ഡസേർട് സ്റ്റോം നാലാം പാദം; സുരേഷ് റാണ, സിഎസ് സന്തോഷ് ഇഞ്ചോടിഞ്ച് മുന്നിൽ

എക്സ്ട്രീം വിഭാഗത്തിൽ നാവിഗേറ്റർ അശ്വിൻ നായികൊനൊപ്പം സുരേഷ് റാണയാണ് ഇത്തവണയും ഒന്നാമതെത്തിയത്. നാവിഗേറ്ററ്‍ നീരവ് മേത്ത, നിഞ്ജു പാഢ്യ രണ്ടാമതും കരൺ ആര്യ, സന്ദീപ് ശർമ തുടങ്ങിയവർ മൂന്നാമതും എത്തിച്ചേർന്നു.

മോട്ടോ വിഭാഗത്തിൽ ഹീറോ മോട്ടോസ്പോർട് ടീം റൈഡർ സിഎസ് സന്തോഷാണ് ഒന്നാം സ്ഥാനക്കാരൻ. ടിവിഎസ് റൈഡർമാരായ ആർ നടരാജ്, തൻവീർ അബ്ദുൾ വാഹിദ് എന്നിവർ രണ്ടും മൂന്നും സ്ഥാനത്തിനർഹമായി.

എൻഡ്യുർ വിഭാഗത്തിൽ നികുഞ്ജ് തോഷിവാല, സുവർജിത് ദത്ത് കൂട്ടുകെട്ടിനാണ് ഒന്നാം സ്ഥാനം. അർപിത് ഗുപ്ത, ടി. നാഗരാജൻ രണ്ടാം സ്ഥാനവും സുരേഷ് കൂമാർ, രജിത് പുരുഷോത്തമൻ എന്നിവർ മൂന്നാമതായും എത്തിച്ചേർന്നു.

എക്സ്പ്ലോർ ബി വിഭാഗത്തിൽ ശങ്കർ ആനന്ദിനൊപ്പം കാർത്തിക് മാരുതിയാണ് ഒന്നാം സ്ഥാനം പങ്കിട്ടത്. രണ്ടാം സ്ഥാനം രാജേഷ് ചലാന, സതീഷ് ഗോപാൽകൃഷ്ണൻ എന്നിവരും മുഹമദ് മുസ്തഫയ്ക്കൊപ്പം അലി അജ്ഗാർ മൂന്നാം സ്ഥാനവും പങ്കിട്ടു.

സ്ത്രീ മത്സരാർത്ഥികൾക്കിടയിൽ ബാനി യാദവായിരുന്നു മുൻപന്തിയിൽ. കഴിഞ്ഞ മത്സരങ്ങളിൽ ഇവർ ഒമ്പതാം സ്ഥാനത്തായിരുന്നു.

2017 മാരുതി സുസുക്കി ഡസേർട് സ്റ്റോം ഫലങ്ങൾ

എക്സ്ട്രീം വിഭാഗം

1. സുരേഷ് റാണ/ അശ്വിൻ നായിക്

2. നിഞ്ജു പാഢ്യ/ നീരവ് മേത്ത

3. സന്ദീപ് ശർമ/ കരൺ ആര്യ

മോട്ടോ വിഭാഗം

1. സി.എസ് സന്തോഷ്‌

2. ആർ നടരാജ്

3. തൻവീർ അബ്ദുൾ വാഹിദ്

മാരുതി സുസുക്കി മോട്ടോർസ്പോർട് ഇക്സോൺമോബൈൽ ലൂബ്രിക്കന്റസ് പ്രൈവറ്റ് ലിമിറ്റഡുമായുള്ള പങ്കാളിത്തതിലാണ് 2017 മാരുതി സുസുക്കി ഡസേർട് സ്റ്റോം റാലി സംഘടിപ്പിക്കുന്നത്.