങ്ങളെ അടിസ്ഥാനപ്പെടുത്തിയായിരുന്നു ക്രാഷ് ടെസ്റ്റ് നടത്തപ്പെട്ടത്.

മികച്ച നിലവാരമുള്ള സീറ്റുകളും സീറ്റ് ബെൽറ്റുകളും, എയർബാഗ്, ഡ്രൈവർ അസിസ്റ്റന്റ് സിസ്റ്റം എന്നിവയ്ക്കാണ് ടിഗ്വാൻ ഫൈവ് സ്റ്റാർ കരസ്ഥമാക്കിയത്.

ഒന്നാം തലമുറ ടിഗ്വാൻ ഇന്ത്യൻ മണ്ണിൽ എത്തിയില്ലെങ്കിലും രണ്ടാം തലമുറ ടിഗ്വാൻ അടുത്ത വർഷം ഉടനെ വിപണിയിലെത്തുമെന്നാണ് അറിയിപ്പ്.

സുരക്ഷയ്ക്ക് ലഭിച്ച ഫൈവ് സ്റ്റാർ റേറ്റിംഗ് ടിഗ്വാന് വിപണിപിടിക്കുന്നതിൽ കൂടുതൽ സഹായകമാകുമെന്നതിൽ ഒട്ടും സംശയമില്ല.

പെട്രോൾ, ഡീസൽ വകഭേദങ്ങളിലാണ് എത്തുന്നത്. 125ബിഎച്ച്പിയും 180ബിഎച്ച്പിയും നൽകുന്ന പെട്രോൾ എൻജിനും 115ബിഎച്ച്പിയും 240ബിഎച്ച്പിയും ഉള്ള ഡീസൽ എൻജിനിലുമാണ് വിദേശ വിപണിയിൽ ടിഗ്വാൻ എത്തിയിരിക്കുന്നത്.

6 സ്പീഡ് മാനുവൽ, 7 സ്പീഡ് ഡിഎസ്ജി ഗിയർബോക്സായിരിക്കും ഇതിൽ ഉൾപ്പെടുത്തുക.

പ്രാദേശികമായി അസെംബിൾ ചെയ്യുന്ന ടിഗ്വാൻ എന്ന് വിപണിയിലെത്തുമെന്ന് ഔദ്യേഗികമായി പ്രഖ്യാപിച്ചിട്ടില്ല. എന്നിരുന്നാലും അടുത്തവർഷം ലോഞ്ച് ഉറപ്പിക്കാം.

മഹീന്ദ്ര വിപണിയിലെത്തിക്കുന്ന പുത്തൻ കാറുകൾ

ബലെറോയെ അടിച്ചമർത്തി കെയുവി; എന്താ എസ്‌യുവിയുടെ പ്രഭ മങ്ങിയോ?