Click it and Unblock the Notifications
ഹോണ്ട WR-V യ്ക്ക് ഫോര്ഡിന്റെ ഭീഷണി; ഫിഗൊ ക്രോസ്ഓവറിന്റെ ചിത്രങ്ങള് പുറത്ത്
ഇന്ത്യന് ഹാച്ച്ബാക്ക് ശ്രേണിയില് ഫോര്ഡ് ഫിഗൊ ഹാച്ച്ബാക്ക് ചേക്കേറിയിട്ട് കാലം കുറച്ചേറെയായി. പുത്തന് ഹാച്ച്ബാക്ക് അവതാരങ്ങളുമായി മറ്റുനിര്മ്മാതാക്കള് കളംനിറയുമ്പോള്, ഫിഗൊയ്ക്ക് പുതുജീവന് നല്കാനുള്ള തിടുക്കത്തിലാണ് ഫോര്ഡ് ഇന്ത്യ.
ഇപ്പോള് പ്രചരിക്കുന്ന പുതിയ ഫിഗൊ ഹാച്ച്ബാക്കിന്റെ ചിത്രങ്ങള് ഫോര്ഡിന്റെ പുതിയ നീക്കം വെളിപ്പെടുത്തുകയാണ്. കനത്ത മൂടുപടത്തില് റോഡ് ടെസ്റ്റ് നടത്തുന്ന ഫിഗൊയുടെ ചിത്രങ്ങളാണ് പുറത്ത് വന്നിരിക്കുന്നതും.
അടുത്തിടെയാണ് കൂടുതല് സ്പോര്ടിയായ, 'എസ്' വേരിയന്റ് ഫിഗൊയെ ഫോര്ഡ് പുറത്തിറക്കിയത്. അതിനാൽ ഫിഗൊ ക്രോസ്ഓവറാകും പുതിയ മോഡലെന്നാണ് സൂചന.
Recommended Video
സ്പോര്ടി ബ്ലാക് പെയിന്റ് സ്കീം നേടിയ ട്വിന്-സ്പോക്ക് അലോയ് റിമ്മുകളും, ബ്ലാക് ക്ലാഡിംഗും ഫിഗൊ ക്രോസ്ഓവറിലേക്ക് വിരല് ചൂണ്ടുന്നു. മസ്കുലര് ഫ്രണ്ട്-റിയര് ബമ്പറുകളാണ് പുതിയ ഫിഗൊയ്ക്ക് ലഭിച്ചതെന്നും ചിത്രങ്ങള് വെളിപ്പെടുത്തുന്നുണ്ട്.
ബ്ലാക് പ്ലാസ്റ്റിക് ക്ലാഡിംഗില് ഒരുങ്ങിയതാണ് വീല് ആര്ച്ചുകള്. ഇന്റീരിയറില് അപ്ഡേറ്റഡ് ഡാഷ്ബോര്ഡും പുതിയ ടച്ച്-സെന്സിറ്റീവ് ഇന്ഫോടെയ്ന്മെന്റ് സിസ്റ്റവും ഇടംപിടിക്കുമെന്ന് റിപ്പോര്ട്ടുകള് പറയുന്നു.
ഫോര്ഡിന്റെ പുതിയ ഡ്രാഗണ് സീരീസ് എഞ്ചിനുകളുടെ വരവിനും പുതിയ മോഡലുകള് കരുത്ത് പകരും. 2017 ഇക്കോസ്പോര്ടിലാകും ഫോര്ഡിന്റെ ഡ്രാഗണ് സീരീസ് എഞ്ചിനുകള് ആദ്യം ഇടംപിടിക്കുകയെന്നാണ് സൂചന.
പിന്നാലെ ഫിഗൊ, ആസ്പൈറുകള്ക്കും ഡ്രാഗണ് സീരീസ് എഞ്ചിനുകള് ലഭിക്കും. നിലവില് ബ്രസീലിയന് വിപണിയില് ഫിഗൊ ക്രോസ്ഓവര്, 'കാ ട്രെയിലിനെ' ഫോര്ഡ് അണിനിരത്തുന്നുണ്ട്.
ഹ്യുണ്ടായി i20 ആക്ടീവ്, ഹോണ്ട WR-V, ഫോക്സ്വാഗണ് ക്രോസ് പോളോ, ടൊയോട്ട എത്തിയോസ് ക്രോസ് മോഡലുകളാകും ഇന്ത്യയില് ഫിഗൊ ക്രോസ്ഓവറിന്റെ എതിരാളികള്. 2018 ഓട്ടോ എക്സ്പോയിലാകും പുതിയ ക്രോസ്ഓവറിനെ ഫോര്ഡ് അവതരിപ്പിക്കുക.
Continue with Google