ഇന്ത്യയില്‍ നിന്നും X3 3.0 ലിറ്റര്‍ ഡീസല്‍ വേരിയന്റിനെ ബിഎംഡബ്ല്യു പിന്‍വലിച്ചു

ഇതോടെ ഇന്ത്യയില്‍, 2.0 ലിറ്റര്‍ ഫോര്‍-സിലിണ്ടര്‍ എഞ്ചിനുകളില്‍ മാത്രമാകും ബിഎംഡബ്ല്യു X3 ഡീസല്‍, പെട്രോള്‍ വേരിയന്റുകള്‍ ലഭിക്കുക.

നേരത്തെ, എക്‌സ്‌ഡ്രൈവ് 30 യിലും, എം-സ്‌പോര്‍ട് ട്രിമിലും ബിഎംഡബ്ല്യു X3 3.0 ലിറ്റര്‍ സിക്‌സ്-സിലിണ്ടര്‍ ട്വിന്‍പവര്‍ ടര്‍ബ്ബോ ഡീസല്‍ യൂണിറ്റ് ലഭ്യമായിരുന്നു.

255 bhp കരുത്തും 580 Nm torque ഉം ഉത്പാദിപ്പിക്കുന്നതാണ് 3.0 ലിറ്റര്‍ ട്വിന്‍പവര്‍ ടര്‍ബോ ഡീസല്‍ എഞ്ചിന്‍.

എഞ്ചിനുമായി ബന്ധപ്പെടുത്തിയ 8 സ്പീഡ് ഓട്ടോമാറ്റിക് ട്രാന്‍സ്മിഷനില്‍ പാഡില്‍ ഷിഫ്റ്ററുകളും ബിഎംഡബ്ല്യു ഒരുക്കിയിരുന്നു.

3.0 ലിറ്റര്‍ ഡീസല്‍ യൂണിറ്റിന്റെ പിന്‍മാറ്റത്തിന്റെ പശ്ചാത്തലത്തില്‍ ഇനി രണ്ട് വേരിയന്റുകളില്‍ മാത്രമാണ് ബിഎംഡബ്ല്യു X3 ലഭ്യമാവുക.

188 bhp കരുത്തും 400 Nm torque ഉം ഏകുന്ന 2.0 ലിറ്റര്‍ ഫോര്‍-സിലിണ്ടര്‍ ഡീസല്‍ എഞ്ചിനിലും, 241 bhp കരുത്തും 350 Nm torque ഉം ഉത്പാദിപ്പിക്കുന്ന 2.0 ലിറ്റര്‍ ഫോര്‍-സിലിണ്ടര്‍ പെട്രോള്‍ എഞ്ചിനിലുമാണ് X3 ഒരുങ്ങുക.

ഇരു വേരിയന്റുകളും 8 സ്പീഡ് സ്റ്റെപ്‌ട്രോണിക് ഓട്ടോമാറ്റിക് ഗിയര്‍ബോക്‌സിലാണ് വന്നെത്തുന്നത്.