Click it and Unblock the Notifications
ഒരു ലിറ്റര് പെട്രോളില് ഈ കാര് ഓടിയത് 1153 കിലോമീറ്റര്!
ക്യൂബെക് ലവാല് സര്വകലാശാലയില് നിന്നുള്ള വിദ്യാര്ത്ഥി സംഘമാണ് ഇന്ധനക്ഷമതയില് റെക്കോര്ഡ് സൃഷ്ടിച്ച് കൊണ്ട് ശ്രദ്ധ നേടിയിരിക്കുന്നത്.
കാറില് ഒരു ലിറ്റര് ഇന്ധനം കൊണ്ട് എത്ര കിലോമീറ്റര് വരെ യാത്ര ചെയ്യാം? കൂടിപോയാല് 30 കിലോമീറ്റര് എന്ന് വരെ ഉത്തരം ലഭിച്ചേക്കാം. എന്നാല് ലിറ്ററിന് 1153 കിലോമീറ്റര് ഇന്ധനക്ഷമതയുള്ള കാറുമായി വിദ്യാര്ത്ഥി സംഘം മുന്നോട്ട് വന്നിരിക്കുകയാണ്.
ക്യൂബെക് ലവാല് സര്വകലാശാലയില് നിന്നുള്ള വിദ്യാര്ത്ഥി സംഘമാണ് ഇന്ധനക്ഷമതയില് റെക്കോര്ഡ് സൃഷ്ടിച്ച് കൊണ്ട് ശ്രദ്ധ നേടിയിരിക്കുന്നത്.
അമേരിക്കയിലെ ഡിട്രോയിറ്റില് വെച്ച് നടന്ന 11 മത് വാര്ഷിക ഷെല് ഇക്കോ-മാരത്തോണ് മത്സരത്തിലാണ് പ്രതി ലിറ്ററില് 1153.41 കിലോമീറ്റര് ഇന്ധനക്ഷമത കാഴ്ചവെക്കുന്ന കാറിനെ ലവാല് സര്വകലാശാലയിലെ വിദ്യാര്ത്ഥികള് അവതരിപ്പിച്ചത്.
അള്ട്ര-എനര്ജി-എഫിഷ്യന്റ് പെട്രോള് കാറിന്റെ മാതൃകയാണ് വിദ്യാര്ത്ഥികള് സമര്പ്പിച്ചത്.
മികച്ച ഇന്ധനക്ഷമത കാഴ്ച വെക്കുന്ന കാറുകളെ അവതരിപ്പിക്കുന്നതിനായുള്ള ഷെല് ഇക്കോ-മാരത്തോണ് മത്സരത്തില് സർവകലാശാല വിദ്യാര്ത്ഥികളാണ് പങ്കെടുക്കുന്നത്.
മത്സരത്തിന്റെ ഭാഗമായി പെട്രോള് മുതല് ഹൈഡ്രജന് വരെയുള്ള ഏത് തരം ഇന്ധനവും കാറുകളില് ഉപയോഗിച്ച് ഇന്ധനക്ഷമത വർധിപ്പിക്കാം. വിദ്യാര്ത്ഥികള് അവതരിപ്പിക്കുന്ന കാറുകളെ ഡിട്രോയിറ്റ്, മിഷിഗന് ടെസ്റ്റ് ട്രാക്കുകളില് പരീക്ഷിച്ചാണ് ഫലം കണ്ടെത്തുന്നത്.
2016 ലും ക്യൂബെക് ലവാൽ സര്വകലാശ, 1098 കിലോമീറ്റര് ഇന്ധനക്ഷമത കാഴ്ച വെച്ച് ഷെല് ഇക്കോ-മാരത്തോണ് മത്സരം വിജയിച്ചിരുന്നു. 2006 ല് ആരംഭിച്ച ഷെല് ഇക്കോ-മാരത്തോണില് ഇത് നാലാം തവണയാണ് ലവാല് സര്വകലാശാല വിജയിക്കുന്നത്.
115 സംഘങ്ങളിലായി 1200 ല് പരം വിദ്യാര്ത്ഥികളാണ് മത്സരത്തില് പങ്കെടുത്തത്.
ബ്രസീല്, കാനഡ, കൊളംബിയ, ഗ്വാട്ടിമാല, മെക്സിക്കോ, പെറു,, പ്യൂട്ടോ റിക്കാ എന്നീ രാജ്യങ്ങളില് നിന്നുള്ള സര്വകലാശാലകളാണ് ഇക്കോ-മാരത്തോണില് ഉള്പ്പെട്ടത്.
പെട്രോളില് കരുത്തില് സഞ്ചരിക്കുന്ന കാര് മാതൃകയാണ് ലവാല് സര്വകലാശാല വിദ്യാര്ത്ഥികള് കാഴ്ചവെച്ചത്. സമകാലിക കാര് സങ്കല്പങ്ങള്ക്ക് വിരുദ്ധമായ രൂപകല്പനയാണ് കാറിന്റെ പ്രധാന സവിശേഷത.
ഭാരക്കുറവ്, എയറോഡൈനാമിക്സ്, കുറഞ്ഞ വലുപ്പം എന്നീ ഘടകങ്ങള് കാറിന്റെ ഇന്ധനക്ഷമതയില് സ്വാധീനം ചെലുത്തുന്നു. 2 bhp കരുത്താണ് ലവാല് സര്വകലാശാല സമര്പ്പിച്ച കാറിന്റെ കരുത്ത്.
എല്ലാ വര്ഷവും ഏഷ്യ, അമേരിക്ക, യൂറോപ്പ് ഭൂഖണ്ഡങ്ങളില് ഷെല് ഇക്കോ-മാരത്തോണ് മത്സരം അരങ്ങേറാറുണ്ട്. സ്വന്തമായി വാഹനങ്ങള് നിര്മ്മിക്കാനും അവയെ പരീക്ഷിക്കാനുമുള്ള അവസരമാണ് മത്സരത്തിലൂടെ വിദ്യാര്ത്ഥികള്ക്ക് ലഭിക്കുന്നത്.
Continue with Google