ഇതുവരെയില്ലാത്ത ഫീച്ചറുകളുമായി വോൾവോക്കാറുകൾ ഇന്ത്യയിൽ!!

‍ഡിസൈനിനെ കുറിച്ച് പറയുമ്പോൾ ഒരു പ്രത്യേകതയുണ്ട്. സ്‌കാന്‍ഡിനേവിയന്‍ ശൈലിയിലുള്ള രൂപകല്പനയും തോര്‍സ് ഹാമര്‍ ഹെഡ്‌ലൈറ്റുകളുമാണ് രണ്ടുകാറുകളിലും ഉപയോഗിച്ചിരിക്കുന്നത്.

വോള്‍വോയുടെ തന്നെ എക്‌സ്‌സി 90, എസ് 90 തുടങ്ങിയ കാറുകളിൽ മാത്രമാണ് ഇത്തരം ഹെഡ്‌ലൈറ്റുകള്‍ ഉള്ളത്.

പെഡസ്ട്രിയന്‍ എയര്‍ബാഗ് എന്ന സുരക്ഷാസംവിധാനവും വോള്‍വോ ഈ കാറുകളിൽ അവതരിപ്പിച്ചിട്ടുണ്ട്. ആഢംബരവാഹന വിഭാഗത്തില്‍ ഇതാദ്യമായാണ് ഇത്തരത്തിലുള്ളൊരു ഫീച്ചർ.

കാൽനട യാത്രക്കാരെ വാഹനം ഇടിക്കുകയാണെങ്കില്‍ അവരുടെ തലയ്ക്ക് പരിക്കൊന്നും ഏൽക്കാതിരിക്കാനുള്ളൊരു സുരക്ഷാ സംവിധാനമാണിത്

വോള്‍വോ കാറുകളുടെ അവതരണ ചടങ്ങില്‍ ഓട്ടോ ഇന്ത്യ മാനേജിംഗ് ഡയറക്ടര്‍ ടോം വോണ്‍ ബോസ്‌ടോഫാണ് കാറുകളുടെ ഈ പ്രത്യേകതകളെ കുറിച്ച് വിശദീകരിച്ചത്.

പെഡസ്ട്രിയന്‍ എയര്‍ബാഗ് കൂടാതെ പതിവ് സുരക്ഷാ ക്രമീകരണങ്ങളായ എബിഎസ്, ഇഎസ്‌പി, 7 എയർബാഗുകൾ, പാർക്ക് അസിസ്റ്റ് സെൻസറുകൾ, ക്യാമറ എന്നീ സജ്ജീകരണങ്ങളും ഈ കാറുകളിലുണ്ട്.

ഡ്യുവൽ ടോൺ അപ്ഹോൾസ്ട്രെ, ഇലക്ട്രിക്കലി അഡ്‍സ്റ്റബിൾ സീറ്റ്, മെമ്മറി ഫംഗ്ഷനുള്ള ഡ്രൈവർ സീറ്റ്, ഇൻഫോടെയിൻമെന്റ് സിസ്റ്റം, പനരോമിക് സൺറൂഫ് എന്നിവയും ഈ വോൾവോ കാറുകളുടെ സവിശേഷതകളാണ്.

വി40, വി40 ക്രോസ് കൺട്രി കാറുകൾക്ക് കരുത്തേകാൻ 2.0ലിറ്റർ ടർബോചാർജ്ഡ് ഫോർ സിലിണ്ടർ എൻജിനാണ് ഉപയോഗിച്ചിരിക്കുന്നത്. 148ബിഎച്ച്പിയും 320എൻഎം ടോർക്കുമാണ് ഈ എൻജിനുള്ളത്.

അതേസമയം വി40 ക്രോസ് കൺട്രി ടോപ്പ് എന്റ് കാറുകളുടെ കരുത്ത് 187ബിഎച്ച്പിയും 300എൻഎം ടോർക്കുമുള്ള 2.0ലിറ്റർ ടർബോചാർജ്ഡ് പെട്രോൾ എൻജിനാണ്.

ഈ എല്ലാ എൻജിനുകളിലും 6സ്പീഡ് ഓട്ടോമാറ്റിക് ഗിയർബോക്സാണ് ചക്രങ്ങളിലേക്ക് പവർ എത്തിക്കുന്നത്.

പുതിയ വോൾവോ കാറുകൾക്ക് ബിഎംഡബ്ല്യൂ 1 സീരീസ്, മെഴ്സിഡസ് എ ക്ലാസ് എന്നിവരായിരിക്കും ഇന്ത്യൻ നിരത്തിലെ മുൻനിര എതിരാളികൾ.

വോൾവോ വി40 ദില്ലി എക്സ്ഷോറൂം വില:

• വി40 ഡി3 കൈനറ്റിക്: 25.49ലക്ഷം
• വി40ഡി3 ആർ-ഡിസൈൻ: 28.53ലക്ഷം



വോൾവോ വി40 ക്രോസ് കൺട്രി ദില്ലി എക്സ്ഷോറൂം വില:

• വോൾവോ വി40 ക്രോസ് കൺട്രി ഡി3 ഇൻസ്ക്രിപ്ഷൻ: 29.4ലക്ഷം
• വോൾവോ വി40 ക്രോസ് കൺട്രി ടി4 മോമെന്റം: 27.2ലക്ഷം



കുറഞ്ഞ നിരക്കിൽ ഒരുകൂട്ടം പുത്തൻകാറുകളുമായി ഹ്യുണ്ടായ്

യുവതലമുറയ്ക്കായുള്ള സാങ്‌യോങിന്റെ വാഗ്ദാനം- 'ടിവോലി'