Just In
- 42 min ago 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
- 1 hr ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
- 2 hrs ago വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- 3 hrs ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
Don't Miss
- News 'എല്ലാവരുടെയും അവകാശങ്ങൾ സംരക്ഷിക്കപ്പെടണം'; അരവിന്ദ് കെജ്രിവാളിന്റെ അറസ്റ്റിൽ പ്രതികരിച്ച് യുഎൻ
- Movies മരുന്നിന് വേണം അത്രയും കാശ്, ബസോ ലോറിയോ കിട്ടിയാല് അതും ഓടിക്കും, കിഷോര് പറയുന്നു
- Lifestyle ആഗ്രഹങ്ങളും ലക്ഷ്യങ്ങളും സാധിക്കും; ഈ സൂര്യ ഗ്രഹണം അതിനുള്ള അപൂര്വ്വ അവസരം
- Technology കൈയിലെ ചെറുവിരലിന് ഒരു വളവ് ഉണ്ടോ എന്ന് നോക്കൂ! ഭയപ്പെടുത്തി 'ഐഫോൺ ഫിംഗർ', വീഡിയോ ഇതാ
- Finance എസ്ബിഐ അടക്കം മൂന്ന് ഓഹരികൾ വാങ്ങാം, നേട്ടം 25% വരെയാണ്, കൂടെക്കൂട്ടുന്നോ...
- Sports IPL 2024: ജ്യോത്സ്യനാണോ? ഒരു ഓവറില് നാല് സിക്സ് അടിക്കുമെന്ന് പ്രവചിച്ച പരാഗ്; പഴയ ട്വീറ്റ് കുത്തിപ്പൊക്കി
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഇന്ത്യയെ അതിശയിപ്പിച്ച ചില അംബാസഡര് മോഡിഫിക്കേഷനുകള്
അംബാസഡര് എന്നാല് ഒരു വികാരമാണ്. 1958 ല് ഇന്ത്യന് മണിലേക്ക് കടന്ന് വന്ന ഹിന്ദുസ്താന് അംബാസഡര് നീണ്ട 56 വര്ഷമാണ് രാജ്യത്തെ സേവിച്ചത്. 2014 ല് ഉത്പാദനം നിര്ത്തുമ്പോഴും ഇന്ത്യന് ജനതയുടെ മനസില് മായാത്ത മുഖമായി മാറാന് അംബാസഡറിന് കഴിഞ്ഞു.
നാട്ടുപ്രമാണികളും, പുത്തന് പണക്കാരും മുതല് സര്ക്കാര് ഉദ്യോഗസ്ഥരും രാഷ്ട്രീയ നേതാക്കളും വരെ തലയുയര്ത്തി സഞ്ചരിച്ചിരുന്നത് ഇതേ അംബാസഡറിന്റെ നിഴലിലാണ്. അംബാസഡറിനെയായിരുന്നു ലോകത്തിലെ ഏറ്റവും മികച്ച ടാക്സിയായി പ്രശസ്ത ടിവി ഷോ ടോപ് ഗിയര് തെരഞ്ഞെടുത്തത്.
ലണ്ടന് ബ്ലാക് ക്യാബ്, മെര്സിഡീസ് ബെന്സ് ഇ-ക്ലാസ്, ഫോക്സ്വാഗണ് ബീറ്റില്, ഫോര്ഡ് ക്രൗണ് വിക്ടോറിയ, ലിങ്കണ് ടൗണ് കാറുകളോട് ഏറ്റുമുട്ടിയാണ് ഇന്ത്യയുടെ സ്വന്തം അംബാസഡര് ഈ കിരീടം കരസ്ഥമാക്കിയത്.
പുത്തന് താരോദയങ്ങളുടെ കടന്നുവരവില് അംബാസഡറിന് കാലിടറിയില്ലേ എന്ന ചോദ്യത്തിന് ഉത്തരം നല്കുക ബുദ്ധിമുട്ടാകും. കാലത്തിനൊത്ത് പിടിച്ച് നില്ക്കാന് കഷ്ടപ്പെടുന്ന അംബാസഡറിനയും അവസാന നാളുകളില് നാം കണ്ടതാണ്.
ഇതൊക്കെ അംബാസഡറിന്റെ ചരിത്രം. ഇന്ത്യ കണ്ട ആദ്യ മോഡഫിക്കേഷന് ക്യാന്വാസ് കൂടിയായിരുന്നു അംബാഡസര്. ചില കൗതുകമുണര്ത്തുന്ന അംബാഡസര് മോഡഫിക്കേഷനുകളെ ഇവിടെ പരിശോധിക്കാം-
ഡിസി മോഡിഫൈഡ് ആംബിയറോഡ്
ഗള്വിംഗ് ഡോറുകളും 5 സ്പോക്ക് അലോയ് വീലും അംബാഡസറില് സങ്കല്പിക്കാന് സാധിക്കുമോ? ദിലീപ് ഛാബ്രിയയുടെ സങ്കല്പത്തില് ഒരുങ്ങിയ ആംബിയറോഡ് ഏറെക്കാലം ഇന്ത്യന് ജനതയില് കൗതുകമുണര്ത്തിയ മോഡലാണ്. 2008 ദില്ലി ഓട്ടോ എക്സ്പോയില് വെച്ചാണ് ആംബിയറോഡിനെ ഡിസി ഡിസൈന് കാഴ്ചവെച്ചത്.
അംബാസഡര് റോള്സ് റോയ്സ്
അംബാസിഡറില് മുങ്ങിയ റോള്സ് റോയ്സ് - ഏറെ ശ്രദ്ധിക്കപ്പെട്ട പരീക്ഷണങ്ങളില് ഒന്നാണ് ഇത്. വലിയ വെര്ട്ടിക്കല് ഫ്രണ്ട് ഗ്രില്ലും സ്വെപ്റ്റ് ഹെഡ്ലാമ്പുകളും കാറിനെ വേറിട്ട് നിര്ത്തുന്നു. ഫ്രണ്ട് ഗ്രില്ലിന് ലഭിച്ച ഗ്രില്ല് മാത്രമാണ് റോള്സ് റോയ്സിലേക്കുള്ള സൂചന നല്കുന്നത്.
മനീഷ് മല്ഹോത്രയുടെ ആര്ട്ടിസ്റ്റിക് അംബാസഡര്
പ്രശസ്ത ഫാഷന് ഡിസൈനര് മനീഷ് മല്ഹോത്രയും അംബാഡസറില് ഒരു കൈനോക്കിയിട്ടുണ്ട്. സംഭവം ഹിറ്റായോ എന്നതില് സംശയമുണ്ടെങ്കിലും, അംബാസഡറിന് ഒരു റെട്രോ ലുക്കാണ് നിറങ്ങള് കൊണ്ട് മനീഷ് മല്ഹോത്ര ചാർത്തിയത്.
അലൂമിനിയം അംബാസഡര്
അംബാസഡറില് ഒരുങ്ങിയ മറ്റൊരു ആര്ട്ട് വര്ക്കാണ് ഇത്. പൂര്ണമായും അലൂമിനിയത്തില് ഒരുങ്ങിയതാണ് ഈ അംബാസഡര്. പ്രശസ്ത ശില്പി സുബോധ് ഗുപ്തയുടെ സങ്കല്പത്തിനൊത്ത് മെനഞ്ഞെടുത്ത അംബാസഡര്, 'ദൂത്ത്' എന്നാണ് അറിയപ്പെടുന്നത്.
പോളാര് ബെയര് അംബാസഡര്
ഇന്ത്യ കണ്ട ഏറ്റവും വിചിത്രമായ അംബാസഡറാണ് ഇത്. ഹെതല് ശുക്ല എന്ന മുംബൈ ഗ്രാഫിക്സ് ആര്ട്ടിസ്റ്റാണ്, രോമത്തില് പൊതിഞ്ഞ അംബാസഡറിനെ അവതരിപ്പിച്ചത്. വംശനാശ ഭീഷണി നേരിടുന്ന ദ്രുവകരടികളെ, നിരത്തില് നിന്നും അന്യം നിന്നുപോകുന്ന അംബാഡറുകളമായി ഉപമിക്കാനുള്ള ശ്രമമാണ് ഇവിടെ നടന്നിരിക്കുന്നത്.